Neonila Mixailovna Salova ( rossiavonНеонила Михайловна Салова ) tiyir rossiaf artowasik. Koe Noviye Tcecuyki keTcernigiv bowexo ke savsaforossiafo gindaxo bak saneaksat ke 1860 kobliyir. Bak 1941 koeTcita awalkeyer.

Neonila bak saneaksat ke 1860 koe Noviye Tcecuyki kazakafa wida koe Mglin utca ke Tcernigiv gindafo bowexo koblir, vey oluafa yasa. Kali 1877 koe sardikyafa olda ke Tcernigiv vayar aze va ravera ebon gu selas pomasik koeSankt Peterburg raplekur. Va artowasa anameda vanfir.

Va sayudasik keNarodnaya Volya tis bewik ke skusa neda dumSofia Perovskaya is Maria Olovennikova isVera Figner, ik va Aleksandr Kvyatkovski blodik va dodelikaf grustaks. Van dodelik galbedur. Bak idulugal ke 1880 va Narodnaya Volya is inaf kotlaf grustaks yoter. Van jotaf vayasikeem sayudar.

Bak 1881 gu selas pomasik zo dobar. Bak 1882 koXarkiv azOdesa lapir. Tir tan winkaf andik ke pako. Tici saneaksat ke 1882 vuidanon gan Vera Figner koSwiza lapir enide va kotgrupaf artowas divblinik kevlanir.

Va aba ke Narodnaya Volya ke 1884 koeParis paker nume gu ristulafa tuzda zo libur. Bak bareaksat ke mil ilanacek do Herman Lopatin is Vasili Suxomlin ko Rossia dimlapir.

Jiz va 21 ke Sankt Peterburg (1887) Jizanik Антонов П. Л. —Antonov P- L- : parmafa xalta Белоусов А. Г. (1857->1934) —Belousov A- G- : poana kobara koe Sibiria Белоусов С. Г. (1859->1919) —Belousov S- G- Вольнов В. И. —Volnov V- I- : xaltafa sanalubda Гейер И. И. —Geyer I- I- : xaltafa balemda Добрускина Г. Н. —Dobruskina G- N- : xaltafa anyustda Елько П. А. —Elko P- A- : xaltafa balemda Ешин Л. П. (1857-1919) —Ecin L- P- : poana kobara koe Sibiria Иванов С. А. —Ivanov S- A- : parmafa xalta Кирсанов В. И. —Kirsanov V- I- : 4 flintaf aksat Конашевич В. П. —Konacevitc V- P- : parmafa xalta Кузин С. Е. (1866-1919) —Kuzin S- E- : xaltafa san-tolda Лебеденко П. —Lebedenko P- Ливадин В. В. —Livadin V- V- : poana kobara koe Sibiria Лопатин Г. А. —Lopatin G- A- : parmafa xalta Попов М. П. —Popov M- P- : poana kobara koe Sibiria Салова Н. М. —Neonila Salova : xaltafa tol-sanda Стародворский H. П. —Starodvorski N- P- : parmafa xalta Сухомлин В. И. —Suxomlin V- I- : xaltafa san-alubda Френкель Я. Г. —Frenkel Y- G- Якубович П. Ф. —Yakubovitc P- F- : xaltafa san-anyustda

Neonila Salova ba 06/10/1884 zo soper. Va tanda is acku koe Petropavlovskya ralma ke Sankt Peterburg tiskir aze ko abdarafe dagixe zo arburer. Bak teveaksat ke 1887 balJiz ke 21 zo komalyer. Zo xonukalanzar aze gakera gu xaltafa tolsanda zo nuner. KoUst-Kara koeSibiria zo stakser. Bak 1892 den nuyafi soli zo arburer aze tere bak 1898 vaTcita koirubar.

Bak rossiafa Artowara ke 1905 koe Tcita tigir. Bak 1906 ik 1907 tir bewik ke lizukafa neda keSeltevafo Artowaso Pako. Bak artowara ke 1917 koe Sumefa Roneka tigir aze koePoltava koe Ukraina dimon blir. Va namio isti 1920^-e sanda suter.

Tir kosafa gu stalinevafa moristara nume bak 1935 gan NKVD ardial gire zo soper. Bak 1941 koe Tcita awalker.

►Rossiafa artowasikya

Varvara Aleksandrova •Maria Ananina •Natalya Armfeld •Alyona Arzamaskaya •Sofia Bardina •Fanya Baron •Ekaterina Barteneva •Varvara Batyuckova •Anastasya Bitsenko •Sofia Bogomolets •Anisya Bolotina •Ekaterina Brecko-Breckovskaya •Maria Ckolnik •Lidya Ezerskaya •Rebekka Fialka •Lidya Figner •Vera Figner •Yevgenya Figner •Gesya Gelfman •Emma Goldman •Xristina Grinberg •Raisa Grossman •Sofia Ivanova-Boreyco •Aleksandra Ivanovskaya •Evdokia Ivanovskaya •Praskovya Ivanovskaya •Aleksandra Izmaylovitc •Maria Kalyujnaya •Fanni Kaplan •Natalya Klimova •Natalya Kogan-Bernstein •Zinaida Konoplyannikova •Maria Kovalevskaya •Elizaveta Kovalskaya •Yulya Krukovskaya •Maria Kutitonskaya •Tatyana Lebedeva •Sofia Leschern •Olga Lyubatovitc •Vera Lyubatovitc •Fani Moreinis •Maria Nikiforova •Sofia Perovskaya •Anna Pribilyova-Korba •Anna Rasputina •Yevgenya Ratner •Neonila Salova •Nadejda Sigida •Nadejda Smirnitskaya •Maria Spiridonova •Maria Subbotina •Nadejda Subbotina •Yevgenya Subbotina •Olga Taratuta •Lyudmila Terentyeva •Anna Toporkova •Maria Vetrova •Lyudmila Volkenstein •Aleksandra Xorjevskaya •Anna Yakimova •Vera Zasulitc