AInternet Protocol Adress oda kuazIP-Adress is a oadeitige numerische Zuaoadnung fia Geräte in an Computer-Netzweak, des wo sInternet Protocol fia de Kommunikation nutzt.[1] A IP-Adress ko an oanzlnan Empfänga, oba aa ana Gruppm vo Empfängan (Broadcast, Multicast) zuagoadnet sein. Umgekeat kennan an Computer aa mearane IP-Adressn zuawiesn sei.
A IP-Adress hod voa oim zwoa Funktiona: Easchtns de Identifikation vo am Host bzw. Netzweakinterface und zwoatns de Lokalisiarung vo da Adress. Vaoafocht ko ma si des so voastejn: A Host zoagt wos ma suacht. A Adress zoagt wo s is. A Route zoagt wia ma do hinkimmt.[2]
De bekonntaste Notation vo de heit glaifignIPv4-Adressn bsteht aus via Zoin, de Weate vo 0 bis 255 onehma kena und mit am Punkt trennt wean, beispuisweis192.0.2.42. Technisch gsegn is de Adress a 32-stejige (IPv4) oder 128-stejige (IPv6) Bineazoi.
Wen zwoa technische Geräd midnanda kommunizian woin, nacha muaß a Jeds in da Log sei, am andan Geräd Datn z sendn. Damid de Datn be da richtign Gengstejj ookemma, muaß mas oateite benenna oda adressian. In IP-Netz macht ma des mid na IP-Adress.
So sprichd da Webbrausa an Webserver direkt iwa sei IP-Adress o. Da Brausa frågt dazua füa an Domainnam. z. B. "www.example.com". de IP-Adress bei am Namseava (Nameserver) o, und sprichd nacha den Webserver direkt unta seina IP-Adress "208.77.188.166" o.
Fia Administratorn gibts Programme, um de IP-Adress ozumzoagn und z konfigurian. In Unix Betriebsystemen (und Variantn davo) wead dafia s Kommandoifconfig, für Linux stehtip vawendt, DOS oda Windows vawendn, je noch Version,ipconfig odawinipcfg.
- Beispui
- Da Netzschnittstej eth0 wead de IPv4-Adress 192.168.0.254 in am /27-Subnetz zuagwiesn.
- Unix (FreeBSD, Mac OS X): ifconfig eth0 192.168.0.254/27
- Linux: ip addr add 192.168.0.254/27 brd + dev eth0
- Linux (alt): ifconfig eth0 192.168.0.254 netmask 255.255.255.224 broadcast 192.168.0.255
De Ogob vo de Tei „broadcast 192.168.0.255“ bzw. „brd +“ san optional. („brd +“ steht do fia de automatische Berechnung vo da Broadcast-Adress, es ko aa a spezifische Adress ogem wean. ifconfig berechnet die Broadcast-Adress in neian Versiona automatisch, z. B. ab FreeBSD 4.x.).
Iba Protokolle wia z. B. BOOTP, DHCP oda NDP kena IP-Adressn beim Hochfoan vom Rechna duach an Server automatisch zuagwiesn wean.
Vortei is dobei de zentrale Vawoitung vo de Adressn. Bei an Netzzuagriff miassen koane weidan Einstellunga voagnumma wean.
- ↑RFC 760,DOD Standard Internet Protocol (january 1980)
- ↑RFC 791,Internet Protocol - DARPA Internet Program Protocol Specification (September 1981)
