N'agostu de 2018, cuando tenía quince años, Thunberg tomóse un tiempu fuera de la escuela pa manifestase frente alparllamentu suecu, sosteniendo un cartelu que pidía una aición climática más fuerte. Llueu, otros estudiantes participaron en protestes similares nes sos propies comunidaes. Xuntos entamaron un movimientu de fuelga climática escolar col nome deVienres pol futuru (delinglés,Fridays for Future). Dempués de que Thunberg se dirixera a laConferencia de les Naciones Xuníes sobro'l Cambéu Climáticu de 2018, realizáronse fuelgues estudiantiles cada selmana en dalgún llugar del mundu. En 2019, hubo siquier dos protestes coordinaes en delles ciudaes qu'arreyaron a más d'un millón d'alumnos caúna.[21][22]
Thunberg ye conocida pola so manera contundente[23] de falar del fechu,[24] tanto en públicu como a los líderes y asamblees polítiques, na qu'encamienta a l'aición inmediata pa encetar lo qu'ella describe como la crisis climática».
En mayu de 2019, Thunberg apaeció na portada de la revistaTime, que la nomó «líder de la próxima xeneración» y señaló que munchos la ven como un modelu a siguir.[25] Thunberg y el movimientu de fuelga escolar tamién apaecieron nun documental deVice de trenta minutos tituláuMake the World Greta Again (Facer del mundu grande otra vegada). Dellos medios describieron el so impautu nel escenariu mundial como l'efectu Greta Thunberg».[26]
Greta Thunberg ñació'l 3 de xineru de 2003 enEstocolmu,[27][28] fía de la cantante d'óperaMalena Ernman y l'actor Svante Thunberg.[29] El so güelu paternu ye l'actor y direutor Olof Thunberg.[30]
Thunberg diz qu'escuchó per primer vegada sobro'l cambéu climáticu en 2011, cuando tenía ocho años, y nun podía entender por qué se taba faciendo tan poco al respeutu.[31] Trés años más tarde, ablayóse y s'aletargó, dexó de falar y comer, y finalmente diagnosticáron-y elsíndrome d'Asperger,[32] trestornu obsesivo-compulsivu (TOC),[32] ymutismu selectivu.[32][33] Magar reconoz que'l so diagnósticu «llindóme enantes», sicasí, nun ve'l so autismu como una enfermedá y lo llama «superpoder».[33]
Mientres unos dos años, Thunberg desafió a los sos pas a amenorgar la buelga de carbonu de la familia al facesevegana, lo qu'en parte significaba que la so madre tuvo qu'abandonar la so carrera internacional como cantante d'ópera.[29][34] Thunberg acredita la eventual rempuesta de los sos pas y los cambeos nel so estilu de vida al da-y esperanza y creer qu'ella podría marcar la diferencia.[29] La hestoria familiar se cuenta nel llibru de 2018 "Escenes del corazón".[35]
A finales de 2018, Thunberg entamó les fuelgues climátiques escolares y los discursos públicos convirtiéronla nuna activista climática reconocida internacionalmente. Al so padre nun-y presta que falte a la escuela, pero dixo: «[Respetamos] qu'ella quiera ponese de pies. Pue sentase en casa y ser realmente infeliz, o protestar y ser feliz».[34] Thunberg diz que los sos maestros tán estremaos nos sos puntos de vista sobre la so clase perdida pa facer el so puntu. Ella diz: «Como persones piensen que lo que toi faciendo ye bono, pero como maestros dicen que tendría de parar».[34]
Thunberg publicó una coleición de los sos discursos d'aición climática, "Naide ye demasiáo pequeñu pa marcar la diferencia", en mayu de 2019 coles ganancies donaes a la caridá.[36] Nún de los sos primeros discursos esixendo aición climática, Thunberg describió l'aspeutu de mutismu selectivu de la so condición como si solo falara cuando fore necesario, y dixo "agora ye ún d'esos momentos".[31] En 2019, Thunberg tamién contribuyó con unavoz n'off pal llanzamientu de «The 1975», el cantar principal d'unabanda inglesa del mesmu nome. Thunberg termina encamentando: «Entós, toos allá fuera, agora ye tiempu de desobediencia civil. Ye tiempu de remontase». Los ingresos van dir a la rebelión d'estinción a pidimientu de Thunberg.[37]
Greta Thunberg xunto con un cartelu que diz ''Fuelga escolar pol clima''.
