LosEmiratos Árabes Xuníos[15] (n'árabe دولة الإمارات العربية المتحدة 'Dawlat al-ʾImārāt al-ʿArabīyyah al-Muttaḥidah'), tamién denomaosEAX oLos Emiratos, ye un estáu allugáu al sureste de la península arábica nelGolfu Pérsicu, n'Oriente Mediu compuestu por sieteemiratos:Abu Dhabi,Ajmán,Dubái,Fujairah,Ras Al-Jaima,Sarja yUmm al-Qaywayn. Llenda conOmán al sureste y conArabia Saudita al oeste y sur. Esti réxime de monarquía absoluta ye una federación de los siete emiratos nomaos anantes; caún tien un gobernante propiu, y xuntos los siete formen el Conseyu Supremu Federal, dirixíu por ún que tien el títulu de Presidente. La población del estáu (2013) ye de 9,2 millones d'habitantes; d'ellos 1,4 millones son ciudadanos emiratíes, y los otros 7,8 millones son expatriaos.
La ocupación humana remóntase, nesta fastera de la península arábiga, al momento de l'aparición de los humanos modernos: hai restos de 125.000 años d'antigüedá nel xacimientu Faya-1 en Mleiha (Sharjah). Consérvense llugares d'enterramientu delNeolíticu, y tamién de laEdá del Bronce; el más antiguu d'ellos, delV Mileniu e.C., ye'l de Jebel Buhais. Tres décades de conflictos marítimos, a primeros delsieglu XIX los emiratos entamaron a ser conocíos comoEstaos de la Tregua tres de la firma d'un tratáu perpetuu de paz marítima colos ingleses en1819. Esti tratáu, ratificáu en1853 y1892, convirtió a estos emiratos nún protectoráu británicu. El alcuerdu finó col establecimientu d'una federación independiente d'emiratos el2 d'avientu de1971. Seis de los siete emiratos que formen los EAX anguaño formaron la federación inicial, a la que se añadió l'emiratu de Ras al-Jaima el10 de febreru de1972.
La llingua oficial del país ye l'árabe, y la relixón oficial l'Islam. Les reserves depetroleu del país son les séptimes mayores del mundu, y les degas natural les decimoséptimes.Sheikh Zayed, gobernante d'Abu Dhabi y primer presidente de los EAX, dirixó'l desarrollu del país, invirtiendo los beneficios del petroleu n'educación, asistencia sanitaria ya infraestructures. La economía del país ye la más diversificada d'ente les de tolos delConseyu de Cooperación pa los Estaos Árabes del Golfu, y la so ciudá más populosa,Dubái, ye una importanteciudá global y un nudu perimportante de comunicaciones aérees y de comerciu marítimu. Amás, el país depende muncho menos de los beneficios del petroleu y el gas qu'en décades pasaes, y ta dirixendo la so economía hacia'lturismu y los negocios.
Los Emiratos Árabes Xuníos tienen una presencia internacional creciente, y ye una de les potencies medianes de la rexón. Ye miembru de lesNaciones Xuníes, laLliga Árabe, laOrganización pa la Cooperación Islámica, laOrganización de Países Esportadores de Petroleu y el Conseyu de Cooperación pa los Estaos Árabes del Golfu.
En1820 elReinu Xuníu robla'l primer tratáu de paz colos xeques de les tribus del país, pa poner fin a los actos de piratería que se veníen asocediendo. Pero'l tratáu que supondría l'entamu del protectoráu británicu, sería'l de la tregua marítima perpetua, en mayu de1853 (pol que'lReinu Xuníu faíase cargu de la proteición militar del territoriu) y en marzu de1892 (alcuerdu esclusivu que garantizaba'l monopoliu sobre'l comerciu y la esplotación de los recursos pa los británicos). El nome que recibieron los Emiratos mientres esti periodu, foi'l de losEstaos de la Tregua.
El30 de marzu de1968, los siete emiratos, xunto conQatar yBaḥréin, entamaron la Federación d'Emiratos del Golfu Pérsicu, pero esta federación súmese al independizase Qatar y Baḥréin.
.jpg)
.svg)
