نيديرلاند(هولاندى: Nederland,معروفه باسم ب"هولندا") و بالانجليزى اسمها الرسمى Netherlands هيا الجزء الاوروبى منمملكة نيديرلاند (هولاندى: Koninkrijk der Nederlanden)، اللى بتتالف من نيديرلاند،وجزر الانتيل النيديرلاندية واروبا فى منطقةالبحر الكاريبى و نيديرلاند هى ديمقراطية پرلمانيه ملكيه دستوريه فىاوروبا الغربية. و يحدهابحر الشمال من الشمال والغرب،بلجيكا من الجنوب، والمانيا من الشرق. نيديرلاند واحده من اول الديمقراطيات الپرلمانيه، و دوله حديثه من اساسها. عاصمة نيديرلاند هياامستردام و مقر الحكومه فىلاهاى.
نيديرلاند ممكن يتقال عليها هولاندا , لكن ده مش الاسم الصح لانهولاندا الشماليه وهولاندا الجنوبيه مجرد اتنين من اتناشر مقاطعة فى نيديرلاند. بالانجليزى الكلمه النيزيرلاندس (داتش Dutch) بتستخدم للاشارة للناس، و اللغة، و اى شىء متعلق بنيديرلاند. الاسم الرسمى بالداتش هو Koninkrijk der Nederlanden يعنى مملكة الاراضى المنخفضه.
نيديرلاند بلد منخفضه. المعنا الحرفى لاسم نيديرلاند الدول المنخفضه عشان ارتفاعها وتضاريسها المسطحة. حوالى 27 % من مساحتها و 60 % من المناطق المسكونه تحت مستوى سطح البحر و عشان كده بتتسمى كمان " الاراضى المنخفضه " . اهم مدنهاامستردام ودينهاخ (لاهاى) وروتردام واوترخت و هارليم و نايميخان. كسب النيديرلانديين المقاطعات الساحليه (اوترخت و اوفر ايسيل و خيلدرلاند و خيرونينجان و زيلاند و فريزلاند و ساويدهولاند ز نوردهولاند) بتجفيف البحر بعد شغل جامد و مضنى اخد كذا قرن. المقاطعات الداخليه هى: نوردبرابانت (برابانت الشماليه) و ليمبورخ و درينتا.
اقتصاد نيديرلاند متقدم وليه دور مهم ف الاقتصاد الاوروبى من القرن الستاشر. النقل البحرى والصيد والزراعة والتجارة والبنوك من الانشطه الرئيسيه ف الاقتصاد النيديرلاندى. بيعتبر الاقتصاد النيديرلاندى من اقوى الاقتصاديات فىاوروبا و بتستمد نيديرلاند ثروتها من التجاره و صناعة المنسوجات و الماكينات و المعلبات و الاجهزه الكهربيه و الكيماويات و منتجات الالبان و تربية المواشى و منتجات البساتين و زراعة الخضار و الورود و صيد السمك و السياحه. و فيها مناجم فحم و بتسيطر على موارد البترول و القصدير فى العالم.
نيديرلاند واحده من اكبر عشر دول مصدرة ف العالم. هيا تانى اكبر بلد بيصدر المواد الغذائية والزراعية ف العالم بعدامريكا ، بسبب تربتها الخصبة والمناخ المعتدل والزراعة المكثفة .[19][20]الايام دى شركا نيديرلاند التجاريين الرئيسيين هما المانيا وبلجيكا والمملكه المتحده و امريكا وفرنسا وايطاليا والصين و روسيا.[21] بين سنة 1997 سنة 2000 معدل النمو الاقتصادى السنوى كان حوالى 4 ٪ ، و ده كان هو اعلى بكتير من المتوسط الاوروبى.
