Linda Fiorentino | |
|---|---|
| Vida | |
| Nacimientu | Filadelfia, 9 de marzu de 1958[1] (67 años) |
| Nacionalidá |  Estaos Xuníos |
| Llingua materna | inglés |
| Familia | |
| Casada con | John Byrum( – 1993) |
| Estudios | |
| Estudios | Rosemont College(en) Circle in the Square Theatre School(en) Washington Township High School(en) |
| Llingües falaes | inglés |
| Oficiu | |
| Oficiu | actriz,actriz de cine,actriz de televisión,guionista, fotógrafa |
| IMDb | nm0000400 |
| lindafiorentino.com | |
 | |
Linda Fiorentino(9 de marzu de 1958, Filadelfia) ye una actriz d'Estaos Xuníos d'ascendenciaitaliana, conocida poles sos interpretaciones en películes comoLa última seducción (película que la consagraría como musa delcine independiente d'Estaos Xuníos),Dogma,Jade yMen in Black.
Antes de tomar la decisión definitiva de convertise n'actriz Linda pensara n'estudiar p'abogada (anque se graduara enCiencies Polítiques pola universidá deRosemont,Pennsylvania).
Los fans de Linda Fiorentino consideren los sos primeros años de carrera cinematográfica como los más notables. En pasando d'interpretar a la moza na comedia románticaLlocu por ti (1985) a heroína convencional en¡Te pillé! (1985) Linda alzó les ceyes (y temperatures) de más d'unu nel so papel de cadarma de notable arquiteutura con predilección polos xuegos sexuales maldadosos na películaAfter Hours deMartin Scorsese (titulada n'EspañaJo, ¡qué nueche!).
Poco dempués abriríase un paréntesis na so carrera nel que taría perdida en papeles indescribibles en diverses películes insignificantes, seique por cuenta de la so bien merecida fama d'actriz difícil de tratar. La renacencia llegaría-y (como aJohn Travolta) pa llanzala definitivamente al estrellalgu col papel deviuda negra –muyer fatal amoral y ensin escupulicios na película de baxu presupuestu deJohn Dahl,La última seducción (1994). Nun mundu menos suxetu a regles l'actriz sería nomada al Oscar, pero'l que s'estrenara na televisión per cable primero que nos cines provocó que fora inelegible pola Academia Americana, anque sí recibió'lIndependent Spirit Award, el qu'estimó aludiendo a que se trataba de la reconocencia que-y diera la xente cola que siempres trabayara y que yera ello lo que realmente-y importaba; elLondon Critics Circle Film Awards y elNew York Film Critics Circle Awards pol so papel deBridget Gregory enLa última seducción.
L'ésitu deLa última seducción rellanzó la so carrera lo suficiente, pero los papeles qu'escoyó de siguío nun podíen menos que considerase sucedaneos (el más notable'l de la película de suspenseJade deWilliam Friedkin) lo cual rápido dilapidó el creitu que-y diera la película de Dahl.
Sicasí Linda gociaría dempués de ciertu grau de reconocencia pol so papel como únicu descendiente vivu de Xesucristu enDogma deKevin Smith (1999), o la curiosa forense que prefería la compañía de los muertos a los vivos enMen in Black (1997) y siguiría trabayando constantemente en toa clase de películes, incluyendoCriminal y decente deThaddeus O'Sullivan, onde interpretaba a unu de los amores d'un criminal carismáticu deDublín (Kevin Spacey) oNel puntu de mira (2002) onde nuevamente vuelve encarnar un papel femenín que lu marcó mientres tola so carrera, el de muyer independiente, sofisticada, curiosa y fría, esta vegada na figura de la esposa d'un magnate de la industria armamentística retenida nuna plaza pública por un francotirador vengatible (Wesley Snipes) qu'acusa al so home de vender l'arma qu'asesinó a la so fía.
