| Qara dul | |
|---|---|
| ing.Black Widow | |
.jpg) Nataşa Romanova"Black Widow" VI cild #3 nəşrinin (iyul, 2016) üz qabığında. Rəssam Coell Cons. | |
| Nəşriyyat |  Marvel Comics |
| Yayım tarixi | "Tales of Suspense" #52 (aprel, 1964) |
| Yaradıcı(lar) | Sten Li Don Riko Don Hek |
| Xüsusiyyətlər | |
| Əsl adı | Natalya "Nataşa" Alianovna Romanov |
| Doğum tarixi | 1928 |
| Doğum yeri | Stalinqrad, SSRİ |
| Cinsiyyəti | qadın |
| Boyu | 170 sm |
| Çəkisi | 59 kq |
| Göz rəngi | göy |
| Saç rəngi | qırmızıya çalar qəhvəyi |
| Növü | insan |
| Təhsili | Qırmızı Otaq Akademiyası |
| Komiks bioqrafiyası | |
| Kainat | 616 |
| Üzvlükləri | Q.A.L.X.A.N. Qisasçılar KQB Çempionlar Möcüzəvi Cəngavərlər Qüdrətli Qisasçılar Leydi Xilaskarlar İldırımsaçanlar Gizli Qisasçılar Muzdlu qəhrəmanlar |
| Partnyorları | Dəlisov Şahingöz Kapitan Amerika Qış əsgəri Yelena Belova |
| Köməkçiləri | İvan Petroviç Bezuxov |
| Düşmənləri | Dəmir qız (Marvel Comics) |
| Ləqəbləri | Nat, Tsarina, Qara inci, Natuşka, Oktyabr |
| Gücləri | əla döyüşçü, xaker, cəsus |
| Silahları | iki elektrikli çubuq, qaz kürəcikləri |
Natalya Alianovna "Nataşa" Romanova[1] (rus.Наталья Альяновна "Наташа" Романова), həmçinin"Qara dul" (ing.Black Widow;rus.Чёрная вдова) –Marvel Comics tərəfindən nəşr edilənABŞ komikslərində görünən uydurma superqəhrəman. Redaktor və hekayəçiSten Li, ssenari yazarı Don Riko və rəssam Don Hek tərəfindən yaradılmış personaj"Tales of Suspense" #52 komiksində (aprel 1964) debüt etmişdir.
Personaj,Rusiya casusu, superqəhrəmanDəmir adamın düşməni kimi təqdim edilmişdir. Sonradan ABŞ-yə köçən Nataşa Romanova uydurma casus təşkilarıQ.A.L.X.A.N.-da çalışmağa başlamış və "Qisasçılar" adlı superqəhrəmanlar dəstəsinin üzvü olmuşdur.
Marvel Kinematoqrafiya Kainatına aid olan"Dəmir adam 2" (2010),"Qisasçılar" (2012),"Kapitan Amerika: Qış əsgəri" (2014),"Qisasçılar: Altron dövrü" (2015),"Kapitan Amerika: Vətəndaş müharibəsi" (2016), "Qisasçılar: Sonsuzluq savaşı" (2018),"Kapitan Marvel" (2019),"Qisasçılar: Final" (2019) və"Qara dul" (2020) filmlərində Nataşa Romanova rolunu aktrisaSkarlett Yohansson canlandırmışdır.
"Tales of Suspense" #52 komiksində (aprel 1964) debüt edən Nataşa RomanovaDəmir adamın düşməni, kostyumsuzRusiya casusu kimi təqdim olunur. Beş nömrə sonra o, kostyumlu oxatan və gələcək superqəhrəmanŞahingözü öz tərəfinə çəkir. Daha sonra Rusiya hökuməti onu ilk Qara dul kostyumu və yüksək texnologiyalı silahlarla təmin edir. Buna baxmayaraq sonradan ABŞ-yə köçən Romanova"The Avengers" #29 (iyul 1966) nəşrində "Qisasçılar" superqəhrəman dəstəsinə qarşı çıxır. Sonradan Romanova dəstənin daimi köməkçisi kimi çıxış etməyə başlayır, illər sonra isə rəsmən "Qisasçılar" dəstəsinin on altıncı üzvü seçilir.
1970-ci ildə Qara dul vizual baxımdan yenilənir:"The Amazing Spider-Man" #86 (iyul 1970) nəşrində, o, qısa qara saçları yerinə çiyinə qədər olan qırmısı kare saçlar, bədənə yapışan parlaq qara kostyum və hörümçək toru buraxan qolbağlarla təsvir edilir. Sonradan personaj əksər hallarda bu dizaynla təsvir edilir.[2]
Qısa müddət sonra"Amazing Adventures" #1–8 (avqust 1970 – sentyabr 1971) nəşrində personaja həsr edilmiş qısa "Qara dul" seriyası təqdim olunur. Həmin seriyada personaj yerini "Qeyri-insanlar" dəstəsinə həsr olunmuş hekayələrlə bölür. Səkkiz nömrədən sonra Qara dul seriyasının nəşri dayandırılır, "Qeyri-insanlar"ın nəşri isə onuncu nömrəyə qədər davam edərək seriyanı tamamlayır.
Fərdi seriyasının tamamlanmasından sonra Qara dul,"Daredevil" seriasının 81–124-cü (noyabr 1971 – avqust 1975) nömrələrindəDəlisovla birlikdə çıxış edir, seriyanın #92–107-ci nəşrləri isə"Daredevil and the Black Widow" adlandırılır. Dəlisov hekayələrinin yazarı olmuş Cerri Konvey həmin dövrü xatırlayaraq deyir:"Dəlisov və Qara dulu bir seriyada birləşdirmək mənim ideyam idi. Mən Nataşanı çox bəyənirdim və düşünürdüm ki, onlar arasında maraqlı münasibət yaratmaq olar."[2] Lakin, personajın sonrakı yazarları Dəlisovun solo şəkildə daha yaxşı çıxış etdiyini düşünərək, tədricən Nataşanı sıradan çıxarırlar.[2] Dərhal bundan sonra Nataşa "Çempionlar" komandasına daxil edilir. On yeddi nömrə davam edən (oktyabr 1975 – yanvar 1978) bu seriyada Nataşa komandanın liderinə çevrilir.[3]
1980–1990-cı illərdə Nataşa Romanova həm "Qisasçılar" dəstəsinin üzvü, həm də Q. A. L. X. A. N. işçisi kimi çıxış edir. Corc Peres və Ralf Makkio tərəfindən yazılmış, Peres tərəfindən qələm işləri görülmüş"Marvel Fanfare" seriyasının #10–13-cü nömrələrində (avqust 1983 – mart 1984) Nataşa Romanova da iştirak edir. Həmin üç hekayə sonradan bir yerdə toplanaraq"Black Widow: Web of Intrigu" #1 (iyun 1999) kimi nəşr edilir.
