Los primeros asentamientos de la ciudá daten del4000 a. C., atopóse cerámica y xil de cronoloxíaneolítica. Dempués de larevolución neolítica asitiáronse pela redolada pequeños grupos humanos. Ta documentada la esistencia d'un pobláu o campamentu, quiciabes yá de calter estable, perteneciente a laEdá del Bronce, ente'l1800 y el1500 a. C. Taba formáu por dellos fondos de cabañes de planta ovalada, feches de folla, madera y paya, con abondoses y variaos restos de cerámica.
Tamién tán documentades cases de piedra de planta rectangular y restos cerámicos del400 a. C. aproximao.
Atopóse la necrópolis más antigua descubierta en Uesca, que tuvo n'usu unos cinco sieglos, dende'l400 a. C. (en plenaEdá del Fierro) hasta'l100 d. C.. Tratábase ―como yera habitual nesti periodu― d'un campusantu d'incineración, nel que les cenices del difuntu, dempués de la cremación, depositábense en pequeñes urnes de cerámica.
El nome de l'aldega Bolskan escritu enidioma íberu.
Bolskan foi una ciudá celtíbera allugada en territoriu de losilerxetes rellacionaos colos habitantes d'Ilerda (l'actual Lleida), nel mesmu solar qu'ocupa anguaño la ciudá. El territoriu foi ocupáu polossuessetanos primero que los romanos.Acuñó abondosa moneda, en que'l so anversu apaez el nome de la ciudá enllingua íbera y un caballeru. Ente'lsieglu II y elI a. C. foi laceca que más moneda emitió de toaHispania.
Dellos historiadores creen que'l pueblu ibéricu qu'ocupaba la rexón yera'l de losilerxetes, ente qu'otros afirmen que yera'l de lossuesetanos. L'idioma que falaben pue ser l'íberu o l'eusquera (el vascu ye un idioma nonindoeuropéu bien distintu delllatín).
