Tatsuki Fucimoto 10 oktyabr 1992-ci ildə YaponiyanınAkita prefekturasınınNikaho şəhərində doğulmuşdur.[1] Kiçik yaşlarından etibarən rəsm çəkməyə başlamışdır. Evinin yaxınlığında hazırlıq məktəbi olmadığı üçün nənəsinin və babasının getdiyi rəssamlıq dərslərinə qatılmış və yağlı boya rəssamlığını öyrənmişdir.[2] Nihako Liseyini bitirəndən sonraYamaquçi şəhərində yerləşənTohoku İncəsənət və Dizayn UniversitetininQərb rəssamlığı ixtisası üzrə təhsil almağa başlamış və 2014-cü ildə universitetdən məzun olmuşdur.[3]
Tatsuki Fucimotonun ilk təqdim etdiyi işi "A Couple Clucking Chickens Were Still Kickin' in the Schoolyard"[a] adlıvan-şot manqa olmuşdur. O, bu manqanı 2011-ci ildə "Jump Square" jurnalının aylıq mükafatına göndərmiş və finalçı olmuşdur.[4] Fucimotonun "Seigi no Mikata"[b] van-şot manqası 10-cu SupremeComic Mükafatına namizəd göstərilmişdir.[5] Növbəti van-şot manqası "Kami Hikouki"[c] 2013-cü ildə "Shueisha" nəşriyyatının 3-cü Crown Yeni Gələnlər Mükafatında jürinin xüsusi mükafatına layiq görülmüşdür.[6] Fucimoto həmin il "Sasaki Stopped a Bullet"[d] van-şot manqası ilə 5-ci Crown Yeni Gələnlər Mükafatında da bu uğuru təkrarlamış və ikinci dəfə jürinin xüsusi mükafatını qazanmışdır.[7]
Fucimotonun növbəti van-şot manqası "Love Is Blind"[e] 2013-cü ildə Crown Yeni Gələnlər Mükafatında şərəf mükafatını qazanmışdır.[8] Bu manqa 19 aprel 2014-cü ildə "Jump SQ.19" jurnalının 13-cü cildində nəşr olunmuş və Fucimotonun jurnalda nəşr olunmuş ilk işi olmuşdur.[9] Fucimotonun növbəti van-şot manqaları da bu jurnalda nəşr olunmuşdur: "Shikaku"[f] 19 iyul 2014-cü ildə jurnalın 14-cü cildində,[10] "Mermaid Rhapsody"[g] 19 dekabr 2014-cü ildə jurnalın 17-ci cildində nəşr olunmuşdur.[11] "Nayuta of the Prophecy"[h] van-şot manqası 4 iyul 2015-ci ildə "Jump Square" jurnalında nəşr olunmuşdur.[12]
Fucimotonun ilk əsas işi və manqa seriyası olan "Fire Punch"[i] 18 aprel 2016-cı ildən 1 yanvar 2018-ci ilə qədər "Shueisha" nəşriyyatının "Shōnen Jump+" onlayn jurnalında serializasiya olunmuşdur.[13][14] Manqa seriyasının 8 tankobon cildi buraxılmışdır.[15] 2 may 2018-ci ildə "Shueisha" nəşriyyatının "Jump Square" jurnalında "Sisters"[j] adlı van-şot manqası nəşr olunmuşdur.[16]
Fucimotonun ikinci manqa seriyası "Chainsaw Man"[k] manqasının birinci hissəsi 3 dekabr 2018-ci ildən[17] 14 dekabr 2020-ci ilə qədər "Shueisha" nəşriyyatının "Weekly Shōnen Jump" jurnalında serializasiya olunmuşdur.[18] Manqanın ikinci hissəsi 13 iyul 2020-ci ildə "Shueisha" nəşriyyatının "Shōnen Jump+" tətbiqi və saytında serializasiya olunmağa başlamışdır.[19] "Chainsaw Man" Fucimotoya böyük uğur gətirmişdir. O, bu manqaya görə 2021-ci ildən "Ən yaxşı şonen manqası" kateqoriyasındaShogakukan Manqa Mükafatını,[20] 2021–2023-cü illərdə ardıcıl üç dəfə "Ən yaxşı manqa" kateqoriyasındaHarvi Mükafatını qazanmışdır.[21][22][23]
Fucimoto 19 iyul 2021-ci ildə "Shōnen Jump+" saytında "Look Back"[l] van-şot manqasını yayımlamışdır.[24] Manqa "Shueisha" nəşriyyatı tərəfindən 3 sentyabr 2021-ci ildə tək tankobon cildində buraxılmışdır.[25] Manqa 2022-ci ildə "Kono Manga ga Sugoi!" təlimat kitabçasında kişi oxucular üçün ən yaxşı manqa kimi göstərilmişdir.[26]
Fucimotonun əvvəlki van-şot manqalarının yer aldığı "Tatsuki Fujimoto Before Chainsaw Man"[m] manqa kolleksiyasının "17–21" adlı birinci cildi 3 oktyabrda 2021-ci ildə, "22–26" adlı ikinci cildi 4 noyabr 2021-ci ildə buraxılmışdır.[27][28] O, 4 noyabr 2021-ci ildə nəşr olunmuş "Chainsaw Man: Buddy Stories"[n] romanının illüstrasiyalarını çəkmişdir.[29]
Fucimoto 11 aprel 2022-ci ildə "Shōnen Jump+" saytında "Goodbye, Eri"[o] adlı 200 səhifəlik van-şot manqa yayımlamışdır.[30] Manqa "Shueisha" nəşriyyatı tərəfindən 4 iyul 2022-ci ildə tək tankobon cildində buraxılmışdır.[31]
Fucimoto illüstrator Ota Toda ilə birlikdə 4 iyul 2022-ci ildə "Shōnen Jump+" saytında "Just Listen to the Song"[p] van-şot manqasını yayımlamışdır.[19]
Yaponiya
