Lesplantes terrestres oembriofites (Embryophyta) son el cladu (grupu monofiléticu) formáu polos descendientes de ciertes algues verdes, que se caractericen por tener una serie d'adautaciones pa lavida fora de l'agua, y que son por tanto los responsables de la colonización de latierra per parte de les plantes. El cladu incluye a toles plantes terrestres: losbriófitos (hepátiques, antoceros ymofos), los licopodios, losfelechos, y lesplantes con grana, ente les que tán lesximnospermes y lesanxiospermes.
Esti cladu paez recibir una gran presión de selección pa afitar los calteres morfolóxicos que lu afixeren a la vida terrestre, dalgunos de los cualos yá tán presentes en dellos clados d'algues verdes.
- L'apaición de la cutícula protexendo al esporófitu, y de la esporopolenina formando una gruesa paré naespora, paecen ser respuestes a la desecación.
- L'intercambiu de gases col ambiente llógrase al traviés de pequeños poros na epidermis o, nos grupos más avanzaos, al traviés d'estomas xenuinos.
- Losflavonoides ayuden a absorber lalluz ultravioleta.
- Esti cladu tamién sufrió adautaciones pa sobrollevar l'alta concentración d'osíxenu naatmósfera (muncho más alta que na agua), yá que una alta concentración d'osíxenu inhibe la fixación dedióxidu de carbonu. El metabolismu d'esti cladu inclúi un sistema d'oxidación del glicolatu» (glycolate oxidation system).
- La interacción ente plantes terrestres y fungos foi documentada en munchos briofitos y tamién en plantes vasculares. Nesta interacción, les plantes aproven a los fungos de los productos de lafotosíntesis, y a cambéu los fungos esquicen el suelu y les plantes llogren los nutrientes del suelu al traviés de los fungos.
Los grupos monofiléticos de les embriofites vivientes tán representaos nel siguiente cladograma:
