Nicole Mary Kidman nació enHonolulu,Ḥawai, el20 de xunu de1967, y foi la primera de les fíes del matrimoniu formáu por Anthony Kidman y Janelle Stuart, casaos n'avientu de 1963. El so padre, unbioquímicuaustralianu, yera entós estudiante de doctoráu nun institutu d'investigación médica de laUniversidá de Ḥawai. Poco dempués de la nacencia de Nicole, la familia treslladóse aWashington, onde'l so padre llograra una beca delInstitutu Nacional de Salú Mental. Hasta los cuatro años vivió n'Estaos Xuníos, cuando en 1971 la so familia tornó aAustralia.[16]
Kidman empezara a tomar clases debalé a la edá de trés años y n'Australia ingresó nuna escuela de teatru pa mozos. El so padre esmolecíase por qu'ella y la so hermana menor tuvieren una bona condición física, polo que-yos faía facer cada mañana exercicios deximnasia. La so hermana,Antonia Kidman, ye actriz, periodista y presentadora de televisión australiana.
En 1983, Kidman empecipió la so carrera d'actriz cuando a les sos 16 años intervieno nuna película ambientada enNavidá,Bush Christmas, que sigue proyeutándose frecuentemente na dómina navidiega. Al carecer la so madre decáncer de mama, Nicole abandonó los sos estudios escolares, pero una vegada que la so madre recuperóse, volvió a entamar la so carrera d'actriz. A lo llargo de los añosochenta apaeció en numberoses películes y series de televisión australianes.
Kidman algamara yá fama, y demostró les sos dotes d'interpretación y la so elegancia nes siguientes películes, nes qu'actuó con actores tan populares comoBruce Willis yDustin Hoffman. En 1998 protagonizó, xunto conSandra Bullock, el filmePractical Magic, basada na novela d'Alice Hoffman. En 1999 fixo al pie del so entós homeEyes Wide Shut (Güeyos bien zarraos), la que sería la última película del direutorStanley Kubrick, y que tuvo una gran resonancia.[17]
La mayor reconocencia profesional hasta entós algamóla en 2002, cuando foi nomada alÓscar como meyor actriz principal pol so papel enMoulin Rouge! película que la consagraría nuna estrella en Hollywood y alloñóla de la imaxe d'esposa de Tom Cruise. Cola película de suspenseLos otros, dirixida pol españolAlejandro Amenábar, rodada nesi mesmu añu, tamién collechó un ésitu importante una y bones esta foi más taquillera inda que l'anterior. Tuvo qu'arrenunciar a intervenir enPanic Room por cuenta de una mancadura na rodía contrayida mientres el rodaxe deMoulin Rouge!, pero nel añu 2002 ganó'lÓscar como meyor actriz principal pola so interpretación del personaxe de la escritoraVirginia Woolf enThe Hours (The Hours).
En 2004 trabayaría xunto al direutor danésLars Von Trier enDogville, película que foi recibida con bien bones crítiques nelFestival de Cannes. L'actriz quedara estelada col trabayu de Von Trier enBreaking the Waves lo cual contribuyó a aceutar el papel de Grace cuando'l cineasta-y lo propunxo. Magar que nun principiu remanóse la versión de que Kidman refugó faer la secuela,Manderlay, pol tratu que recibió de Von Trier, años dempués trescendió que la so negativa foi para nun repitise como actriz.[20][21][22][23]
Nel añu 2004 llogró una nominación a los Globos d'oru porBirth onde según munchos críticos y cinéfilos daría una de les meyores actuaciones de la so carrera. La película foi dirixida porJonathan Glazer y amuesa un primer planu de 2 minutos de la cara de l'actriz, bien aplaudíu y recordáu, onde amuesa emociones diverses y complexes.
En 2006 protagonizó la películaSemeya d'una obsesión de Steven Sheinberg onde compartió creitos conRobert Downey Jr. Magar la película nun foi un ésitu, al pasar los años convirtióse n'insinia del fetiche y lo bizarro.
