| 1.Adiparwa (आदिपर्व) – Kitab Indik Pangawit |
| KitabAdiparwa madaging makudang-kudang carita sisipan (interpolasi) indikmitologi Hindu, minakadi satuaMandaragiri (Samudramantana), satua BagawanDomya sane nguji muridne makatiga, satuaKaca lanDewayani, miwah satuaJaratkaru lanManasa. Satua sisipan sane mapaiketan sareng plot utama inggih punika: carita indik para laluhurPandawa lanKorawa (Yayati,Puru,Pratipa), carita palekadan ResiByasa, taler caritaSantanu miwah rabine makakalih (Gangga lanSatyawati). Carita utama kakawitin antuk carita palekadanDretarastra (bapane para Korawa),Pandu (bapane Pandawa), miwahWidura (perdana menteri), kalanturang antuk palekadan paraPandawa lanKorawa, carita rikala dane sareng sami kari alit tur paplajahan dane, carita indik tetegar ngematiangPandawa, carita pawiwahanPandawa sarengDrupadi, carita pamarginArjuna (Pandawa sane katiga), miwah carita hutan Kandawa sane katunjel. |
| 2.Sabhaparwa (सभापर्व) – Kitab Indik Patemon Ageng |
| KitabSabhaparwa madaging carita indik patemon paraPandawa danKorawa majudi ring balairung. Judi punika kaadakang olihDuryodana (Korawa sane pinih duur) sareng Uwane sane mawastaSangkuni. Makakalih sampun ngrincikang daya mangda prasida ngamolihang arta brana miwah keraton dueneYudistira (Pandawa sane pinih duur). Sangkaning daya corahne Sangkuni, Korawa prasida menang judi, nanging pamuputne samian embunge kawangdeang olihDretarastra. SelanturnyaneDuryodana malih nesekang mangda judine kaadakang malih apisan. Sane mangkin nenten nganggen embung marupa arta brana nanging sane kalah patut matilar ka alas salamine roras warsa, tur kaimbuhin antuk galah nyaru malih awarsa. Yening rikala nyaru punika ketara, patut kakutang malih ka alas. Ring judine puniki,Pandawa malih kalah. |
| 3.Wanaparwa (वनपर्व) – Kitab Indik Pamargi Ring Alas |
| KitabWanaparwa madaging carita indikPandawa sane idup roras warsa ring alas. Ring kitab puniki taler nyaritayang pamargin Arjuna sane matapa ring gunung Himalaya mangda prasida ngamolihang sanjata sakti pasupati saking DewaSiwa. Carita puniki dados bakal carita KakawinArjunawiwaha ring sajeroning kasusastraan Indonesia. |
| 4.Wirataparwa (विराटपर्व) – Kitab Indik Ring Kedatuan Wirata |
| KitabWirataparwa madaging carita indik penyamaran Pandawa atiban ring keratonWirata,Matsya sesampune roras warsa idup ring alas.Yudistira nyaru dados anak sane wikan ring ilmu agama mawasta Kangka,Bima nyaru dados juru rateng mawasta Balawa,Arjuna nyaru dados guru tari mawasta Wrehanala,Nakula nyaru dados tukang mretenin jaran mawasta Grantika,Sadewa nyaru dados pengangon sampi mawasta Aristanemi utawi Tantripala. Taler, rabin dane inggih punikaDrupadi nyaru dados panyeroan mawasta Malini. |
| 5.Udyogaparwa (उद्योगपर्व) – Kitab Indik Pandawa Mawali ka Hastinapura |
| KitabUdyogaparwa madaging carita indik upaya mangdaPandawa lanKorawa prasida dame utawi kasih. Wusan awarsa nyaru ring keraton Wirata, para Pandawa mawali ka Hastinapura.Yudistira pinaka Pandawa sane pinih duur nunas mangda samian kawaliang tur dane prasida dados Raja irika. Pangidihne Yudistira nenten kaisinin olihDuryodana.Kresna pinaka juru dame taler nenten prasida mapikolih. Sadurungne, para Pandawa lan Korawa sampun saling akehin ngrereh kanti ring sajeroningBharatawarsha, tur tambis tambis samian keraton ring jaman India Kuno kapah dados kalih golongan. |