فىالعصر الرومانى عاشت فيها قبايل الباتاف الالمانيه و بعدين حكمهاالفرانك (الافرنج) ما بين القرن الخامس و التامن، و بعدينالامبراطوريه الرومانيه المقدسه، وادواق برجنديا فى القرن 15، وعيلة هابسبورج (1482).شارل الخامس اداها لابنهفيليبى التانى ملكاسبانيا اللى حاول تدخيلمحاكم التفتيش الاسبانيه فيها و الغاء الحكم الذاتى فقامت انتفاضه عامه قادهاوليام الصامت (وليام دو سوايخر) امير اورانج (اورانيا)، و استرجعت اسبانيا المقاطعات الجنوبيه (بلجيكا دلوقتى) لكن نيديرلاند و الست مقاطعات التانيين انضمو لبعض و اعلنوا استقلالهم باسم " المقاطعات المتحده " سنة 1581، و تم الاعتراف باستقلال المقاطعات المتحده سنة 1648.
نيديرلاند عضو مؤسس فىالامم المتحده و انضمتلاتحاد بينولوكس مع بلجيكا ولوكسمبورج سنة 1947، وحلف الاطلنطى (1949)، و الجماعه الاوروبيه للفحم و الصلب (1952)، و اتحاد اوروبا الغربيه (1955)، و السوق الاوروبيه المشتركه، و الجماعه الاوروبيه للطاقه الذريه (1957)، و دلوقتى عضو فىالاتحاد الاوروبى.
اتعرفت نيديرلاند على مر التاريخبتولورانسيتها السياسيه و الدينيه و كانت دايم ملجا للمضطهدين اللى بيعانو من القهر فى بلادهم.امستردام هيا عاصمة نيديرلاند (رسمى من سنة 1983) و مقر الحكومة فىدينهاخ Den Haag (لاهاى La Haye بالفرنساوي، و ذا هيج The Hage بالانجليزى) .
نيديرلاند جه منها رسامين من اشهر الرسامين ف العالم. و كان القرن السبعتاشر عصر اشهر الفنانين زىرمبرانت ويوهانس فيرمير ويان ستين والمزيكا فى القرنين الخمستاشر والستاشر ف نيديرلاند شكلت حركة كبيرة ف مزيكة عصر نهضة اوروبا
عدد سكان نيديرلاند كان حوالى 17،093،000 ف يناير 2017.[22] النيديرلانديين هما اطول الناس فى العالم.[23] سنة 2009 كان متوسط طول الرجاله 1.81 متر (5 قدم 11.3 بوصة) و متوسط طول الستات 1.67 متر (5 قدم 5.7 بوصة).[24]
النيديرلانديين هما من اقل الناس فى التعصب ف العالم. كانت الديانه ف نيديرلاند مسيحيه بس ف الغالب لغاية اواخر القرن العشرين . التنوع الدينى زاد و حصل انخفاض ف التدين . حوالى نص السكان متدينين و نص السكان التانى مش متدينين .المسيحيه هيا اكبر ديانة فى نيديرلاند.
نيديرلاند فيها قنوات كتيره و ساعد نظام القنوات اللى بتربط بين الانهار الرئيسيه على تقدم النقل النهرى جواها و معالمانيا وبلجيكا.مينا روتردام هيا اكبر مينا ف اوروبا ، واكبر ميناء ف اى بلد برهاسيا .[26]
↑"Leerplicht".Rijksoverheid.nl. 11 ديسمبر 2009. اطلع عليه بتاريخ2017-08-03.
↑ (Press release).{{استشهاد ببيان صحفي}}:الوسيط|title= غير موجود أو فارغ (مساعدة)،تجاهل المحلل الوسيط|تاريخ الارشيف= لأنه غير معروف (مساعدة)،تجاهل المحلل الوسيط|تاريخ-الارشيف= لأنه غير معروف (مساعدة)،تجاهل المحلل الوسيط|مسار الارشيف= لأنه غير معروف (مساعدة)، وتجاهل المحلل الوسيط|مسار-الارشيف= لأنه غير معروف (مساعدة)صيانة الاستشهاد: url-status (link)
↑أبColin White & Laurie Boucke (1995). The UnDutchables: An observation of the Netherlands, its culture and its inhabitants (3rd Ed.). White-Boucke Publishing.
.svg)