Həmin dövrdə Qara dul paralel olaraq"Solo Avengers","Force Works","Iron Man","Marvel Team-Up" seriyalarında da istifadə edilir. 1970-ci illərdən sonra Qara dul nadir hallarda"Daredevil" seriyasına qayıdır.
O, Skott Lobdell tərəfindən yazılmış, Rendi Qrin tərəfindən isə qələm işləri görülmüş"Journey into Mystery" seriyasının #517–519 nömrələrində (fevral–aprel 1998). yayımlanmış"The Fire Next Time" süjet xəttində istifadə olunur.
Hələ də davam edən yeni "Black Widow" komiks seriyası 2010-cu ilin aprelində debüt etmişdir. İlk hekayə tağı Marcori Lyu tərəfindən yazılmış, Daniel Akunya isə illüstrasiyaları işləmişdir.[4] #6 nömrədən (sentyabr 2010) başlayaraq seriya üzərində Dueyn Sverçinski, Manuel Qarsiya və Lorenzo Rucciero çalışmışlar.
Qara dul, 2010–2013-cü illərdə yayımlanmış"Secret Avengers" seriyasının #1 saylı (iyul 2010) nömrəsindən etibarən davamlı personaj olmuş və #37 saylı (mart 2013) final npmrəsinə kimi bütün nəşrlərdə görünmüşdür.
Bundan sonra 2013-cü ildə Nik Spenser və Lyuk Rossun müəllifliyi ilə yazılmış"Secret Avengers" seriasında Qara dul istifadə olunmuşdur.[5] Bundan sonra Qara Dul seriyası Natan Edmondson və Fil Notonun müəllifliyi ilə davam etdirilmişdir. Yenilənmiş seriyanın ilk nömrəsi 2014-cü ilin yanvarında debüt etmişdir.[6]
2015-ci ilin oktyabrında Mark Veyd və Kris Samninin müəllifliyi ilə Marvelin"Secret Wars"dan sonrakı yenilənmələri çərçivəsində 2016-cı ildən etibarən yeni "Black Widow" seriyasının yayımlanacağı bildirilmişdir.[7] Bu seriyanın ilk nömrəsi 2016-cı ilin martında təqdim olunmuşdur.[8]
"Marvel Fanfare" və"Journey into Mystery" hekayə xətləri ilə yanaşı Qara dul dörd limitli seriya və dörd qrafik romanda iştirak etmişdir.
Üç nömrəli"Black Widow" (iyun–avqust 1999) seriyası"Marvel Knights" imprinti altında Romanova tərəfindən başlanılsa da, Nataşanın xələfiKapitan Yelena Belovanı da təqdim edir və sonradan o, 1999-cu ilin qısa "Qeyri-insanlar" seriyasında rol alır."The Itsy-Bitsy Spider" hekayə xəttinin hekayəsini Devin Qreyson yazır, illüstrasiyaları isə Ceffri Qlen Cons işləyir.[9]"Marvel Knights" imprintinin növbəti üç nömrəsi də"Black Widow" (yanvar–mart 2001) adlandırılır. Hər iki Qara dulun iştirak etdiyi"Breakdown" adlı hekayə xəttinin müəllifi Devin Qreyson və Qreq Ruçka, illüstrasiyaların müəllifi isə Skott Hemptondur.[10]
Bundan sonra"Marvel Knights" imprinti altında Qara dulun"Black Widow: Homecoming" (noyabr 2004 — aprel 2005) adlı növbəti solo miniseriyası yayımlanır. Bu hekayə xəttində ssenari müəllifi elmi-fantastika yazarı Riçard Morqan, illüstrasiya müəllifləri isə əvvəlcə Bill Sienkieviç, daha sonra isə Qoran Parlov olmuşdur.[10]
Riçard Morqanın hekayə müəllifliyi, Şon Fillipsin illüstrasiyaları ilə hazırlanmış altı nömrəli"Black Widow: The Things They Say About Her" (noyabr 2005 – aprel 2006; rəsmi"Black Widow 2: The Things They Say About Her") seriyasında hadisələr əvvəlki mini seriyanın dayandığı yerdən davam edir və bir çox personajlar təkrarlanır.[11]
Daha sonra personaj"Black Widow: The Coldest War" (aprel 1990) adlı solo qrafik romanda[10] və üç qarışıq qrafik romanda ("Punisher/Black Widow: Spinning Doomsday's Web" (dekabr 1992);"Daredevil/Black Widow: Abattoir" (iyul 1993); və"Fury/Black Widow: Death Duty" (iyun 1995)) rol almış, həmçininMarvel UK-inGecə qarğası seriyasında görünmüşdür.
