Tema 2015: «Unos océanos sanos, un planeta sanu»Los océanos son el corazón del nuesu planeta. De la mesma forma que los llatíos del corazón faen que'l sangre circule por tol cuerpu, los océanos conecten a les persones de tol mundu, con independencia d'onde vivan. Tamién regulen el clima, alimenten a millones de persones, producen osíxenu, son l'hábitat d'una gran variedá de seres vivos y apúrrennos medicines y munchos más recursos. Pa garantizar la salú de les nueses comunidaes y de les xeneraciones futures ye imprescindible que curiemos a los océanos cola mesma intensidá qu'ellos curien de nós.
El lema d'anguaño ye Unos océanos sanos, un planeta sanu, y céntrase nos esfuercios por acabar cola contaminación producida polos plásticos.
La contaminación por plásticu representa una grave amenaza porque degrada los océanos bien amodo y los sos efeutos perduren nel tiempu. Amás, estropia la salú de los animales y organismos acuáticos, que confunden les partícules de plásticu per comida. Los científicos tamién tán estudiando l'impautu d'esti tipu de contaminación nos humanos.
Nel Día Mundial de los Océanos 2015 va celebrase un
eventu en reconocencia de los ganadores del Concursu Añal de Fotografía de los Océanos. n'
inglés 
