خورخه ماریو برگولیو ۱۷ دسامبر ۱۹۳۶ دابونئوس آیرس‌ده ایتالیالی موهاجر عائیله‌سی‌نین ایچینده دونیایا گلدی. عائیله‌نین ۵ اوشاقیندان اَن کیچیک اوشاقی اولوب. بونئوس آیرسین ویلا دووتو مدرسه‌سینده تحصیل ائدیب و فنی شیمی دیپلمونو آلیب. ۱۱ مارس ۱۹۵۸ ده عیسی اوردنی‌نه داخیل اولوب.شیلی‌ده آزمایشی دور‌ه‌لر (راهیب اولماق اوچون) کئچیدیب و سونرا دا تحصیلاتینی کالج سنت جوزفده ادبیات، فلسفه و الهیات درسلرینده ادامه وئریب.[۳]
۱۹۶۹-جو میلادی ایلینده کالج سن میگوئل‌ده پایتختآرژانتین‌ده الهیات پروفسورونا منصوب اولوب. ۱۹۷۰-جی ایللرده آرژانتین‌ین مسیحیت اوردنی‌نده موختلیف وظیفه‌لری واریمیش. ۱۹۸۶-جی ایلده دوکتورلوق ریساله‌سیندن دفاع ائدیب و بیر دین آدامی و روحانیه تبدیل اولوب.[۳]
۱۹۹۲-جی ایلدهبونئوس آیرسین یاردیمجی یئپیسکوپو تایین ائدیلیب. ۱۹۹۸-جی ایلدن کاردینال کواراسینو اولدوکدن سونرا اونون وظیفه‌لرینی ایجرا ائتمه‌یه باشلاییب. ایکینجی پاپ ژان پل ۲۰۰۱-جی ایلده اونا کاردینال روتبه‌سی‌نی وئریب.[۳]
خورخه ماریو برگولیو ۱۴ مارس ۲۰۱۳-جو ایلدهروم پاپاسی سئچیلیب.روم پاپاسی سئچیلیکدن سونرا فرانسیس آدینی قبول ائدیبدیر.[۴]
_FXD.jpg)