En 2009 volvió actuar nun musical, nesta ocasión enNine. Aveza dicise qu'esta película ye unremake deOcho y mediu deFederico Fellini, anque realmente afai en formatu cinematográficu un musical inspiráu pola película deFederico Fellini. Obra de Arthur Kopit y Maury Yeston, el musical estrenóse en 1982 conRaúl Juliá como protagonista. Fellini dio la so aprobación pa la creación d'esti espectáculu, pero pidió que nun tuviera'l mesmu títulu de la so película y que tampoco figurara'l so nome. Por ello, el musical llamóseNine (Nueve) en llugar deOcho y mediu, y el personaxe principal caltién el nome deGuido, que figuraba na película de Fellini. La versión recién deRob Marshall cínxise fielmente al musical.
Na so primer fin de selmana,Nine raspió los 6 millones de dólares n'Estaos Xuníos, una cifra pésima teniendo en cuenta que costó 80 millones debíu al llanzamientu simultáneu conAvatar, la película más taquillera de la historia nel so momentu. Pasaes tres selmanes dende'l so estrenu,Nine recaldó 18 millones de dólares, con una gran perda que punxo n'apiertos a los sos productores.
Nel añu 2010, estrenóse nel festival de TorontoRabbit Hole, película producida por Blossom Films que llogró bien bones crítiques y valió-y la nominación a los Globos d'Oru, a los premios delScreen Actors Guild y la so tercer nominación a los premios Oscar.
Nesi mesmu añu Nicole Kidman empecipió conversaciones pa producir y financiar un filme basáu nel llibruThe Danish Girl, y tuvo trabayando n'atopar direutor y coprotagonista.
En 2011 anuncióse que protagonizaría'l debú del direutor surcoreanuPark Chan-wook n'Estaos Xuníos, que llevaría'l títulu deStoker.
En 2012 coprotagonizóThe Paperboy, película na que la mayor parte de los aponderamientos foron para Nicole: «Nicole Kidman en realidá ye escelente como Charlotte: risondera, sexy, conmovedoramente vulnerable». María Corliss escribió: «La revelación, sicasí, ye'l rindimientu de Kidman. L'arrenunciu a la imaxe de la diosa que tantes vegaes asumió, la so Charlotte ye una criatura madura, xabaz, con tolos sos encantos sexuales. Con un amiestu ventureru de precisión y abandonu, Kidman crea una visión arrogante de la feminidá del sur na so forma más tóxica. nun va asoceder, pero merez el premiu a meyor actriz enCannes d'anguaño».
En 2016 interpreta a la madre adoptiva Sue Brierley na películaLion, gracies a ello llogró la so cuarta nominación al Oscar, ente otres.
N'ochobre de 2017, Kidman foi anunciada oficialmente como la protagonista na películaDestroyer, que foi dirixida por Karyn Kusama.[24]
Unos años dempués, en 2001, Nicole Kidman divorcióse deTom Cruise de manera amistosa. Según delles fontes la razón principal foi que Cruise aportunó n'educar a los sos fíos según les creencies de laCiencioloxía (creada porRon Hubbard), ente que Kidman quería que foren educaos según la tradicióncatólica.
El 8 de xineru de 2008 comunica a la prensa qu'espera'l so primer fíu biolóxicu pal próximu mes de xunetu. El 7 de xunetu de 2008, enNashville, da a lluz a una neña, Sunday Rose Kidman-Urban.
El 17 de xineru de 2011 el matrimoniu anuncia que tuvieron a la so segunda fía biolóxica, pero a diferencia de la primera, la recién nacida foi xestada per aciu unvientre d'arriendu. Llámase Faith Margaret y nació el 28 d'avientu de 2010 nun hospital de Nashville.
En mayu de 2014 reveló nuna entrevista pa la edición británica de la revistaInstyle, faciendo referencia al fechu pocu conocíu de que nun nació n'Australia sinón enHonolulu,[26] y que so madre nomólaHokulani, un nome tradicionalḥawaianu que significa «estrella celestial».[27]
↑Afirmao en:Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
↑Afirmao en:Gemeinsame Normdatei. Identificador GND:124539971. Data de consulta: 9 abril 2014. Títulu:Nicole Kidman. Llingua de la obra o nome: alemán. Autor: Biblioteca Nacional d'Alemaña.
.jpg)
_BAR.svg)