El 20 d'agostu de 2018, Thunberg, qu'entós taba en novenu grau, decidió nun asistir a la escuela hasta leseleiciones xenerales de Suecia de 2018, realizaes el 9 de setiembre, tres la fola de calor y les quemes forestales en Suecia. La so demanda foi que'l gobiernu suecu amenorgare les emisiones de carbonu con base a establecer nelAlcuerdu de París, polo que decidió protestar sentándose nes contornes delRiksdag tolos díes mientres la xornada escolar, xunto con un cartelu que dicíaSkolstrejk för klimatet (ensuecu, «fuelga escolar pol clima»).
Dempués de les eleiciones xenerales, Thunberg siguió protestando cada vienres, lo cual llamó l'atención a nivel internacional ya inspiró a mozos estudiantes de tol mundu a participar en fuelgues estudiantiles. Dende avientu de 2018, más de20 000 estudiantes realizaron manifestaciones en más de 270 ciudaes en dellos países, incluyendoItalia,Alemaña,Australia,Austria,Bélxica,Canadá,Dinamarca,Finlandia,Xapón,Países Baxos,Reinu Xuníu,Suiza y n'América —Arxentina,Brasil,Chile,Colombia,Estaos Xuníos,Méxicu yUruguái—.[38][39][40][41][42] N'Australia, miles d'estudiantes inspiraos por Thunberg, decidieron protestar los vienres, inorando les pallabres del Primer ministruScott Morrison, sobre «más aprendizaxe nes escueles y menos activismu».[43]
Los vienres 15 de marzu, 24 de mayu y20 de setiembre de2019, tuvieron llugar trés grandes convocatories de movilizaciones estudiantiles per tol mundu y de manifestaciones pa pidir midíes efeutives que detengan elcambéu climáticu, siguiendo la convocatoria mundial delFridays For Future promovíu por Greta Thunberg.[44][45][46]
El 24 de payares de 2018, ufiertó una charra enTEDx Estocolmu.[48] Thunberg faló sobre l'autismu como una forma de por qué nun pue entender la inaición del gobiernu y de la ciudadanía sobre l'amenaza climática. Concluyendo la so charra, Thunberg dixo: «Tuvimos falando mientres trenta años y vendiendo idees positives. Siéntolo, pero nun funciona. Porque si fore asina, les emisiones baxaríen, pero nun lo fixeron».[49]
El 4 d'avientu de 2018, Thunberg ufiertó un discursu naConferencia de les Naciones Xuníes sobro'l Cambéu Climáticu de 2018 (COP24), que se taba celebrando enKatowice (Polonia), esti discursu llogró notoriedá en numberosos medios de comunicación alredor del mundu. El 12 d'avientu de 2018, Thunberg realizó otru discursu énte l'asamblea plena del COP24, declarando:[50][51]
El mio nome ye Greta Thunberg. Tengo 15 años. Soi de Suecia. Falo en nome de Climate Justice Now (...) Ustedes solo falen de la crecedera económica verde y eterno, porque tienen demasiao miéu de nun ser populares. Sólo falen sobre siguir alantre coles mesmes males idees que mos metieron nesti desastre, inclusive cuando lo único sensatu que puen facer ye poner el frenu d'emerxencia. Nun son lo suficientemente maduros pa dicir les coses como son. Inclusive esa carga mos la dexen a nós, los neños. Pero a min nun m'importa ser popular. Esmolézome pola xusticia climática y pol planeta (...) La nuesa biosfera ta sacrificándose porque les persones riques en países como'l mío puean vivir bien. Son los sufrimientos de munchos los que paguen pol luxu d'unos pocos (...) Ustedes dicen qu'amen a los sos fíos percima de too, pero-yos tán robando'l so futuru énte los sos propios güeyos (...) Precisamos caltener los combustibles fósiles nel suelu y tenemos de centranos na equidá. Y si les soluciones dientro del sistema son tan imposibles d'atopar, seique tendríamos de camudar el sistema en sí mesmu.Nun vinimos equí a rogar a los líderes mundiales que s'esmolezan. Ignoráronnos nel pasáu y van volvenos a ignorar. Quedemos ensin escuses y tamos quedando ensin tiempu. Vinimos equí para face-yos saber que'l cambéu ta llegando, gúste-yos o non. El verdaderu poder pertenez a la xente. Gracies.
