Muisca abdigalda tiyir soka lospasa vaMuisca saneikeem koe istefo tawavo ke refeKolombia sokasane abdi espanafa olgalicura. Balemoyi abdigaldaki tiyid : Muyquytá Zipazgo cosxo is Hunza Zacazgo cosxo is Iraca tumtaxo is Tundama tumtaxo voxis konako mivvexaxo.
Xanta
Mali lekeugal, Muisca va yerumara wali staba ksubeyed numen sina kadayad vangluyara ke yona doda. Ison vuwafa waldura gu vindara wal amidafa doda iku banafa fiste zo divatceyer, isen dofa vegedusa lagara dum lavakiraf bolk ta midura va ontinafa taya, isen sayakafa tanara ta likera va volnafa mikra dum Panche is Muzo, va lomantafa vangluyara tuadrayar. Bata kotcoba di tiyir tazukafa riga ke abdigalda.
Lopof andik ta ardil is targuca is gaderopafi is skapafi roti va sint likeyed ise va sintafa doda lalevbenpluyud. Bata koboda va geja daskiyid. Voxen cenen okilik va gadera va staba is doda me mbi deswayad nume grustara ke dodeem is stabeem zo nendoyeyed. Opelon cenesik va intafa ardilafa tirka laumasiyir numaze va vamoefa gorara ronovaskiyir ise va kiewega loote mbi kserayar.
Zipazgo cosxo moni 1450 awiyir, gadenon gan Saguamachica gejayasa va Panche mikra, aze kali 1541 lapteyer viele espanafa olgalicura va istexo ke refa Kolombia ceneson tenukeyer.
Muisca balumaks va lan mepilkomodanZipa nafalik, re viden dene Tcila ke Moava koe Bogotá.
Muisca abdigalda vas cosxo vas mon 47 000 km² ruldayar, valentu Chicamocha gola vage Páramo de Sumapaz gee Bogotá, is vataltuVélez isZipacón varon datca ke Ronefa Rodega tite azeka ke Meta golapa. Sanelia ke cosxo tiyir vas mon 1200000 irubasik ba artlakira ke espanik.
Wikipedia tir erava ta nuyon rovansana xadola numen kottan va cek ronovataler. Nope bata rieta, atoen detceeem tir valdigan tazukon gu teliz. Piskus webesik va sint ton doda gesiad, a gadesik, ise va lan vexeem tarkad. Webera zo someviroyar numen mialoduca icde cek zo kowazder. Cek batinde warzen tir romalsaven gire is rotamuzen verton guCreative Common BY-SA 3.0 sorta.
Wikipedia va zobera keWikimedia Foundation belundar, i ke meboweref kizey jandes dene dilintafo zanisiko va konak abdumimaks nuyaf is fastafwiki abdumimaks :
.jpg)