"I Heart Marvel: Marvel Ai" #1 (aprel 2006) daxilində çap edilmiş"Love Is Blindness" qısa hekayəsində Dəlisovla əlaqəsinə görə Qara dul vəElektra arasında qarşıdurma olur. Yaponiyaanimeləri şəklində stilləşdirilmiş komiksdə personajların nitq və fikirlərini göstərmək üçün adətən olduğu kimi sabun köpüyü boşluqları yox, rəsmlər istifadə edilmişdir.[12]
Personajın yalnız Nataşa Romanova adlandırıldığı 2010-cu ildə o, ilk dəfə"Dəmir adam 2" filmində debut etmiş və iki fərqli qısa hekayədə rol almışdır."Black Widow and the Marvel Girls" adlı dörd nömrəli hekayə tağında Qara dulun Marvel Kainatından olanFırtına,Qadın-Halk,Sehrbaz vəHörümçək-qadınla macəraları verilir.[13] Pol Tobin tərəfindən yazılmış bu hekayələr Salvador Espin, Veronika Qandini və Takeşi Miyazavanın rəsmləri ilə müşayiət olunur. Dörd nömrəli"Black Widow: Deadly Origin" adlı ikinci mini seriya isə Pol Kornell tərəfindən yazılmış, Tom Reni və Con Pol Leonun illüstrasiyaları ilə bəzədilmişdir.[14]
Nataşa RomanovaRusiya SFSR-inStalinqrad (indikiVolqoqrad) şəhərində doğulmuşdur. İlk və ən məşhur Qara dul, əlbəyaxa döyüş ustası kimi yetişdirilmiş, mükəmməl snayper atıcısı və yüksək texnologiyalı silah arsenalı (o cümlədən"Dul dişləməsi" (ing.Widow's Bite) adı ilə tanınan qolçaqlar) ilə təmin edilmişrus casusudur. İlk görünmələrində xüsusi kostyumu olmayan Qara dul, kokteyl kostyumu və fata geyinirdi. Bir müddət sonra Qara dul, sonradanoxçu superqəhrəmana çevrilmişŞahingözün təsiri iləABŞ-yə köçür.
Qara dulun uşaqlığı haqqında ilk məlumatlar 1970-ci illərdə"Amazing Adventures" seriyasında personajın sürücüsü və etibar etdiyi şəxs olan İvan Petroviçin dilindən səsləndirilir. Petroviç,Mett Mördoka danışır ki, 1942-ci ilin payızındaStalinqrad döyüşü zamanı vəfat edən qadın azyaşlı Nataşa üzərində himayəçilik hüququnu ona vermişdir. Bundan sonra Petroviç ögey ata kimi Nataşanı böyüdür və o,Sovet casusu olur.[15] 1941-ci ildəMadripur adasında baş verən hadisələrdə Petroviç Nataşanınasistlərin əlindən xilas etməkdəKapitan Amerika vəLoqan adlımutanta (sonradankanadalı super-agenti vəŞimal porsuğu adlı kostyumlu superqəhrəmana çevrilir) kömək edir.[16]
Dəyişdirilmiş mənşə hekayəsində isə Nataşanın yalnız İvan Petroviç tərəfindən tərbiyə edilməsi məlumatı, kiçik yaşlarından qızın tərbiyəsindəSSRİ-nin"Black Widow Ops" proqramının da iştirak etməsi ilə dəyişdirilir.[17] Petroviç digər yetim qızlarla birlikdə Nataşanı da X Departamentinə aparır vəbeyinyuyulmasından sonra "Qırmızı otaq" adlı yerdə onlara döyüş və casusluq sənətləri öyrədilir. Bu zaman biotexnologiyalar və psixotexnologiyalar vasitəsilə Nataşanın fiziologiyası da mükəmməlləşdirilir ki, bu da onun uzunmüddətli cavan həyat yaşamasını təmin edir. Bu dövrdə Nataşa qısa müddətQış əsgəri ilə birlikdə məşq edir və hətta cütlük arasında romantik münasibət də yaranır.[18] Sadiqliyin təmin edilməsi üçün Qara dulların hər biri saxta xatirələrlə təmin edilirlər. Romanova bir müddət sonra bunu başa düşür və anlayır ki, heç vaxt bütün ömrü boyu düşündüyü kimi balerina olmamışdır. Həmçinin o, aydınlaşdırır ki, "Qırmızı otaq" "2R" adı ilə hələ də fəaliyyətini davam etdirir.
SSRİDTX Nataşa Romanova və təcrübəçi-pilotAleksey Şostakov arasında evlilik təşkil edir. Lakin, Sovet hökuməti Şostakovu təcrübələr nəticəsindəQırmızı mühafizəçi adlı super döyüşçüyə çevirdikdən sonra ona Nataşa ilə hansısa formada əlaqə saxlamağı qadağan edir. Nataşaya həyat yoldaşının vəfat etdiyini deyir, bu müddətdə isə Şostakovu gizli agent kimi yetişdirirlər.
Döyüşçü qadın kimi yetişdirilən Nataşa Romanovaya ABŞ-yə qaçmış SSRİ alimi professorAnton Vankonu öldürməkdə Boris Turgenyevə kömək etmək göstərişi verilir və bu onun ABŞ-də ilk tapşırığı olur. Plana uyğun olaraq Nataşa və Boris, Vankonun fəaliyyət göstərdiyi "Stark Industries"-ə daxil olurlar.[19] Nataşa ABŞ silah istehsalçısıToni Starkla manipulyasiya etməyə çalşır, həmçinin Starkın qəhrəman alter-eqosuDəmir adamla mübarizə aparır. Cütlük arasında döyüş zamanı Turgenyev oğurladığıQırmzı Dinamo kostyumunu geyinir. Dəmir adamı xilas etmək üçün Vanko özünü qurban verir və eksperimental lazer silahı ilə Turgenyevi öldürür.[20] Daha sonra cinayətkar oxçu Şahingözlə görüşən Nataşa, onu Dəmir adama qarşı kökləyir[21] və sonradan onlar arasında döyüş təşkil edir.[22]
Sonra Nataşa, Dəmir adamın məğlub edilməsi üçün Şahingözü növbəti dəfə özünə kömək göstərməyə məcbur edir. Cütlük demək olar ki, Dəmir adamı məğlub edərkən Nataşa yaralanır və Şahingöz onu xilas etmək üçün geri çəkilməli olur.[23] Bu dövrdə NataşaSSRİ-dən uzaqlaşmağa çalışır, onun Şahingözə aşiq olması isə ölkəsinə olan loyallığını azaldır. SSRİ bu haqqda öyrəndikdə Nataşanı göllələyir, bu hadisə isə ŞahingözünQisasçılara üz tutmasına səbəb olur.[24][25]