Greta Thunberg énte'l Cume del Clima de les Naciones Xuníes, 2018
En xineru de 2019, Greta Thunberg embarcóse xunto col so padre nun viaxe de 32 hores en tren hazaZúrich, Suiza, pa participar na Asamblea Añal delForu Económicu Mundial, que se celebró na ciudá deDavos, y que rexuntaba a representantes de múltiples empreses, académicos, líderes d'opinión y medios de comunicación de tol mundu. Al llegar a Suiza, xunto con un grupu de mozos siguidores se sentaron nes contornes de la sede onde se diba a realizar l'eventu, como protesta pol cambéu climáticu; a diferencia de los demás invitaos de l'asamblea, quienes foron agospiase n'hoteles, Thunberg decidió facelo nuna instalación temporal llamada Arctic Basecamp, allugada nos montes de la ciudá. Al llegar al eventu, foi recibida pola direutora xerente delFondu Monetariu Internacional (FMI)Christine Lagarde.[52][53] El 24 de xineru, Thunberg foi miembru d'una sesión na que participó xunto col cantanteBono, la economistaChristiana Figueres, l'antropólogaJane Goodall y l'economista Kengo Sakurada.[54]
El 26 de xineru, tuvo presente nuna sesión llamada «Preparándonos pa l'alteración climática», na que tamién participó'l Presidente delBancu Nacional de Francia,François Villeroy, y el conseyeru delegáu de la compañía d'Estaos XuníosExpedia,Mark Okerstrom. Ellí, Thunberg realizó otru discursu que, al igual que'l realizáu na COP24, llogró notoriedá mundial:[55][56]
Fuelgues estudiantiles pol cambéu climáticu (Berlín).
La nuesa casa ta en llames. Según el GICC (Grupu Intergubernamental d'Espertos sobre'l Cambéu Climáticu), tamos a 12 años de poder resolver los nuesos errores. En Davos, a la xente gústa-y falar sobre l'ésitu, pero'l so ésitu financieru tuvo un preciu inimaxinable, y en cuanto al cambéu climáticu, tenemos de reconocer que fracasamos. Tolos movimientos políticos na so forma actual, yá lo fixeron, y los medios de comunicación nun llograron xenerar una mayor conciencia pública sobre la tema. Pero'l homo sapiens entá nun falló. Sí, tamos fallando, pero entá hai tiempu pa camudar too (...) Resolver el cambéu climáticu ye'l desafíu más grande y complexu qu'enfrentó l'homo sapiens. La solución, sicasí, ye bien simple, qu'inclusive un neño pequeñu podría entender. Tenemos que detener les nueses emisiones de gases d'efeutu ivernaderu (...) O bien, evitamos que les T° aumenten sobre los 1,5°C o nun lo facemos. O evitamos la reaición en cadena de los ecosistemes que se desfaen o nun lo facemos. O escoyemos siguir como civilización o non. Los adultos dicen: Tenemos que dar esperances a la próxima xeneración. Pero nun quiero la to esperanza, nin quiero que la tengas. Quiero qu'entres en llerza, que sientas el mieu que yo siento tolos díes, y depués quiero qu'actúes (...) Quiero qu'actúes como si la to casa tuviera en llames, porque eso ye lo que ta pasando.