| 6.Bhismaparwa (भीष्मपर्व) – Kitab Indik Bisma |
| KitabBhismaparwa madaging carita indik pangawit siat ringKurukshetra saantukan upaya dame Pandawa lan Korawa nenten mamargi antar. Wenten talerinterpolasi sane kasisipang ring pangawit baga indik bebaosan Kresna sareng Arjuna sadurung siat kakawitin. Bebaosan punika kapupulang olih krama Hindu dados kitab sane mawasta kitabBhagawadgita ("Bhagavad-Gītā"). Ring panguntat kitab puniki nyaritayang indikBisma sane kalah ring rahina kadasa saantukan maperang sareng Arjuna sane katulungin olihSrikandi. |
| 7.Dronaparwa (द्रोणपर्व) – Kitab Indik Drona |
| KitabDronaparwa nyaritayang indik BegawanDrona kaangkat dados panglima perang Korawa. Kacrita duk punika mangda perang gelis puput,Drona ngutsahayang ngejukYudistira pinaka pamucuk Pandawa, nanging utsaha dane setata nenten ngamolihang. PamuputneDrona seda saantukan kapunggel olihDrestadyumna, rikala dane sedek lemet wusan mireng gatra bogbog indik okan dane sane mawastaAswatama seda. Ring kitab puniki taler kacritayang kalih kesatria sakti saking Pandawa seda inggih punika:Abimanyu miwahGatotkaca. |
| 8.Karnaparwa (कर्णपर्व) – Kitab Indik Karna |
| KitabKarnaparwa nyaritayang indik Karna sane kaangkat dados panglima perang Korawa wusanDrona seda. Duk Karna sane dados panglima,Salya sane dados sratine nanging makakalih polih miyegan. Pamuputne,Karna prasida kasedayang olihArjuna antuk sanjata sane mawastaPasupati ring siat sane kalaksanayang ring rahina ka-17. Ring kitab puniki taler nyaritayangDursasana sane kasedayang olihBima. |
| 9.Salyaparwa (शल्यपर्व) – Kitab Indik Salya |
| KitabSalyaparwa nyaritayang indik PrabhuSalya sane kaangkat dados panglima perang Korawa ring rahina ke-18, ngentosinKarna sane sampun seda. Ring rahina punika,Salya taler seda. Sesampune katinggal olih rowang miwah semetone,Duryodana maselselan tur meled muputang perang sareng paraPandawa.Duryodana lantas kakedekin tur kawalek olih paraPandawa. Punika mawinanDuryodana jengah tur nantanginBima masiat. Ring siat punikaDuryodana kalah tur perang punika kapuputang. NangingDuryodana polih ngangkatAswatama dados panglima, tetujone pacang ngwalesang dendamne sareng paraPandawa. |
| 10.Sauptikaparwa (सौप्तिकपर्व) – Kitab Indik Gebug Ring Peteng |
| KitabSauptikaparwa nyaritayang indik balas dendamAswatawa majeng ringPandawa. Rikala sampun wengi,Aswatama sarengKrepa miwahKertawarma ngranjing ka kemahPandawa saking silib tur akeh ngematiang prajurit irika. Kabenengan nenten wentenPandawa ring kemah duk punika. Wusan punikaAswatama malaib ka patapanByasa. Benjangne kaejuk olihPandawa, punika lantas mapuara dados siat, Aswatama kalawan Arjuna. Byasa miwah Kresna prasida muputang pikobet punika. Pamuputne Aswatama kapastu olih Kresna. |
| 11.Striparwa (स्त्रीपर्व) – Kitab Indik Para Istri Sane Katinggal Mati |
| KitabStriparwa nyaritayang indik duka para istri sane katinggal mati olih somahnyane ringKurukshetra.Yudistira ngelaksanayang upacara pangesengan sawa sang sane seda maperang tur ngaturang tirta majeng ring laluhur. Ring rahina punika taler,Kunti nyaritayang indik embasneKarna sane karahasiaang saking dumun olih dane. Kacritayang taler indikGandari sane mastu kulawarganeKresna (bangsaYadawa) mangda telas ring perang pasemetonan. |