"Qırmızı otaq" Nataşanı qaçırır və yenidən beynini yuyur. Bundan sonra NataşaQılıncoynadan vəGüc-adamla birlikdə Qisasçılara qarşı döyüşür.[26] Daha sonra o, psixoloji təzyiqdən azad olaraq SSRİ-dən xilas olur. Beləliklə Nataşa RomanovanınHörümçək-adam, Şahingöz və Dəlisovla birlikdə macəraları başlayır. Nəticədə Nataşa özü kostyumlu superqəhrəman kimi Qisasçılar dəstəsinə qoşulur.[27]
Nik Fyurinin göstərişi ilə Nataşa beynəlxalq casus təşkilatı olanQ.A.L.X.A.N. üçün müstəqil agent olaraq fəaliyyət göstərməyə başlayır. O, gizli missiya üçün Fyuri ilə birlikdəÇinə gedir.Çində Qisasçılarla birlikdə Nataşa Polkovnik Lin, General Bruşov və keçmiş həyat yoldaşıQırmızı mühafizəçiyə qarşı döyüşür.[28] Yazıçı Les Deniels 1971-ci ildə yazırdı:
 | “...onun solçu tərbiyəsi özünü göstərir və son zamanlar o, insanları incidən realistik tiplərlə mübarizə aparır. O, polis sistemində rüşvətin aradan qaldırılmasında gəncpuerto-rikalılara kömək edir və gənchippiləri cinayətkar qruplardan qoruyur (“Amazing Adventures” #3 (noyabr 1970) nəşrinin üz qabığı). ...bütün bunlar uydurma qəhrəmanların müasir sosial problemlərə cəlb edilməsi tendensiyasını əks etdirir. Bu yanaşma Marvel və onun rəqibiDC tərəfindən geniş istifadə olunur.”[29] |  |
O, Yumurtabaş, Kukla ustadı və Dəli düşüncəlinin ABŞ hökumətinin lazer peyklərindən istifadə etməsi ilə şantaj etmək planını üzə çıxarır.[30][31]
Mett Mördokla romantik münasibətləri zamanı San-Fransiskoda yaşayan Nataşa Romanova Mördokun qəhrəman alter-eqosuDəlisovla birlikdə müstəqil qəhrəman kimi çalışır. Bu zaman o, həm də dəb dizayneri kimi karyera qurmağa cəhd edir. Bundan sonra Nataşa və Mördokun münasibətləri pisləşir, Nataşa Qisasçılarla çalışmağa başlayır və Dəlisovunköməkçisi kimi tanınmağın onun nüfuzuna zərbə olacağını düşünür.[32]HİDRA Q. A. L. X. A. N.-ı ələ keçirməyə çalışarkən Nataşanı tutaraq məlumat almaq üçün ona əziyyət verir. Ağrıların təsiri altında Nataşa keçmiş məktəb müəlliməsi Nensi Raşmen kimliyinə qayıdır. Lakin,Hörümçək-adam vaxtında müdaxilə edərək onun əvvəlki kimliyini qaytarır ki, Nik Fyuri vəŞan-Çiyə kömək etsin. Madam Vayper,Bumeranq vəGümüş Samurayla döyüş zamanı yaddaşı qayıdana kimi "Nensi" yaddaşı ilə Romanova Hörümçək-adama qarşı romantik hisslər yaşayır.[33] Sonradan Mett Mördokun həyatına qayıdan Nataşa onun Hezer Qlenn adlı başqa bir qıza qarşı romantik hisslərinin olduğunu öyrənir və onu Nyu-Yorku tərk etməyə məcbur edir.[34] Nataşa sonda başa düşür ki, Mettin ona olan hissləri yalnız platonik xüsusiyyət daşıyır və özünü hansısa real addım atmaqdan çəkindirir.[35]
Mett Mördokdan ayrıldıqdan sonra Qara DulLos-Ancelesə köçür və yeni yaradılmış qısa ömürlü Çempionlar adlı superqəhrəman dəstəsinin lideri olur. Dəstəyə Qara dulla yanaşıKabus motosikletçi (Conni Bleyz),Herkules (Nataşa ilə qısa romantik münasibəti olur),İks-adamlardanMələk vəBuz-adam daxil olur.[36]
Dostları bu dövrdə Nataşanı"Natalya" adlandırırlar. Bəzən o özünü"Romanoff" ləqəbi ilə təqdim edir və beləliklə də, Rusiya ailələrinin kişi və qadın soy adı sonluqlarının fərqli olması haqqında məlumatı olmayanları ələ salır. Sonradan Nataşaya məlumat verilir ki, ola bilsin ki o,Romanovlar sülaləsinə məxsusdur vəII Nikolayın varisidir.
Psixotrop maddələrin təsiri altında olan Mett Mördok körpəniAntixrist hesab edərək öldürmək istəyərkən növbəti dəfə Nataşa və Dəlisovun yolları kəsişir. Dəlisovun ümidsiz sevgisiKaren Peycin uşağı qoruyaraq ölməsindən sonra Nataşa Mördokla barışaraq ona qarşı hələ də hissləri olduğunu bildirsə də, qeyd edir ki, qəzəblə dolu olmasına görə onlar arasında münasibət yarana bilməz.[37]
Nataşanı yetişdirmiş kursun növbəti tələbəsi olan və bütün göstəricilərinə görə onu geridə qoyanYelena Belova özünün Qara dul mantiyasına daha çox layiq olmasını düşünür. Nataşa onu"körpə" və"rus" (ing.rooskaya) adlandıraraq individuallığını kəşf etməyə çağırır və soruşur ki,"Yelena Belova olmaq var ikən, Qara dul olmaq nəyinə lazımdır?"[38] Bir neçə qarşılaşmadan sonra Yelenaya casus işinin əsas üzünü göstərmək üçün Nataşa onu ciddi psixoloji manipulyasiyaya məruz qoyur və nəticədə incimiş və xəyal qırıqlığı ilə üzləşmiş Yelena vətəninə qayıdaraq bir müddət casusluq işindən uzaqlaşır. Mett Mördok Nataşanın Yelenaya münasibətini qəddarlıq kimi qiymətləndirsə də, Nik Fyuri onun, Yelenanın həyatını xilas etməyə çalışdığını düşünür.[39] Qraf Nefarianın həbs edilməsi məqsədilə Qisasçılar və İldırımsaçanları bir araya gətirən Nataşa,Nik Fyurinin qatili hesab edilənCəzalandırıcını həbs etmək üçün Dəlisovun qısamüddətli dəstə yaratmaq ideyasını dəstəkləyir. Lakin, onların komanda yoldaşları olan BaltanınQ.A.L.X.A.N. androidləri ilə döyüşməsindən sonra komandann yaradılması cəhdləri boşa çıxır. Bundan bir müddət sonra Qara Dul Avropa cinayətkar sindikarı olan Qreys qardaşlarına qarşı mübarizə apara bilmək üçün Dəlisov və Cəzalandırıcı ilə güclərini birləşdirməli olur. Bir neçə ay sonra cinayətkar Anatoli Krilenkonun izi Nataşanın yolunun yenidən Şahingözlə kəsişməsinə səbəb olur.