Greta Thunberg énte l'Asamblea Añal del Foru Económicu Mundial, 2019
El 21 de febreru de 2019, Thunberg participó nuna conferencia delComité Económicu y Social Européu onde alvirtió a laXunión Europea de que les sos metes d'amenorgamientu d'emisiones pa 2030 nun yeren abondes pa evitar les peores consecuencies del calentamientu global.[57] Dempués manifestóse xunto con otros 7.500 estudiantes pol clima nuna concentración convocada enBruxeles.[58]
El 15 de marzu de 2019, millones de persones en tol mundu realizaron una fuelga mundial, como refugu a la pasividá de los gobiernos mundiales en nun aplicar polítiques y lleis que velen realmente sobre'l mediu ambiente y facer casu omiso a los efeutos que favoreció'l cambéu climáticu (como mayor probabilidá de desastres naturales, temperatures estremes, escasez hídrica, etc). La fuelga foi escurrida y encabezada pol movimientuFridays For Future, baxo lideralgu de Greta Thunberg.[59] La marcha mundial se llevó a cabu en delles ciudaes d'un total de 123 países a nivel mundial, nun total de 2000 manifestaciones, que la so mayoría foron realizaes de forma entamada y pacífica. En total, la marcha 15-M rexuntó entre 1.5 y 2 millones de persones en tol mundu y cuntó col sofitu de 12000 científicos alemanes, suizos y austriacos al movimientu.[60][61]
El 23 de xunetu de 2019 Thunberg ufiertó un discursu naAsamblea francesa nel que denució que'l movimientu del que forma parte yera «d'amenaces y burlles por citar cifres y fechos científicos» y retó a «aquellos que dicen qu'esaxeramos» a lleer l'últimu informe del Grupu d'Espertos Intergubernamental de laONU.[62][63]
Greta Thunberg mientres la Cume Mundial R20 enViena, el 28 de mayu de 2019.
En mayu de 2019 Thunberg axuntóse conArnold Schwarzenegger, el secretariu xeneral de Naciones XuníesAntónio Guterres y el presidente d'AustriaAlexander Van der Bellen nuna conferencia entamada por Schwarzenegger. Citando'l más recién informe delGICC Thunberg dixo «Si nun rematamos los cambeos necesarios p'aprosimadamente l'añu 2030, vamos desencadenar probablemente una reaición en cadena irreversible y fuera del control humanu. Vamos pasar a un puntu de non retornu que va ser catastróficu». 17.000 persones procedentes de 30 países distintos asistieron al eventu.[64][65]
El 14 d'agostu de 2019 Thunberg empecipió una travesía pel océanu Atlánticu a bordu del veleruMalizia II col enfotu de llegar a Estaos Xuníos pa participar na Cume sobre l'Aición Climática que tien previstu celebrase enNueva York el 23 de setiembre de 2019 y n'otros eventos rellacionaos col clima. Nel veleru acompañáronluPierre Casiraghi (dueñu de la embarcación), Boris Herrmann (que se va alternar al timón con Casiraghi), el so padre Svante Thunberg y el documentalista suecu Nathan Grossman. Thunberg decidió viaxar nelMalizia II pa evitar les emisiones contaminantes de los aviones.[66][67][68] Thunberg llegó a Nueva York el 28 d'agostu de 2019.[69][70]
Discursu na Cume sobre l'Aición Climática ONU de 2019
El 23 de setiembre de 2019 Thunberg ufiertó un discursu na sede de Naciones Xuníes en Nueva York onde fuera convidada pa participar naCume sobre l'Acción Climática ONU de 2019.[71] Nel so discursu, Thunberg ufiertó cifres sobre los efeutos del calentamientu global y añadió comentarios como: «Estos datos son demasiao incómodos y ustedes nun son lo abondo maduros pa dicilo tal y como ye» o mos tán fallando, pero los mozos tán entamando a entender la so traición. Si escueyen fallanos, yo dígo-yos: nunca-yos vamos perdonar. El cambéu vien gúste-yos o non».[72]
En mayu de 2018, Thunberg foi una de les ganadores de la competición deSvenska Dagbladet, en rellación a escribir un artículu d'alderique sobre'l clima pa la población nueva.[73]
Foi una de les trés nomaes pal premiu héroe xuvenil del mediu ambiente de 2018, patrocináu por World Nature's Fund.[74]
