Fidalgu[1] (tamién antiguamentefiudalgu[2]) oinfanzón[3] ye unnoble, anque coloquialmente se gaste'l términu pa referise a la nobleza non titulada, sobremanera n'España yPortugal. N'España esistíen munches clases de fidalguíes: - notoriu - el«de solar conocíu», el«de tolos cuatro costaos», el«de devengar quinientos sueldos», los«fidalgos pol cuernu» y otros, inclusive ún que ta ente lo conceutual y lo rial, el«fidalgu como un gavilán».[4] Fai referencia afíu de dalgo comofíu de dalgún llinaxe, con variaes calidaes la pallabradalgo, nos sos diferentes contestos, denotaba "noble", "valiosu", "bonu". Arriendes de los Infanzones yera sinónimu deXentilhomes yEscuderos.[5]
El censu de 1787 cuntaba n'España 480.589 vecinos fidalgos (cabeces de familia) sobre una población de 10.268.150 habitantes, polo que s'estima que suponíen menos del 5% del total.[6][7]
Desconocida, desconózse l'orixe ciertu.Covarrubias diz que se sabe que defidalgu vienofidalguía, que comúnmente se refería alhome bien nacíu, esistiendo'l femenínfidalga, que'l so usu ye mui propiu d'España.
Esto nun quita qu'hubiere varies aceuciones que s'arraigonen no antiguo. SigúnSebastián de Covarrubias nel so tiempu considerábense estas:
NesSietes Partíes, apaez en munchos sitios, nuna onde se trata cómo escoyer les presones pa la melicia diz:[8]
E por esso sobre todas las cosas cataron que fuessen hombres de buen linage, porque se guardassen de fazer cosas porque pudiessen caer en verguença: e porque estos fueron escogidos de buenos logares y con algo. Quiere tanto dezir en lenguage de España, como bien. Por esso los llamaronFijos de algo, (...)Y poro sobre toles coses miraron que foren homes de bon llinaxe, por que se guardaren de facer coses por que pudieren cayer en vergoña: y porque estos foron escoyíos de bonos llugares y con dalgo. Quier tanto dicir en llinguaxe d'España, como bien. Poro los llamaronFíos de dalgo, (...)llei segunda tit. 21. partita 2.[4]
Lliterariamente los fidalgos son carauterizaos fundamentalmente comonobles con escasos o dengúnbien, mas exentos del pagu de determinaes obligaciones trebutaries (la tasa llamadapechu, que pagaben los pebleyos o pecheros) y con derechu de llevar armes pos el rei podía-yos pidir en cualesquier momentu una prestación melitar.
La fidalguía tien los sos oríxenes naReconquista. Yá pal sieglu x apaez el términu "infanzón" como sinónimu de la pallabracaballeru y la so análoga nelllatín medieval,miles. Estos infanzones yerenvasallos de los grandesmainates yperlaos y alministraben les sos propiedaes, y en xeneral veníen de losricohomes, aquellos que teníen bienes de fortuna abondo pa poder sofitar a ún o varios caballos. Nos primeros sieglos yera posible consiguir el rangu d'infanzón namás cola habilidá de fornir y pagase'l so propiu serviciu na caballería. Ye solo nel sieglu xii cuando'l rangu d'infanzón se ciarra a los que nun nacen nelli. Nos pueblos que se funden nes tierres conquistaes, los caballeros —y non los mainates, quien solíen quedar n'áries más antigües— aportaron a dominar la vida política, social y cultural. Los oficios monicipales y la representación de les ciudaes nes Cortes yeren privilexos cuasi esclusivos de los caballeros. Ye tamién nel sieglu xii cuando se-yos apenza a llamar "fidalgos".[9]
Nos sos anicios, entóncenes, el títulu surdió como un reconocimiento. Mas a lo llargo de los años, el so usu foise estendiendo de forma descontrolada, y los monarques, empara dalgún beneficiu económicu presonal, nomaben fidalgos a cuantos-yos resultaba conveniente. Foi cola llegada de laIllustración y los Borbones cuando escomenzó una reforma fondera de lafacienda pública, una de les cuales foi la restrinción d'esta mena de nomamientos, pos daquella más de mediu millón de presones gociaba d'exenciones trebutaries basaes nesti títulu.
