 |
| Suratan niki wagian saking séri |
| Subak Bali subak·bali |
|---|
Pakaryan
|
Komunitas |
Upacara Subak Tegalalang inggih punika dudonan upakara sané ketah kaanggé krama subak ringDésa Tegalalang,Kecamatan Tegalalang,Kabupatén Gianyar, Bali. Upacara niki kamargiang ring tetiga pura inggihnyane Pura Bedugul,Pura Ulun Suwi, miwahPura Masceti Tegalalang.
Kawéntenan upacara kakawitin antuk aci upacara magpagtoya antuk mendak toya ringcarik muat emping pinaka pangawit pakaryan petani ring carik drué. Kalanturang antuk upacara mawiwit marupa nandurpadi sané kajangkepin antuk mawinih, ngaryanin bibit ring asiki petak sané suéné 12-15 rahina sadurung magingsir ka lahannyané. Pamuputné kasarengin upacara mawiwit.
Salanturnyané, yéning padi sampun mayusa 42 rahina pacang kamargiang upacara nyungsung utawi ngotonin padi. Tigang rahina sasampun nyungsung pacang kamargiang upacara nangluk merana. Taler wénten upacara geti-getibiu mas ring bucun cariké.
Rikala yusa padi das medal malai, kalaksanayang upacaratipat kelanan dampulan kalanturang upacara biu kukung. Upacara Ngusaba taler kamargiang sane kakawitin antuk ngusaba alit. Ngusaba Alit kalaksanayang yéning padi sampun ngawit nujuang ciren warnanyanékuning nuju manyi. Lantur ring Pura Masceti pacang kalaksanayang upacara Aci ageng nuju purnamaning sasih kadasa sapisanan piodalan pura Subak ring wewidangan desa Tegalalang, Gianyar.