 | |
| Tipu | Dominiu de nivel superior patrocináu |
|---|---|
| Creáu | 1985 |
| Xestor | EDUCAUSE |
| Sitiu web oficial | Sitiu web |
 | |
El dominiu.edu ye undominiu de nivel cimeru patrocináu (sTLD, les sos sigles n'inglés) que forma parte del sistema de nomes de dominios d'Internet. El dominiu .edu ye utilizáu namái con fines educativos, yá seya por instituciones educatives o oficines gubernamentales rellacionaes con estes. Dende'l 2001, a los nuevos inscritos al dominiu riquióse-yos que seyan instituciones d'educación cimera afiliaos a los Estaos Xuníos, anque dende entós los que yá taben rexistraos que nun tán afiliaos a losEstaos Xuníos —ya inclusive aquelles instituciones non educatives— caltienen los sos rexistros anguaño.Otros países tienen un dominiuedu de segundu nivel, por casu pa España sería .edu.es o Uruguái .edu.uy.
Dende'l 29 d'ochobre de 2001 solamente instituciones y organizaciones post-secundaries que seyan institucionalmente acreditaes por una axencia na llista d'axencies d'acreditación nacionalmente reconocíes del Departamentu d'Educación de los Estaos Xuníos son elegibles pa solicitar un dominiu edu.[1] Pa poder ser elegible, una institución tien de tar allugada nos EEXX, tar llegalmente entamada n'EEXX o ser reconocida por un estáu d'EEXX, axencia territorial o federal. Tamién pueden rexistrar un nome de dominiu .edu oficines de sistema universitariu, oficines de distritu de colexos comuñales y otres entidaes dientro de los EEXX que tán entamaes p'alministrar y gobernar múltiples instituciones post-secundaries acreditaes. #Cada institución elegible ta llindada de rexistrar un solu dominiu .edu, pero les instituciones tamién pueden usar nomes n'otros dominios de nivel cimeru.[2]