A diferencia de la España meridional, nel norte'l númberu de nobles yera altu y les sos diferencies col pueblu llanu, escases, siendo reformada la so sociedá dende un prencipiu por mor de motivos históricos y demográficos como auténtiques melicies pa la mantención de les güesties riales. N'Asturies, los fidalgos aportaron ser cuasi un 80% de la población, y nel casu deCantabria esta cifra foi entá mayor, algamando el 83% nel sieglu xvi y soperando'l 90% alredor de 1740.[10] NelSeñoríu de Vizcaya y enGuipuzcoa esistía tamién el nomáu derecho defidalguía universal, en vertú del cual tolos vizcaínos y tolos guipuzcuanos nacíen fidalgo. Esti privilexu nun s'aplicaba aÁlava,[11] u namás el 25% de la población yera fidalga, nin aNavarra.[12]
Esta condición social llevaba consigo ciertos deberes y privilexos. Yera la so obligación mirar por caballu y armes, y recibir periódicamente preparación melitar, en cuenta acurrir a la guerra nel momentu nel que'l rei-y llamara. Como compensación, ente otros privilexos, taba exentu de pagu de ciertos trebutos (elpechu, por exemplu, polo que se-yos contraponía a lospecheros) y se-yos daba'l permisu esclusivu pa poseyer y criyarpalombares, como mesmamente a los conventos. El conteníu de los deberes y obligaciones de los fidalgos n'España foi variando a lo llargo los sieglos. Los sos pleitos arreglábense énte l'alcalde de los fidalgos qu'esistía en cadún de los conceyos españoles onde se diera la división d'estaos (la mayoría) y en segunda estancia, nes Sales de los Fidalgos de lesRiales Chancilleríes de Valladolid yGranada, la Rial Audencia d'Uviéu y otros trebunales. Col pasu del tiempu foise tresformando'l so réxime xurídicu hasta la completa abolición de los sos privilexos cola llegada dellliberalismu nel primer terciu del sieglu xix. Esto, nostante, nun supunxo l'abolición de la nobleza.
NaPartida Segunda, laLlei XII[13] delTítulu XXI,[14] establez dos maneres d'allegar a la nobleza:
Les modalidaes yeren cinco:
La primer estremancia que ha de se facer ye la defidalgu de sangre yfidalgu de privilexu.
El fidalgu de privilexu podía ser de dos maneres:
Otres clases de fidalguía facíen referencia a vezos o fueros específicos atorgaos xeneralmente pola rialeza: Ansina, por nacer en ciertos llugares: por exemplu, la ma que paría sobre una determinada piedra del conceyu aragonés deCaspe, alquiría pal so fíu la categoría de infanzón, o tolos nacíos dende entamos del sieglu xiv en ciertos señoríos vascos yeren reconocíos como fidalgos sigún el Fueru de Castiella pol privilexu defidalguía universal.
Esos privilexos estremaos tamién servíen pa clasificar a diferentes menes de fidalgos: enCastiella, losfidalgos de devengar (cobrar)quinientos sueldos yeren los que por fueru inmemorial teníen derechu a cobrar 500 sueldos como satisfacción de les inxuries que se-yos facíen, no que paez ser un restu del antiguderechu visigodu a recibir compensaciones económiques por nun aplicar laLlei del Talión.
La fidalguía por servicios podía concedese o reconocese a conceyos enteros, ye'l casu de los vecinos deZamarramala qu'unviaben xente alAlcazre de Segovia porque teníen perpetuamente al so cargu les guardes centineles del castiellu,[16] estes s'efeutuaben almou melitar romanu, calteníu n'España,[17] - y comobocina valía porcuernu - d'equí-yos vieno'l nomefidalgos pol cuernu. Por esti serviciu taben los sos vecinos exentos de pechar pos el dichu privilexu facíalos y tenía fidalgos.[18]
En estas centinelas estaban los Soldados siempre armados, y se despertaban para relevarse, no solo al ruido ytoque de la bocina, sino de ciertos gritos y voces que se daban mutuamente, queLipsio con algún apoyo congetura que eran decirsevela oalerta, costumbre que hoy día estamos observando, pues (...)Nestes centineles taben los Soldaos siempre armaos, y espertábense pa emponese, non solo al ruíu y "toque de la bocina", sinón de ciertos gritos y voces que se daben ente sí queLipsio con dalgún sofitu conxetura que yeren dicise "vela" o "alerta", vezu qu'anguañu tamos catando, pos (...)Historia de la milicia española - De los Romanos, Cap. V.
P'acabar, losfidalgos de gotera yeren los fidalgos reconocíos como tal nun pueblu determináu, de mou que perdíen los privilexos de la so fidalguía si cambudaben de domiciliu treslladándose a otru pueblu distintu. Estos tamién se-yos nomaba«de canales adientro» - llocal -,[19] «de puertes adientro» o«de teyes p'abaxo».
Varios calificativos amestaos a la pallabra de fidalgu foron sistemáticamente refugaos pola Sala de los Fiudalgo de la Chancillería de Valladolid. La recopilación dada porFelipe IV, en Madrid el 12 de febrero de 1623, ye sobre los privilexos y exenciones de los que casen enantes tener el tiempu de dieciocho años y de los que tengan seis fíos homes. Yera una proteiciones que se-yos daba a les families numberoses, pero non un ciertu tipu de fidalguía, popularmente yeren nomaosfidalgu de bragueta.[20]
NelCantar de mío Cid cúntase comoRodrigo Díaz de Vivar marcha pal estierru con 300 "fíos dalgos".Miguel de Cervantes pon como protagonista de la sobra inmortalDon Quixote de la Mancha al fidalguAlonso Quijano.