Qırmızı cadugərin ağlını itiribŞahingözü öldürməsindən sonra Qisasçılar dəstəsi buraxılır,Arizonaya köçən Qara dul isə hədəfə çevrilir. Qırmızı otaqda hazırlıq keçmiş çoxsaylı casus qızların ABŞ-də əməliyyat həyata keçirdiyini öyrənən Nataşanın araşdırmaları onu yenidən Rusiyaya qaytarır. Nataşa öyrənir ki, Ginakon "Qırmızı otaq 2R"-i alıb və keçmişdə Qara dul proqramını keçmiş bütün agentlərin öldürülməsini sifariş edib. Nataşa tədqiqat apararaq Ginakonun ən yaşlı baş direktoru Yan MakMasterin gizləndiyi yeri tapır və onu öldürür.
Vətəndaş Müharibəsi zamanı Nataşa Romanova,Dəmir adam tərəfindən rəhbərlik edilənSuperqəhrəman Qeydiyyat Aktı tərəfdarlarının toplandığı dəstəyə qoşulur.[40] Bundan sonra qeydiyyatdan keçən Nataşa yenidən formalaşdırılmışQisasçılar dəstəsinə qoşulur.Q.A.L.X.A.N. direktoruNik Fyurinin öldürüldüyü geman edilir, onun köməkçisiMariya Hill isə iş qabiliyyətini itirir və buna görə də təşkilatda onlardan sonra ən yüksəkrütbəli personal olan Nataşa bir müddət rəhbərliyi ələ almalı olur.
Bir müddət sonraToni Stark mərhumKapitan Amerikanın qalxanını təhlükəsiz yerə aparmağı Nataşaya etibar edir. İşə onun keçmiş sevgilisi olanBaki Barns – Qış əsgəri qoşulur və qalxanı oğurlayır. BarnsıQırmızı Kəllənin köməkçilərindən xilas edən Nataşa vəŞahin onu Q. A. L. X. A. N. ofisinə çatdırırlar.Helikarryerdə Stark Baki ilə danışaraq onu yeni Kapitan Amerika olmaq üçün yola gətirir. Bundan sonra Q. A. L. X. A. N. tərəfindən geri çağırılana kimi Nataşa bir müddət Bakinin köməkçisi kimi çalışır.[41] Bundan sonra Şahin və Baki ilə final döyüşündə Qırmızı kəlləyə qarşı gücünü birləşdirən Nataşa,Şeron Karterin xilas edilməsində iştirak edir.[42] Nataşa və Baki arasında romantik münasibətlər bərpa olunur. Bir müddət sonra NataşaHeraklın ələ keçirilməsində mühüm rol oynayır.[43] Tezliklə Nataşa Qisasçılarla birlikdəskrulların müdaxiləsinə qarşı mübarizə aparmağa başlayır.[44] Bundan sonra o, Bakinin partyoru olaraq qalır.[45] O, həm də keçmiş direktor Mariya Hillə xüsusi məlumatlar formasını Bakiyə çatdırmağa kömək edir.[46]
Norman Osborn öyrənir ki,Yelena BelovaQ.A.L.X.A.N.-ın tərk edilmiş obyektlərindən birinə girə bilib və ona yeni yaradılmış "İldırımsaçanlar" dəstəsinə rəhbərlik etmək təklif olunur. Birinci missiyası zamanı Belova vəQarışqa-adam içindəQoblin,Həkim Samson vəyeni prezident olanAir Force One-ı nəzarət altına alırlar.[47] Ehtimal edilir ki, o, özü ölümünü saxtalaşdırıb (Adaptoid kimi), lakin, bunu necə etməsi heç vaxt izah olunmur.
Kölgə ilə danışması zamanı məlum olur ki, Yelena başqa kiməsə işləmiş ola bilər və hətta özünü Yelena kimi təqdim edən başqa biri də olması mümkündür. Daha sonra o, Nik Fyuri ilə xüsusi xətt vasitəsilə əlaqə saxlayır.[48]
Osborn yeni İldırımsaçanlara tapşırıq verərək, köhnə İldırımsaçanlardan olanNəğməkar quşu öldürməyi tapşırır, Yelena Belovaya isə dəstəyə rəhbərlik həvalə olunur.Nəğməkar quşun Osborn və onun əməliyyatlar haqqında informasiyaya maik olduğunu düşünən Nik Fyuri isə Belovaya onun xilas edilməsini tapşırır. Yelena Nəğməkar quşu tapır və ona danışır ki, əslində Belova maskası altında gizlənən Nataşa Romanovadır.[49] O, Nəğməkar quşu Fyuriyə çatdırmağa çalışsa da, İldırımsaçanlar onların izinə düşürlər.[50] Məlum olur ki, özünü Nik Fyuri kimi qələmə verən Osborn uzun müddət Nataşa və İldırımsaçanların işini idarə etməyə çalışıb. Nataşa və Nəğməkar quşun edam edilməsinə qərar verilir, lakin, Qarışqa-adam, Hedsmen və Paladin onların qaçmasına şərait yaradırlar.[51]
"Heroic Age" hekayə xəttinin başlanğıcındaStiv Rocers Nataşanı Qisasçıların yeni qanadı olan"Gizli Qisasçılar" dəstəsinə cəlb edir. İlk missiyasındaValkiriya iləDubaya gedən Nataşa, təhlükəli hesab edilən artefaktı oğurlayaraqBədheybətin tədqiq etməsi üçün ABŞ-yə gətirir.[52]"Coppelia" hekayə xəttində özünün"Balaca rəqqasə" adlı kiçik klonu ilə qarşılaşan Nataşa, onu silah alverçilərinin əlindən xilas edir.[53]
"Fear Itself" hekayə xəttində Qara dul vəSapsan,RapidonunMarsel Kafedralında əsri saxladığı şəxsləri azad etmək üçün missiyaya göndərilir. Rapido və onun köməkçiləriParisdəki qarışıqlıqdan istifadə edərəkFransanın atom silahı ehtiyatlarını oğurlamağa çalışırlar.[54]
"Ends of the Earth" hekayə xəttindəDoktor Osminoqun planını həyata keçirməsindən sonra, NataşaMəşum AltılığınQisasçıları məğlub etməsindən[55] sonra sağ qalmış üç qəhrəmandan biri olaraqGümüş samur vəHörümçək-adama qoşularaq Altılığı izləməyə başlayır.[56] Sonradan Nataşa ilə əlaqə saxlayanTitan adam Doktor Osminoqun Hörümçək-adamın bütün düşmənlərini onlara qarşı yönləndirməyi planlaşdırdığını xəbər verir.[57] Müvəqqəti olaraq Osminoqun təsiri altına düşən Nataşa və ŞahingözDəmir adam tərəfindən məğlub edilir.[58]
