Niedaboarn (amtli:Niederbayern) is oana vo de siem Regiarungsbeziak voBayern. DeHaptstod vum Regiarungsbeziak Niedabayern isLandsad (uma 75.000 Eihwohna – 2023).
Geografische Läng und Broadn: 11,5° bis 13,5° estliche Läng und 48° bis 49° neadliche Broadn.
Gebirg gibts in Niedabayern nur anBoarischn Woid, dea wo a durchschnidliche Heh vo 1000 m hod. De bekanntesdn Berg im Bairischn Woid hand da Einödriegel (1121 m), da Hirschnstoa (1095 m), da Pröller (1048 m), daGrouße Arba (1456 m), daRachel (1453 m), da Lusen (1373 m), da Dreisessl (1312 m), da Almberg (1139 m) und da Brotjacklriegl (1016 m).
Desweng hand im Winda a vuiSchifahra in de Landkroas Regen und Freyung-Grafenau, und a Degndoaf, Bossa und Straubing-Bogn. De Orte beim Groußen Arba (1456 m), am Rachel (1453 m), am Lusen (1373 m) und am Almberg (1139 m) hand bekannd fiar eran Wintersport.
Nennasweat is a da Landesobschnid undahoi daDoana, uma vo Rengschburg bisVuidshofa, da so genanndeGaibon oda a Dungau. Wei da Bodn durd so fruchdba is, wernd do haubdsächle Zuggaruam obaud. ZBlalleng is desweng a Zuggaruamfabrik, zu dera olle Gaibonbauan erane Zuggaruam hifohrn miassn.Außadem wead sunsd a noWoaz,Gerschn,Gmias, vor oim Erdapfe, undObsd obaud.
Da Begriff „Niedabayern“ kimmt zum easchtn Moi im Jahr1255 bei da boarischn Landesteilung auf. Damois ghern aa daCheamgau und de Gengad vo Bad Reichahoi no dazua. In da Boarischn Vafossung vo1808 homs Baiern in Kroas eideid. DaKiniLudwig I. hod nacha1837 an "Unterdoanakroas" oafoch Niadabaiern gnennt.
Niedabayern is a traditioneja Nama. Des heitige Niedabayern deckt si owa ba weidn ned mitm historischn Niedabayern. De Bevejkarung identifiziat si heit owa mit dera wuikiale gwejdn Bezeichnung.
Vor da Landkroasreform am 1. Juli1972 hod Niedabayern via kroasfreie Städd und 22 Landkroas ghobt. Da Landkroas Ketzting, und Grund vom Landkroass Mallersdorf kead etz zua Obapfoiz.
Omeakung: Bis1954 han de Regiarungsbeziak Niedabayern undObapfoiz gmoasam vawoit worn. Tei davo sand bis heid imma no do und wern imma no zam in Landsad vawoit.
