| Əhməd Xan | |
|---|---|
| Əhməd xan Fətəli xan oğlu | |
VIIQuba Xanı | |
| 1789 –1791 | |
| Əvvəlki | Fətəli xan |
| Sonrakı | Şeyxəli xan |
| Şəxsi məlumatlar | |
| Doğum tarixi | 1769(1769) |
| Doğum yeri | Quba,Quba xanlığı |
| Vəfat tarixi | 1791(1791)(21–22 yaşında) |
| Vəfat yeri | Quba,Quba xanlığı[4] |
| Dəfn yeri | Qırxlar qəbiristanlığı,Tuti Bikə türbəsi |
| Fəaliyyəti | xan |
| Atası | Fətəli xan |
| Anası | Tuti Bikə |
| Dini | İslamŞiə[1][2][3] |
Əhməd xan —Quba xanlığının VII xanı.
Əhməd xan 1769-cu ildə anadan olmuşdur. O,Quba xanıFətəli xanın vəTuti Bikə xanımın böyük oğlu idi.
1789-cu ildəFətəli xanın vəfatından sonra böyük oğlu Əhməd xanlıq taxtına çıxdı. Əhməd atası kimi bacarıqlı deyildi. Fətəli xanın hakimiyyətinin son illərindəQuba xanlığı münasibəti yaxşılaşmışŞəki xanlığı ilə ixtilaf yenidən gücləndi vəMəhəmməd Həsən xan öz bibisi oğlu olan Əhməd xana qarşı qalxdı. Əhməd xana qarşı təkbaşına mübarizə aparmağın çətinliyini anlayan Şəki xanı bu işdə şamaxılılardan istifadə etməyi qərara aldı. KeçmişŞamaxı xanıMəhəmməd SəidinOsmanlı torpağlarında olan oğlanlarıƏsgər bəy vəQasım bəy,Ağası xanın oğluMustafa bəyFətəli xanın ölümünü eşidərək geri qayıtdılar,əvvəlcəQarabağa,oradan isəŞamaxıya gəldilər. ŞəkiliMəhəmmədhəsən xan onları silahlandırdı, bir vaxtlar Yeni Şamaxının hakimi olmuşHacı Məhəmmədəli xanın oğluManaf bəyi də onlara qoşub Şamaxıya hücum etdilər. Əhməd xan onların qarşısını almaq iqtidarında olmadığı üçün Qubaya çəkildi. Məhəmməd Həsən xan Şamaxıda sərkərlərin hakimiyyətini bərpa etdi. Yeni Şamaxının idarəsi isə Manaf bəyə həvalə olundu. Bir həftə sonra sərkərlər Yeni Şamaxını aldılar, zəif və qabiliyyətsiz Manaf bəyi öldürdülər. Məhəmməd Səid xanın oğlu Əsgər Şamaxı xanı elan olundu. Ağası xanın oğlu Mustafa bəy isəƏlvənddə Kotev adlı yerdə möhkəmləndi.1791-ci ildə Əhməd xanla bakılıII Mirzə Məhəmməd xan arasında narazılıq yarandı. Beləliklə, vaxtı iləFətəli xanın birləşdirilmiş Azərbaycan xanlıqları arasında ixtilaflar yarandı.
Əhməd xan 1786-cı ildəTərkişamxalı Məhəmmədin qızı Kiçi Bikə ilə ailə qurmuşdur. Bu nikahdan onların övladı olmamışdır.[5]
1791-ci ildə Əhməd xanQubada vəfat etdi. Onun 13 yaşlı qardaşı,Salyanda naib olanŞeyxəli ağa tələsik Qubaya gəlib xan taxtına əyləşdi və öz yerinə 7 yaşlı qardaşıHəsən ağanıSalyan naibi təyin etdi.[6] DərbəndinQırxlar qəbiristanlığında,səkkizguşəli məqbərədə dəfn olunmuşdur.[7]