Dünya-616 və Dünya-1610 arasında müharibə zamanı NataşaMarvel Kainatı qəhrəmanları iləAltimeyt KainatınSabahın Övladları dəstəsi arasında baş verən final döyüşündə iştirak edir. Nataşa vəCessika Dryu müharibənin tamamlanmasından sonra kainatı yenidən başlatmaq üçün uçan gəmidə uzaqlaşsa da, onun gəmisi vurulur və partlayış nəticəsində Nataşa ölür.[59]
Dünya-1610-un dağılması ərəfəsində Dünya 616-nın evakuasiya olunmasına qərar verilir."Last days" hekayə xəttinfə Qara Dul vəKapitan Amerika hündür göydələnin damında duraraq son dəfə dünyaya baxırlar. Kapitan Nataşaya mütləq xilas eidlərək kömək gəmisinə mindirilməli olan insanların siyahısını verir. Tapşırıqdan narahat olan Nataşa Semlə danışıq zamanı ona deyir ki, siyahıdakıların hamısını xilas etməyə vaxt çatmaya bilər, Sem isə onun tapşırığının əsas məğzinin mümkün qədər çox insan xilas edilməsi olduğunu deyir.[60]
FleşbeklərdəSoyuq müharibə dövründə Nataşanın Qırmızı otaqda təlimləri bitirdikdən sonra ilk missiya olaraqKubaya göndərilməsi təsvir edilir. Burada o,Raul Kastro rejiminin təhlükəsi altında olan və Rusiya üçün həyati əhəmiyyət daşıyan Komienza ailəsini tapmalıdır. O, Marina adlı digər bir Qara dulla görüşməli və rusiyalı işgüzar qadın kimi özlərini təqdim etməlidirlər. Nataşa Kubada işin gedişi haqqında məlumat vermək üçün Qırmızı otaqdan olan zabitlə görüşərkən ona daha bir tapşırıq verilir: bildirilir ki, Marina vətəndaş həyatına çox alışıb və həm Nataşa həm də sistem üçün təhlükəyə çevrilib. Buna görə də, onu aradan qaldırmaq lazımdır.[61]
"Secret Empire" hekayə xəttindəKapitan Amerikanı ələ keçirərək beyin yuması həyata keçirən HİDRA ABŞ-nin böyük bir hissəsinə nəzarəti ələ alır. Nataşa Romanova isə bu işğala qarşı gizli fəaliyyət dəstəsinə qoşulur. Qırmızı Kəllənin klonu bu məqsədləKosmik Kubu tədqiq edən alim Kobiki istifadə edir.[62] Şahingöz Kubun qalıqlarını ələ keçirmək üçün Herakl vəCivədən ibarət dəstə yaradır, Nataşa isə düşünür ki, Rocers istifadə edilməkdənsə ölməyi üstün tutardı və onu öldürməyə çalışır. Bundan sonra Nataşa görür ki,Çempionlar onun yolu ilə gedirlər və Qırmızı otağa oxşar təlim mərkəzi yaradır.[63] Nataşa snayper atəşi ilə Rocersi öldürməyə çalışarkən onaMaylz Morales vəUlisses mane olur.[64] Döyüş zamanı Nataşanın boynu sındırılır və o, ölür.[65] Sonradan əsl Kapitan Amerikanın qayıtması və HİDRA-nın məğlub edilməsinə baxmayaraq, Nataşa kimi, bir çox qurbanları qaytarmaq mümkün olmur.[66]
HİDRA-nın dəstəyi ilə hakimiyyətə gələn diktatoru müşahidə edən Baki, bu qətldə Nataşanın dəst-xətini müşahidə edir və qatilin Qara dul olduğunu (əslindəYelena Belova) düşünür.[67]
Sonradan məlum olur ki, Qara dul proqramı orijinal Qara dulun (Nataşa Romanova) ölümündən sonra onun çoxlu klonlarını yaratmışdır. Proqramın sahibi Ursa Mayor pis proqram təminatından imtina edə bilmək üçün, Epsaylon Redi işə cəlb edir və Nataşa Romanovanın yaddaşını klonlardan birinə yükləyir. Qara dul proqramı klon qarşısına HİDRA və Q. A. L. X. A. N.-ın qalıqlarını məhv etmək tapşırığı qoyur.[68] Özünü Qış əsgəri və Şahingözə göstərən klon Orfan-meykeri öldürür. Qış əsgəri və Şahingözün müdaxiləsindən xilas olmaq üçün Qara dulun klonu onları Qırmızı otaqda təhlükəsiz yerdə həbs edir.[69] Sonradan klon yeni cəlb edilmiş Qara dullar arasında təbliğat apararaq onları rəhbərliyə qarşı çevirir, rəhbərləri öldürür, qızları və Epsaylon Redi azad edir. Hakimiyyət nümayəndələri gəldikdə, Nataşa Romanova adını qəbul edən klon Şahingözə məktub qoyaraq onu axtamamağı xahiş edir, Qış əsgərinə isə Qırmızı otağın sonunda ona qoşulmağı bildirir.[70]
"Infinity Countdown" hekayə xətti zamanı Qara dulun klonuMadripurda yenidən canlandırılmışŞimal porsuğunun ölü damla siqnalını izləyir.[71] O, başa düşür ki, Rosomaxa Kosmik Sonsuzluq Daşını onun öhdəsinə buraxıb. Klon, daşdan xilas olmaq istəyənDoktor Strenclə görüşür. Doktor Strenc əvvəl bu görüşdən qaçır. Çünki, bilir ki, onlar yaxınlaşsalar nə baş verəcək. KlonSonsuzluq daşlarını saxlayanlardan birinə çevrilir. Doktor Strenc bütün saxlayıcılarla əlaqəyə girərək bildirir ki, daşları Tanos kimi təhlükələrdən qorumaq üçün "Infinity Watch"ın yenilənməsinin lazım olduğunu bildirir.[72]
Nataşa Romanovanın səhhəti biotexnologiyalar nəticəsində möhkəmləndirilmiş[73], onun qocalma sürəti azaldılmış, xəstəliklərə qarşı davamlığı artırılmış vəsuperinsan sürəti ilə sağalma bəxş edilmişdir. Həmçinin bu cür təkmilləşdirmə Nataşanın real keçmişini unudaraq implant xatirələri yadda saxlamasına imkan verir.
