Graue Schmia bzw.Graue-Schmia-Szenario (dt.Graue-Schmiere-Szenario, engl.grey goo) is a hypothetisches Szenario vom Wejduntagang afgrund vo molekularaNanotechnologie. Vauasocht sois duach sognennde Nanobots wean. Des san kloawinzige Assembler, de wo si sejm redupliziankina. So wead de gsamte Materie vo daEadn afbraucht, um imma meah Kopien z macha.[1][2] Ma nennt des Szenario aa Ökophagie, wei de Wejd vo de kloanRobota sozsogn afgressn wead.[3] De uaspringliche Hypothesn wor, dass de Roboto scho so konstruiad waan, dass sa si sejm reduplizian kina. Andane vamuatn, dass se de Funktion sejm dalanga kunntn.
Grässane sejm reproduziarade Maschina san uaspringlich vomMathematika John von Neumann bschriebn worn. Da AusdruckGraue Schmia bzw. engl.gray goo is vom Nanotechnologie-Pionia Eric Drexler in seim 1986 daschienanan BuachEngines of Creation eigfiaht worn.[4] 2004 hod da Drexler gsogtz: „I winschad, i häd en Begriff ‚gray goo‘ nia gnuzt.“[5]