 Sate Ponorogo, sate ayam perap bakar sane kasajiang ringsaus kacang, jaja khas sakingPonorogo, kota ringJawa Timur, Indonesia | |
| Wastan sané tiosan | Sate, Satai, Satti |
|---|---|
| Sajian | Entrée utawi hidangan utama |
| Wawengkon utawi wewidangan | Java[1] |
| Suhu penyajian | Hot |
| Lakaran utama | Daging sane katusuk lan kapanggang antuk makudang-kudang saus, utamanyane saus kacang |
| Variasi | Akeh variasi ring sajebag Asia Tenggara |
Sate (/ˈsɑːteɪ/SAH-tay, ring AS taler/ˈsæteɪ/SA-tay ), utawisate ringIndonesia, inggih punika sanganan Jawa sane madaging daging sane sampun kacampurin, katusuk lan kapanggang, kasajiang sareng saus . Sate mawit sakingJawa,[2][3][4] nanging sampun nglimbak ring sajebag Indonesia, nuju Asia Tenggara, Eropa, Amerika, miwah dura negara.
Sate Indonesia sereng kasajiang sareng saus kacang lan kecap manis – kecap sane manis, lan sering kasarengin antukketupat utawi lontong, soroh kue beras, yadiastun keragaman negara punika sampun ngasilang makudang-kudang resep sate. Taler sampun kaloktah ring makudang-kudang panegara Asia Tenggara sane lianan minakadi Brunei, Malaysia, Filipina, Singapura lan Thailand.[5][6] Punika taler kaakui lan kasub ring Suriname lan Belanda.[7] RingSri Lanka, sampun dados pokok pangan lokal pinaka pikolih saking pengaruh saking masyarakat Melayu lokal .[8]
Sate dados kawangun antuk dadu utawi irisan ayam,kambing, daging kambing, daging sapi, babi, ulam, daging sane lianan, utawi tahu ; tusuk bambu sering kaanggen, nanging persiapan gaya pedesaan nganggen tusuk saking rusuk tengah daunkelapa . Dagingnyane kapanggang ring api kayu utawi arang, raris kasajiang antuk makudang-kudang bumbu pedas. Sate prasida kaajengang antuk makudang-kudang saus; nanging, pinih sering ipun kasajiang ring kombinasi saus kedele lan kacang tanah,[9] ngawinang saus punika kemanten sering kasengguh "sate".[10]
Sajian nasional Indonesia,[11][12][13] sate puniki kaloktah dados ajeng-ajengan jalanan, kapanggihin ring restoran, lan ring pesta rerainan tradisional. Analog sane nampek inggih punika yakitori saking Jepang, kǎoròu chuàn saking Cina, kebab seekh saking India, kebab shish sakingTurki lan Timur Tengah, shashlik saking Kaukasus, lan sosatie saking Afrika Selatan. Puniki kadaftar ring nomor 14 ring jajak pendapat pangwacen50 ajeng-ajengan sane pinih enak ring jagate sane kasusun olih CNN Go ring warsa 2011.
<ref> tidak sah; tidak ditemukan teks untuk ref bernamaKraigPh.D.2013indonesian satay peanut sauce.