Orqanizmindəkiağ qan hüceyrələri onun bədənini bütün xəstəlik və mikroblara qarşı olmasa da, əksər virus və yad orqanizmlərə qarşı qoruyur. O, qızılOlimpiya medalçısından daha cəlddir. Nataşa asanlıqla bədəninin tarazlığı, elastikliyi və çevikliyini idarə edə bilir.[74]
Romanova güclü intellektə malikdir.[75] O, psixoloji manipulyasiyaya fövqəltəbii meyilliliyə malikdir və əsl hisslərini ideal şəkildə gizlədə bilir.Stiv Rocers kimi, Nataşa da bir neçə informasiya axınını eyni zamanda istehlak etmək və tez dəyişən taktiki hallara dərhal reaksiya vermək qabiliyyətinə malikdir.[75]
Qara dul dünya səviyyəli atlet, gimnast, akrobat, müxtəlif mürəkkəb manevrlər etməyi bacaran hava akrobatı, əlbəyaxa döyüş (ciu-citsu[76],aykido[76],boks[76],cüdo[76],karate[76],savat[76],nincütsu[77], müxtəlifkunq-fu stilləri vəkempo, həmçinin rus əlbəyaxa döyüş növü olansambo) ustadı, atıcı və silah mütəxəssisi olmaqla yanaşı, geniş casus hazırlığı keçmişdir.[78] Nataşa həm də təcrübəli balerinadır.
Romanova təcrübəli taktikdir. O, çox effektli strateq, taktik və səhra komandiridir. NataşaQisasçılar dəstəsinə, həmçininQ.A.L.X.A.N.-a rəhbərlik etmişdir.[75]
Qara dul,SSRİ hərbçiləri və texnikləri tərəfindən kəşf edilmiş, sonradan Q. A. L. X. A. N. texnologiyaları əsasında təkmilləşdirilmiş müxtəlif silahlardan istifadə edir. Qara dulun biləklərində adətən xüsusi hazırlanmış qolbağlar olur və onlar"Qara dulun dişləməsi" (ing.Bite от Widow) adlandırılan elektrik enerjisi buraxırlar. Qolbağların buraxdığı enerji 30.000 volta qədər çata bilir. Qara dul həmişə üstündə"Dul kəndiri"nin (ing.Widow's Line) tutulması üçün qarmaq gəzdirir. Bununla yanaşı Qara dul gözyaşardıcı qaz və"Kiss or Kill" hekayə xəttində təqdim edilən"Dulun öpüşü" (ing.Widow's Kiss) adlandırılan, anında insana təsir edərək huşunu itirməsinə səbəb olan xüsusi qazdan istifadə edir.[75]
Qara dul kiçik metal disklərdən ibarət kəmərə malikdir. Həmin disklərin bəzisi içində partlayıcı maddə olan kiçik bombalar, digərləri isə xırda silahların gizlədilməsi üçün yerlərdir. Onun kostyumu xüsusi istehsal edilmiş sintetik-elastik materialdan hazırlanmışdır. Dizləri və əllərində yerləşən mikro əmicilər Qara dulun divar və tavanlara yapışmasına imkan verir.[75]
2006-cı ildə təqdim edilmiş"Homecoming" adlı qısa hekayə xəttində Nataşa döyüş zamanı bıçaqlar və odlu silahlardan da istifadə edir, həmçinin silahsız əlbəyaxa döyüşlərə də girişir. Bundan sonrakı hekayələrdə isə o, yenidən qolbağların istifadəsinə qayıdır. SonradanKapitan Amerika ilə birlikdə macəraları zamanı Qara dul"Dulun dişləməsi" əsasında hazırlanmış yeni odlu silah istifadə edir.[78]
Personajın Marvel Kainatı adlanan Dünya-616-da yaşayan əsas versiyası ilə yanaşı Multikainatda mövcud olan çoxlu alternativ versiyaları da vardır. Superqəhrəmanların bir neçə yüz il əvvəl peyda olmağa başladığı "Marvel 1602" dünyasında Nataşa təsirli super agent və "Avropanın ən təhlükəli qadını"dır. Əvvəlcə Mett Mördokla (Dəlisovun 1602-ci ildə yaşayan versiyası) ittifaq quran Nataşa, sonradan onu romantik münasibətləri olan Qraf Otto fon Duma satır.
"Secret Wars" hadisələrində Nataşa 1872-ci ildə Vəhşi Qərbdə Taymli adlı şəhərdə yaşayır. Burada Nataşa Barns Baki Barnsın dul həyat yoldaşıdır. Dövlət qulluqçusu olan Baki Barns isə müqavimət qüvvələrindən birinə rəhbərlik edən Fiskin adamları tərəfindən qətlə yetirilmişdir. Şerif Rocers tərəfindən həqiqəti öyrənənə kimi Nataşa həyat yoldaşının qətlində ABŞ-nin yerli əhalisini günahkar bilir.[79]
"Marvel Zombies" seriyasına daxil olan "Marvel Zombies vs. the Army of Darkness" komiksində Nataşa Romanova virusa yoluxmuş Qisasçılardan biridir. Səhnələrdən birində onun Yorkşir Teryeri növündən olan iti yediyi görünür. Sonradan Nataşa bir neçə yoluxmuş personajla birlikdə Gümüş sörfçüyə hücum edir.