| 12.Santiparwa (शांन्तिपर्व) – Kitab Indik Dame |
| KitabSantiparwa madaging carita indik perang batinYudistira saantukan sampun ngematiang semeton-semetonnyane ringKurukshetra. Pamuputne dane kaicen piteket-piteket olih BagawanByasa lanKresna. Dane nartayang indik rahasia lan tetujon ajahanHindu mangdaYudistira prasida nglaksanayang swadaharman dane pinaka raja. Kitab puniki pinaka silih tunggil kitabMahabharata sane akeh madaginginterpolasi. Punika mawinansloka (ayat-ayat) ring kitab puniki akeh pisan. Makudang-kudang ajahan India Kuno wenten ring interpolasi puniki, minakadi ilmu sosial, ritual, ekonomi miwah politik. |
| 13.Anusasanaparwa (अनुशासनपर्व) – Kitab Indik Piteket |
| KitabAnusasanaparwa madaging carita indik paplajahan sane katrima Yudistira saking Bhisma. Bisma ngicen paplajahan indikdarma,arta, dresta ning makudang-kudang upacara, swadharmaning dados raja, miwah sane lianan. Wusan ngicen paplajahan punika pamuputneBisma seda. Pateh sakadiSantiparwa, kitab puniki taler akeh madaging interpolasi mawinan kitab puniki dados silih tunggil kitabMahabharata sane akeh pisan madaging sloka. |
| 14.Aswamedhikaparwa (अश्वमेधिकापर्व) – Kitab Indik UpacaraAswamedha |
| KitabAswamedhikaparwa nyaritayang indik pamargin upacaraAswamedha sane kalaksanayang olih Yudistira sane sampun dados raja. Kitab puniki taler nyaritayang indik siatArjuna sareng raja-raja ring sajebag jagate rikala dane nuntun jaran sane kaanggen sarana ring upacara puniki. Ring Kitab puniki taler nyaritayang embasneParikesit sane polih seda ring tengah weteng ibune saantukan keni sanjata sakti Aswatama. PamuputneParikesit prasida kauripang malih olihKresna. Selanturnyane taler wenten carita indik patemonArjuna sarengBabruwahana, okan dane sarengCitrānggadā sakingManipur. |
| 15. Asramawasikaparwa (आश्रमवासिकापर्व) – Kitab Indik Wanaprasta |
| KitabAsramawasikaparwa nyaritayang indikDretarastra,Gandari,Kunti,Widura, danSanjaya ka tengah alas jagi ngamargiang wanaprasta asrama. Tiban-tibanan sampun meneng ring alas, Resi Narada rauh ka kedatuan Hastinapura makta gatra indik Dretarastra miwah sane lianan sampun ka swargan, seda saantukan kageseng olih api upakara sane ngeseng pasraman dane. |
| 16.Mosalaparwa (मौसलपर्व) – Kitab Indik sanjataMosala |
| KitabMosalaparwa madaging carita indik siat pasemetonanYadawa, inggih punika kulawargane Kresna. Wusan kulawargan dane telas seda, Kresna matilar saking kedatuanne, magingsir ka tengah alas. Arjuna sane rauh ka Dwaraka napetang irika sampun suung. Sangkaning piteket Byasa, Pandawa miwah Drupadi nglantur nincap masa sanyasin. |
| 17. Prasthanikaparwa (प्रस्थानिकपर्व) – Kitab Indik Pamargi Ka Gunung Himalaya |
| KitabPrasthanikaparwa atauMahaprasthanikaparwa nyaritayang indik pamargin Pandawa lan Dropadi ka pucak gunungHimalaya pinaka tetujon idup sane kaping untat. Hastinapura sampun kaserahang majeng ring sentanan dane, Parikesit. Ring pamargin punika, lianan teken Yudistira, samian seda. |
| 18.Swargarohanaparwa (स्वर्गारोहणपर्व) – Kitab Indik Pamargi lan Ngranjing ka Swargan |
| KitabSwargarohanaparwa nyaritayang indikYudistira sane prasida neked ring pucak gunungHimalaya tur kapapagin olih DewaIndra jagi ngranjing ka swargan. Carita puniki kapuputang antuk para tokoh utama sane prasida mapupul ring swargan. |
.jpg)
