بانکوکیابانقکوک(تایجا. กรุงเทพมหานคร، اینگیلیسجه. Bangkok)،تایلندین پایتختی و اَن بؤیوک شهریدیر. تایلند دیلینده جاکرونگ تئپ (กรุงเทพฯ)(Krung Thep) اولاراق دئییلیر. ۲۰۱۰ ساییمینا گؤره نۆفوس و ۸٬۲۸۰٬۹۲۵ دیر.
شهرین تای دیلینده کی بوتون رسمی آدی ۱۶۶ حرفدن تشکیل تاپیر:"کرونگ تئپ ماهاناکهون آمون راتتاناکوسین ماهینتهارا یوتهایا ماهادیلوک پهوپ نوپپهارات راتجهاتهانی بوریروم اودوراتچانیوت ماهاساتهان آمون پیمان آواتان ساتهیت ساککاتهاتتیا ویتسانوکام پراسیت" دیر! (بوردا قولاق آس)
بو آد عئینی زاماندا دونیانیناَن اوزون یئر آدی‌دیر. میلتلر آراسی آلاندا شهرین آدی اولاراقبانگکوکدئییلَرَک، خالق آراسیندا شهرین آدیکرونگ تئپ (مَلَکلر شهری) اولاراق دئییلیر. رسمی یئرلرده ده، مثلاً اوتوموبیل پلاکالارینداکرونگتئپ ماهاناکهون اولاراق یازیلیر.
بانکوک، ۱۷۸۲ده سولطان بیرینجی راما طرفیندن قورولموشدور.گونئی دوغو آسیانین ان سورعتلی گلیشن و ایقتیصادی باخیمدان ان دینامیک شهرلردن‌دیر.آسیانین ان کوزموپولیت شهیرلریندن بیری اولان بانکوک، دونیا متورولوژی قورومو (World Meteorological Organization, WMO) طرفیندن دونیانین ان ایستی بؤیوک شهری اولاراق تانیملانمیشدیر.
هر ایل میلیون‌لارجا زیارت‌چی آغیرلایان بانکوک، آسیانین ان اهمیتلی توریست چکن و گزملی شهرلریندن بیری‌سی‌دیر. ان چوْخ زیارت ائدیلن یئرلربودا تاپیناقلاریوات آرون(Wat Arun)، وات فرا کائو(Wat Phra Kaew)،وات فور(Wat Pho) ایله خاقانلیق ساراییقراند پالاس دیرلار. شهرده چوْخ سایی دا تاریخی ایزلر و موزه تاپیلیر.
توریستلر اۆچون چوْخ ساییدا قوناخلاما سئچَنَگی واردیر. لوکس هوتللرین بؤیوک بؤلوموسوهکومویت(Suhkumvit) وسیلوم(Silom) کیمی بؤلگه لرده یئر آلاراق، آدلیمخائو سان رواد (Khao San Road) بؤلگه سی بَرک چانتالی گزَنلر اۆچون اوجوز قوناخلاما سئچَنَکلَرینه صاحیبدیر.خائو سان رواد وپاتپونگ گئجه حایاتینین یوغون اولدوغو بؤلگه لردیر.
بانکوک دا ایکی دنه میلتلرآراسیهاوا آلانی (فرودگاه) وار. سووارنابهومی (Suvarnabhumi) اؤلکه نین ان بؤیوک هاوا آلانی‌دیر. اَسکی هاوا آلانی اولان دون موئانگ (Don Mueang) دا گونوموزده ایچ خط سفرلری اۆچون خیدمت وئرمکده دیر.