"Ultimate Marvel" imprintinin yayımladığı komikslərdə Nataşa Romanova bu dünyada Qisasçıların analoqu olanAltimeytlər dəstəsinin üzvüdür. Burada o, Brayan Maykl Bendis tərəfindən yazılmış və Terri Mur tərəfindən rəsmləri çəkilmiş "Ultimate Marvel Team-Up No. 14" (iyun 2002) komiksində debüt etmiş, daha sonra isə Mark Millar və Brayan Hitç tərəfindən yaradılmış "The Ultimates" seriyasnın əsas personajlarından birinə çevrilmişdir. Nataşa Romanovanın Altimeyt versiyası həyat yoldaşı Aleksey Şostakovu qətlə yetirmiş qatil və casus kimi tanınır.[80]
Qara dulun solo macəraları xaric, digər fəaliyyəti əsasənQisasçılar vəQ.A.L.X.A.N.-da işlərlə əlaqəli olduğuna görə həmin dəstələrə daxil olan personajların hamısı Nataşanın yaxın ünsiyyətdə olduğu şəxslərdir. Nataşanın yaxın münasibət saxladığı ilk personaj Qış əsgəri —Baki Barnsdır. Bakinin Kapitan Amerika olduğu müddətdə onlar arasında romantik münasibət yaranır.
Qara dul həm də "Çempionlar" dəstəsinin təməlqoyanlarından biri və lideri olmuşdur.[81] Casus işlərində Nataşa tez-tez Al qırmızı Dinamonun köməyindən istifadə edir.[82] Uzun müddət Nataşanın sevgi marağı və döyüş partnyoru kimi Marvel Comicsin ən məşhur personajlarından biri olanDəlisov çıxış edir.[83]Şahingöz və Nataşa arasında isə əvvəl partnyorluq sonra isə möhkəm dostluq münasibətləri olur.[84]
Qara dul həm tərkibində fəaliyyət göstərdiyi komandalar, həm də fərdi düşmənlərə malikdir. Onu öldürmək üçün göndərilmiş muzdlu qatil Qara Lotus obrazı ilk dəfə "Marvel Fanfare" #11 (noyabr 1983) nəşrində təqdim edilmişdir.[85] Qara dul kimi Nataşanın xələfi və böyük Rusiya vətənpərvəri olanYelena Belova da uzun müddət Nataşa Romanova ilə düşmən münasibətində olmuşdur. Dəlisovla birgə macəraları zamanı Nataşa Rouz adlı psixotik-telepatik qatillə mübarizə aparmalı olur.[86]
Qara dulun müəyyən dərəcədə düşmən münasibətdə olduğu personajların bir neçəsi rus mənşəlidir və ya birbaşaRusiya ilə əlaqəlidir. Həmin personajlardan ən əsas keçmişKGB agenti olanQırmızı keşikçidir.[87] Keşikçi ilə yanaşı Nataşaya qarşı uzun müddət mübarizə aparmış qadın personaj —Dəmir qız da Rusiya ilə əlaqəlidir. Belə ki, Nataşanın ABŞ-yə köçüb Q. A. L. X. A. N.-da işləməyə başlamasından sonra Rusiya hökuməti onun aradan götürülməsi üçün muzdlu qatil olan Dəmir qızı ABŞ-yə göndərirlər.[88]
"Spider-Woman" animasiyalı komiksində Qara dul CoEllen Anklam tərəfindən səsləndirilmişdir. Burada o,Yelena Belova kimi maskalanmışdır.[148]
"Marvel Universe: LIVE!" tamaşasında Qara dulQisasçıların üzvü kimi görünür.[149] 2015-ci ildən etibarən personaj keçmiş motosiklet yarışçısıLuiz Forsli tərəfindən canlandırılır.[150]
YazıçıMarqaret Stol Qara dula həsr edilmiş iki roman yazmışdır:"Qara dul: Həmişə qırmızı" (2015) və"Qara dul: Qırmızı qisas" (2016).[151][152][153] Qara dul"Kapitan Amerikanın ölümü" adlı rəsm romanında peyda olmuşdur.[154]
"Vətəndaş müharibəsi" hadisələrinin nəsr formatında roman uyğunlaşdırmasında Qara dul əsas personajlardan biridir.[155]"Qisasçılar: Altron dövrü" filmi ilə əlaqəli"Qisasçılar: Hamı dünyanı idarə etmək istəyir" romanında Qara dul da rol almışdır.[156]
"Wizard" jurnalının Ən böyük komiks personajları siyahısında Qara dul 176-cı yerdə qərarlaşmışdır.[157] Qara dulu"Bütün zamanların ən böyük komiks personajları"[158] və"Top 50 Qisasçılar"[159] siyahısında 74-cü yerdə qərarlaşdıran IGN qeyd edir ki,"harda casusluq və gizli razılaşma var, Qara dulun peyda olub hamını xilas edəcəyini gözləyin.""Comics Buyer's Guide"ın Komikslərdə ən seksual qadın personajlar siyahısında Qara dul 31-ci yerdə qərarlaşdırılmışdır.[160]
 | |
|---|---|
| |
| Personajlar | |
| Müsbət personajlar | Kapitan Amerika · Qırmızı dinamo · Şahingöz · Daredevil · Nik Furi · Mariya Hill · Qış əsgəri · Alaycı quş · Şahin |
| Mənfi personajlar | |
| Alternativ versiyaları | |
| Komikslər | |
| Televiziya | |
| Müxtəlif | |
| |||||||
|---|---|---|---|---|---|---|---|
| Digərləri |  | ||||||
| Personajlar |
| ||||||
| Komikslər |
| ||||||
| Digər mediada |
| ||||||
| Müxtəlif | |||||||
 Qüdrətli Qisasçılar | |
|---|---|
| Qurucu üzvlər | |
| Düşmənlər | |
| Hadisələr | |
| Əlaqəli komandalar | |