Thunberg foi nomada pola compañía lléctrica Telge Energi palChildren's Climate Prize, pa neños y mozos que promueven el desarrollu sustentable, pero tornó porque los finalistes tendríen que volar escontraEstocolmu.[75]
En payares de 2018, otorgóse-y la beca Fryshuset del Mozu exemplar del Añu.[76]
N'avientu de 2018, la revistaTime punxo a Greta Thunberg na llista de les 25 adolescentes más influyentes del mundu (apaez nel octavu llugar).[77] Más palantre, la mesma revista la mentó ente les 100 personalidaes más influyentes del mundu nel añu 2019.[78]
El 8 de marzu de 2019, los tabloides suecosAftonbladet yExpressen asitiaron a Thunberg como la Muyer del Añu en Suecia, nuna llista na que taben nomaos la políticaEbba Bush y la deportistaFrida Karlsson, ente otres.[79][80]
El 14 de marzu de 2019, trés políticos noruegos propunxeron postular a Greta Thunberg palPremio Nobel de la Paz, por cuenta de que la so llucha contra'lcambéu climáticu non solo movió a millones de persones alredor del mundu, sinón que tamién sería esencial pa evitar futuros conflictos bélicos énte la falta de recursos naturales.[81][82]
El 12 de xunetu de 2019 laReal Sociedá Xeográfica Escocesa (Royal Scottish Geographical Society) concedió a Thunberg la medayaGeddes Environment.[87]
El 21 de xunetu de 2019 recibió'l Premiu de la Llibertá deNormandía. El presidente d'esta rexón francesa,Hervé Morin, reconoció que l'activista sueca consiguió que la llucha contra'l cambéu climáticu seya un oxetivu coleutivu».[88]
El 25 de setiembre de 2019 foi-y concedíu'lPremiu Right Livelihood.[89] El xuráu d'esti gallardón, conocíu como'l "Nobel alternativu", premióls por "inspirar y amplificar les demandes polítiques por una acción climática urxente que reflexe fechos científicos”.[90]
El 1 d'ochobre de 2019, la revista Entomologist's Monthly Magacín publicó un artículu académicu nel que s'identificaba una nueva especie d'escarabayu (Nelloptodes gretae) que recibía'l so nome n'honor de Thunberg. L'autor, el científicu Dr. Michael Darby, dixo qu'escoyó'l nome porque taba "inmensamente impresionáu" pola campaña ambiental de l'adolescente sueca, y quería reconocer la so contribución sobresaliente pa crear conciencia sobro los problemes ambientales.[91][92]
El 4 d'ochobre de 2019,Desmond Tutu anunció que laFundación KidsRights otorgaba'l Premiu Internacional de la Paz de los neños de 2019 a Greta Thunberg y a Divina Maloum. El gallardón va ser apurríu nuna ceremonia que se va celebrar el 20 de payares enHaber.[93]
En 2019 Greta Thunberg refugó'l premiu medioambiental delConseyu Nórdicu. El gallardón llevaba apareyada una dotación económica de 47.000€. Thunberg manifestó: Estimo al Conseyu Nórdicu esta distinción, ye un gran honor, pero'l movimientu climáticu nun precisa más premios, sinón que los mandatarios y políticos escuchen a la ciencia".[94]
Thunberg inspiró a dellos de los sos compañeros n'edá escolar no que se describió como l'efectu Greta Thunberg».[95] En rempuesta a la so postura abierta, dellos políticos tamién reconocieron la necesidá de centrase nelcambéu climáticu. El secretariu de Mediu Ambiente de Gran Bretaña,Michael Gove, dixo: «Cuando t'escuché, sentí una gran almiración, pero tamién responsabilidá y culpa. Soi de la xeneración de los tos pas y reconozo que nun fiximos lo suficiente pa encetar el cambéu climáticu y la crisis ambiental más amplia qu'ayudamos a crear». El políticullaboristaEd Miliband, responsable de la introducción de la Llei de Cambéu Climáticu de 2008, dixo: «Espertáronnos. Dámos-yos les gracies. Tolos mozos que se declararon en fuelga sostuvieron un espeyu na nuesa sociedá ... enseñaronnos toos nós una lleición realmente importante. Destacasti ente l'ensame».[26] En xunu de 2019, una encuesta deYouGov en Gran Bretaña atopó que la esmolición pública pol mediu ambiente disparárase a niveles récord nelReinu Xuníu desque Thunberg yExtinction Rebellion travesaren «la burbuya de la negación».[96]
