Unponi[1] (pony n'inglés oponey enfrancés, probablemente toes elles procedentes de la pallabra francesa obsoletapoulenet, diminutivu depoulain, ‘potru’, de la mesma del francés antiguupulain, y quiciabes de la mesma delllatín medievalpullamen, ‘animal nuevu’, derivada del llatín clásicupullus) ye uncaballu pequeñu d'unos 150 cm d'altor máximu hasta la cruz, y un pesu mediu de 100 qg. Ye bien rústicu y resistente, con formes más o menos masives, perfil rectu y oreyes triangulares en llugar d'empobinaes escontra dientro como los caballos de mayor alzada. Les races más pures y primitives caltienen calteres de los equinos primitivos, como rayes a lo llargo del llombu, o inclusive nes pates, focico fariñentu, clines tupíes y cuasi verticales, lo que compensa la so falta d'alzada con otres races de caballos. Sábese que los antepasaos de los actuales caballos yeren aproximádamente d'esta alzada, y a midida que foron adomando y ameyorando la especie, tomaron mayor altor por cuenta de la seleición humana.
Los ponis tán clasificaos dientro de los cuatro tipos principales de caballos primitivos de Eurasia; los otros englobaríen a los antepasaos de races como los caballos árabes y paecíos, los caballos xenéricos de siella que descienden deltarpán y d'últimes los antepasaos de los caballos de sangre frío. Poro, les faces o ponis son un tipu de caballu qu'entá caltién los calteres primitivos.
Les races de caballos de pequeña estatura orixinarios d'Inglaterra reciben el nome xenéricu inglés deponis; d'ellos, elShetland (el nome d'unes islles d'Escocia) ye'l más diminutu, con tamaños que van de los 70 cm a los 106 cm hasta la cruz. Aparentemente tolos ponis d'Europa occidental pertenecen al mesmu grupu, llamáu «célticu», que tamién engloba otres races como losasturcones, losponis gallegos, losmonchinos o losForest. Hai otres races de poni procedentes d'otres llatitúes, como loskirguistaninos o losbasutos, que pertenecen a otru tueru de la familia.
La raza más antigua ye laExmoor, como atestigua el so focico blancu fariñentu, qu'utilizaron los antiguos pobladores de lasGran Bretaña enantes de la ocupación romana delarchipiélagu británicu. Yeren utilizaos como animales de tiru o en terrenes difíciles. Anguaño esisten siquier 55 races conocíes de ponis.
Lossementales de poni son capaces de criar a los dos años d'edá. Sicasí, en cautiverio espérase que tengan de tres a cuatro años enantes de dexa-yos reproducise. A munchos machos nun los baxen lostestículos alescrotu hasta los tres años d'edá. Na mayoría de los casos ye layegua y non el semental el que determina'l tamañu de les críes. El periodu normal dexestación ye de 320 díes y elpartu ye por demás rápido, unos diez minutos a partir de les primerescontraiciones. El potrín empieza a mamar rápido, namás dos hores dempués de nacer.
N'estáu domésticu, dende la so nacencia son animales por demás delicaos polo que riquen curiaos especiales y una bona inversión de tiempu y dineru nellos. Los ponis que viven en semillibertá, como los asturcones o losponis d'Islandia, son perfeutamente capaces de valise ensin ayuda del home.
