Bobbi Makferrin1950-ci ilmartın 11-dəManhettendə (Nyu-York), opera müğənnisi Robert Makferrin və müğənni Sarah Koperin ailəsində anadan olub. Uşaqlıqdan musiqini sevən Makferrin ilk olaraqklarnetdə, sonra isəfortepianoda ifa etməyi öyrənib. Vokalçı kimi1977-ci ildə debüt edib və növbəti ildən "Astral Project" kollektivində oxumağa başlayıb.
Musiqiçinin həyatında1980-ci ildə Playboy Caz Festivalında onun vokal debütünü təşkil edən komediyaçıBill Kosbi ilə tanışlıq mühüm rol oynayıb. Musiqiçinin ilk albomu ("Bobby McFerrin")1982-ci ildə çıxıb. Onun1984-cü ildə çıxan növbəti albomu ("The Voice") heç bir musiqi aləti olmadan yazılan ilk caz albomu olub. Makferrin1988-ci ildə ifa etdiyi və iki nominasiya üzrə "Qremmi" mükafatına layiq görülmüş"Don't Worry, Be Happy" mahnısı ilə dünya şöhrəti qazanıb.[2]