N'agostu de 2019, informóse una duplicación nel númberu de llibros pa neños publicaos qu'enceten la crisis climática, con un aumentu similar nes ventes de talos llibros. Los editores atribúin esto al efectu Greta Thunberg».[97]
Inspiraos por Thunberg, ricos filántropos ya inversores de losEstaos Xuníos donaron cuasi medio millón de llibres pa sofitar la Extinction Rebellion y los grupos de fuelga escolar pa establecer un fondu d'emerxencia climática.[98]Trevor Neilson, ún de los filántropos, dixo que los trés fundadores se pondríen en contautu con amigos ente los multimillonarios del mundu pa donar «cien vegaes» más nes próximes selmanes y meses.[99]
En febreru de 2019, Thunberg compartió escenariu col entóspresidente de la Comisión Europea,Jean-Claude Juncker, onde él describió que «Nel próximu periodu financieru de 2021 a 2027, cada cuartu euru gastáu dientro del presupuestu de laXE va destinar a midíes p'apangar el cambéu climáticu».[100] Los problemes climáticos tamién xugaron un papel importante neseleiciones europees de mayu de 2019,[101] yá que los partíos verdes cuasi doblaron el so votu pa terminar en segundu llugar con un 21%,[102] aumentando'l so númberu de diputaos a 71.[103] Munches de les ganancies provienen de países del norte d'Europa onde los mozos salieron a les cais inspiraos por Thunberg.[102] La resultancia da-yos a los verdes la oportunidá d'exercer influYencia nel nuevuparllamentu européu.[103]
En xunu de 2019,Ferrocarriles Suecos (SJ) informaron que'l númberu de suecos que tomaben el tren pa viaxes domésticos aumentara un 8% más que l'añu anterior, lo que se consideró reflexaba la creciente esmolición pública sobre l'impautu de volar nes emisiones deCO2, que foi destacáu pola negativa de Thunberg a volar a conferencies internacionales. Sentir vergoña de tomar un avión por cuenta del so impautu ambiental foi descritu nes redes sociales comoFlygskam o «vergoña d'esnalar», xunto cola etiqueta jagstannarpåmarken, que se traduz como "quédome en suelu".[104][105]
Nuna columna d'opinión, Christopher Caldwell afirmó que l'enfoque simple y directu de Thunberg sobre'l cambéu climáticu pondría a los manifestantes climáticos en conflictu coles complexidá de tomar de decisiones nes democracies occidentales.[106][107] El filósofu francésRaphaël Enthoven afirmó que munches persones «merquen virtú» col so sofitu a Thunberg, pero en realidá nun faen nada p'ayudar.[108]
En xunetu de 2019,Agence France-Presse informó que'l secretariu xeneral de laOrganización de Países Esportadores de Petroleu (OPEP)Mohammed Barkindo «quexóse de lo que llamó ataques 'non científicos' contra la industria petrolífera por parte d'activistes del cambéu climáticu, calificándolos de 'quiciabes la mayor amenaza pa la nuesa industria nel futuru'», y dixo qu'aparentemente se refería «a la recién fola de fuelgues escolares inspiraes pol movimientu de 'Vienres pal futuru' (Fridays dir futures) de l'adolescente sueca Greta Thunberg».[109] Thunberg y otros activistes climáticos respondieron llamando a los sos comentarios una insinia d'honor.[110][111]
NosEstaos Xuníos, la escritora d'opinión Tiana Lowe, deThe Washington Examiner, declaró que los «pas d'escena» «buscadores de fama» de Thunberg, particularmente la so «madre estrella d'ópera que la so fama s'esmoneció», taben prostituyendo» y «echando a perder» ensin tener en cuenta supuestos problemes mentales de Thunberg alegaos por Lowe, pola cual Greta y la so hermana foron declaraes «discapacitaes». Al facelo, escribió Lowe que taben sometiéndola a abusu infantil».[112]
Thunberg tamién foi criticada pol ñegador del cambéu climáticu australianuAndrew Bolt,[113] dempués de que Thunberg anunciara que viaxaría a los Estaos Xuníos nun yate que realiza cero emisiones de carbonu. Bolt dixo que los sos siguidores yeren un cultu, llamándola «extrañamente influyente»[114] pa una «neña tan nueva y con tantos trestornos mentales».[115]
