SMondgsicht oda daMo im Mond is a Voiksglaam, en Mond z personifizian, dea wo friara - seit Menschngedenkn - grosse Vabroadung ghobt hod.
Ba Voimond siagt ma vo daEadn aus helle und dunkle Fleckn im Mond. In de Fleckn ko ma a menschlichs Gsicht einiintapretian. Af vuin Buidan wead da Mond deswegn mit an Gsicht dorgstejt (genau so wia deSun).
Seit jehea vazejn si Menschn aus oin Ländan Gschichtn vom Mo im Mond. De moastn Gschichtn handln vo Vabrechan, de wo afn Mond vabannt worn san. In da mittloidalichn christlichn Tradition hod ma ognumma, dass des da Kain warad.
De Wissnschoft vo da Neizeit hod zeascht glabt, dass de dunklen Flächn, de wo s Gsicht buidn, Meare san. Nochm heitign Stand vo da Forschung is des Mondgesicht duach Katastrophen in da Mondgschicht entstondn. Vor oim duach Eischlog-Krata vo Himmeskeapan und duach de Sunreflexion afgrund vo de Unebmheitn.
Es wean aa no ondane Figurn in an Mond einephantasiat: a Hos, a Frau etc.
Commons: Hase im Mond – Sammlung vo Buidl, Videos und Audiodateien