Tres la presentación d'una demanda por parte de Thunberg contraFrancia,Alemaña y otros países por nun tar en camín de cumplir colos oxetivos d'amenorgamientu d'emisiones colos que se comprometieron nos sos compromisos delAlcuerdu de París, elpresidente de FranciaEmmanuel Macron la criticó, diciendo que «tales posiciones radicales (según lo sostenío por Thunberg) antagonizen les nueses sociedaes». Amestó qu'«ella tendría d'enfocase naquellos que tán bloquiando, los que tán más lloñe», y qu'«él nun siente que nin el gobiernu francés nin l'alemán tán tratando de bloquiar [los oxetivos]». Laministra francesa pa la transición ecolóxica ya inclusiva,Brune Poirson, tamién la criticó, diciendo qu'«ella nun sabe qué soluciones ta presentando», y amestó que nun se pue movilizar con desesperación, nin siquier odiu».[116]
N'agostu de 2019,Scientific American informaba que los detractores de Thunberg habíen «llanzao ataques personales» y «cada vez más se basen n'ataquesad hominem p'apangar la so influencia».[117] La escritora d'opinión suecaPaulina Neuding y un artículu deThe Spectator Australia emplegaron los problemes de salú mentales pa cuestionar la idea de que Thunberg tendría de liderar l'activismu del cambéu climáticu.[118]
Al escribir enThe Guardian, Aditya Chakrabortty dixo que columnistes como Brendan O'Neill, Toby Young, el blogue Guido Fawkes, según Helen Dale y Rod Liddle enThe Spectator yThe Sunday Times tuvieron faciendo «feos ataques personales» a Thunberg.[119] Como parte del la soñegación del cambéu climáticu, el partíu de drecha d'AlemañaAlternativa p'Alemaña atacó a Thunberg «de manera bastante cruel», según Jakob Guhl, investigador del Institutu pal Diálogu Estratéxicu.[120]
L'empresariu británicuArron Banks realizó una publicación enTwitter que paecía deseyar dañu a Thunberg cuando entamó'l so viaxe tresatlánticu n'agostu de 2019, alvirtiendo «Freak yachting accidents do happen in August» («Los accidentes de yates anormales asoceden n'agostu»).[121] Los comentarios de Banks indignaron a dellos parllamentarios y académicos británicos.Tanja Bueltmann, fundadora d'EU Citizens' Champion («Campeón de Ciudadanos de la XE»), dixo que Banks invocara « l'afogamientu d'una neña» pa la so propia diversión, y señaló que la mayoría de los qu'ataquen a Thunberg «son homes blancos de mediana edá de la drecha del espectru políticu».[122] Escribiendo enThe Guardian,Gaby Hinsliff dixo que Thunberg convirtióse en «el nuevu frente na guerra culturalbrexit», argumentando que la indignación xenerada polos ataques personales contra Thunberg per parte de partidarios delbrexit «da-yos el bienveníu osíxenu de la publicidá».[123] El filósofu británicuJulian Baggini dixo que les crítiques personales contra Thunberg son indicatives d'«una bancarrota moral ya intelectual».[108]
L'ensayistaSteve Silberman, escribiendo enVox, señaló que tar nel espectru del autismu dexa a Thunberg ser valiente na so retórica.[124] Nuna entrevista con Suyin Haynes na revistaTime, Thunberg encetó les crítiques que recibió en llinia, diciendo: «Ye bastante graciosu cuando lo único que la xente pue facer ye burllase de ti o falar sobre la to apariencia o personalidá, yá que significa que nun tienen discutiniu o namás que dicir».[125]
A finales de 2018,Ingmar Rentzhog, quien afirma ser ún de los primeros n'espublizar les fuelgues pol clima de Thunberg, pidió-y que se convirtiera n'asesor xuvenil non remuneráu de la so empresastartup climática. Dempués usó'l so nome ya imaxe ensin la so conocencia o permisu pa recaldar millones pa una subsidiaria con fines d'arriquecimientu de WDHT, We Don't Have Time AB, de la cual Rentzhog ye'l direutor executivu.[126] Thunberg nun recibió dineru de la compañía.[127] Thunberg finó'l so papel d'asesora voluntaria con WDHT una vegada que se dio cuenta de que taben ganando perres col so nome, declarando «[Nun soi] parte de nenguna organización... soi absolutamente independiente... [y] faigo lo que faigo dafechu gratis».[128]
.jpg)
.jpg)
