مصر (باللغه المصريه القديمه:كمت km.t؛ باللغه القبطيه:كيمه ⲕⲏⲙⲉ)[10] دوله شمال-افريقيه بحر-متوسطيه، اراضيها فىشمال افريقيا . شبه جزيرةسينا فى شمال افريقيا برضه لانها قبل شرق البحر المتوسط و قبل شرق البحر الاحمر. اهلها بيتكلمومصرى. مصر بلد موجوده فى شمال شرقافريقيا مصر كمان بلد بحر-متوسطيه يعنى من الدول ليها سواحل علىالبحر المتوسط. الموقع الچيوجرافى بتاع مصر مهم اوى و ليه دور فى تكوين الحضاره المصريه و الثقافه بتاعتها. مصر متحدده من الشمال بالبحر المتوسط، و من الشمال الشرقى باسرائيل وغزه، و من الشرق بالبحر لاحمر، و من الجنوب بالسودان، و م الغرب بليبيا.، سينا جنوب البحر المتوسط و شرققناة السويس و شمال البحر الاحمر. مصر من الشمال ليها حدود بحريه فى البحر المتوسط معاليونان وقبرص، و ليها حدود ارضيه مع ليبيا فى الغرب، و اسرائيل و غزه فى الشرق، و السودان فى الجنوب. حدود مصر النهارده هى هى حدودها من الاف السنين؛ دا من غير ما ناخد فى الاعتبار التوسعات للامبراطوريه المصريه ف عصرالمملكه الفرعونيه الجديده.الاسم الرسمى بتاع الدوله الحاليه هو جمهورية مصر العربية و دا يادوب من سنة 1971، و قبل كده كان فى اسامى تانى للدوله، من ضمنها: السلطنة المصرية و المملكة المصرية و الجمهورية المصرية و الجمهورية العربية المتحدة لما الريسعبد الناصر وحد الدوله ساعتها معسوريا و التوحيد دا مكملش كام سنه و فشل عشان اسباب كتير، اهم سبب فيهم هو ان الفكره بتاعت العروبه كانت فكره غريبه على المصريين، عشان المصريين معروفين بقوميتهم المحليه اللى هيالقوميه المصريه؛ فى مصريين كتير بيطالبو بالرجوع لاسم "الجمهوريه المصريه" او "جمهورية مصر"، و بيطالبو ان اسم مصر الرسمى مينفعش يجى بعده اى حاجه تانيه عشان مصر بلد ليها سيادتها.مصر مساحتها حوالى مليون كيلومتر مربع. من الناحيه الچيوجرافيه الطبيعيه، من العصور الفرعونيه لحد النهارده، الاراضى المصريه بتضم قسمين رئيسيين:وجهبحرى و دا اللى بيمتد ف شمال القاهره، و بينتهى ف البحر المتوسط و واخد شكل ورده او دلتا، و بيسموه مصر السفلى.الصعيد و دا اللى بيمد ع الضفتين بتوع النيل من حدود مصر الجنوبيه لحد ما بينهى ف جنوب القاهره، و بيسموه مصر العليا. السبب ورا التسميه بتاع "مصر العليا" و "مصر السفلى" هوا الاتجاه اللى بتمشى فيه الميه بتاعت نهر النيل، من فوق لتحت. النص الوسطانى اللى من جنوب الجيزه (منمنف) لحد اسيوط بيسموه مصر الوسطانيه.مصر عدد سكانها من اكبر اعداد سكان الدول ف افريقيا، و حسب اخر التقديرات، عدد سكان مصر عدى ال100 مليون (جوا مصر)، و ترتيبها الخمستاشر ف عدد السكان على مستوى العالم من اصل 242 دوله. اغلب سكان مصر بيعيش ع الضفتين بتوع النيل اللى مساحة الوادى بتاعته حوالى 40,000 كيلومتر مربع. الصحرا بتشكل اغلب مساحة مصر بس مش معموره. معظم السكان فى مصر (حوالى نصهم) دلوقت من الحضر بيعيشو فى مدن، ربعهم فى مدينة القاهره، اكبر مدينه ف افريقيا و الشرق الاوسط، و كمان فى نسبه كبيره ف مدينة اسكندريه و فى الدلتا. مصر ليها شهره عالميه بسبب التاريخ بتاعها الطويل اللى من ايام الحضاره المصريه القديمه اللى كانت من اعظم الحضارات القديمه، ومصر تعتبر اقدم دوله فى التاريخ من اولالوحده السياسيه الاولى فى مصر و الحضاره المصريه القديمه اثرت فى كل الحضارات اللى جت بعدها، و اللى سابت لمصر و للعالم اروع الاثار زى اهرامات الجيزه و ابو الهول و معبد الكرنك و وادى الملوك فى مدينة الاقصر و غيرهم. مصر كمان ليها دور مهم اوى ف الشرق الاوسط و خصوصا على المستوى الثقافى و السياسى، و الدور دا مصر لعبته فى الماضى و لسه بتلعبه فى الحاضر.اللغه اليوميه و القوميه بتاع المصريين دلوقتى هىالمصرى، و دى لغه القواعد بتاعتها بتمشى على القواعد بتاع المرحله القبطى من اللغه المصرى القديمه. اللغه المصرى فى منهالهجات مصريه كتير. فى اللى بيصنفو اللغه المصرى على انها المرحله الرابعه من تطور اللغه المصرى القديمه، زىبيومى قنديل اللى عمل التصنيف دا على اسس لغويه، و اعتبر اللغه المصرى بنت القبطى و حفيدةالديموطيقى.[11][12]تاريخ و حضارة مصر القديمه بيشكلو هوية و وعىالمصريين لحد النهارده، لحد ان كانو هما نفسهم مش واخدين بالهم من كده، و دا بيظهر بشكل كبير فى اللغه اللى بيتكلموها، اللى هى المصرى، و الممارسات الثقافيه بتاعتهم، و اللى بتشمل الاكلات بتاعتهم، الرياضات اللى بيمارسوها زى التحطيب، الالات المزيكيه المصريه القديمه اللى بيستخدموها زى الطبله و الناى و السمسميه و المزمار و الربابه و الدف و غيرهم، الاعياد اللى بيحتفلو بيها زى شم النسيم و الموالد و غيرهم، و المقامات، و لحد دفن الميتين، و الطقوس بتاع الذكر و الزار، و السبوع، و الاربعين، و غيرهم كتير اوى، و الممارسات الثقافيه دى بتظهر كمان بشكل كبير بين المصريين الريفيين (الفلاحين) فى الدلتا والصعيد عن باقى المصريين، عشان المصريين الريفيين محافظين عليها اكتر؛ كمثال، هتلاقى المصريين الريفيين (الفلاحين) فى الدلتا والصعيد لسه حافظين و بيستخدموا الشهور القبطيه لحد النهارده، و عندهم حكمه لكل شهر بتوصفه.
الاسم اللىالمصريين كانو مسميين بلدهم بيه ف اللغه المصرى القديمه هوا "كمتkm.t"، و دى كلمه معناها "السمرا" . الاسم دا بيرمز للارض السمرا بتاعة وادى النيل، و بيفرقها عن "دشرتdšr.t"، و دى كلمه معناها "الصفرا" يعنى ارض الصحرا الصفرا اللى اتاخدت منها كلمة desert. ف المرحله القبطى م اللغه الاسم بئا "كيميهⲕⲏⲙⲉ" ف اللهجه الصعيدى، و "كيمىⲭⲏⲙⲓ" ف اللهجه البحيرى.[10] حرف ال "ـيـ ⲏ" ف الاسم القبطى بيتنطق زى ال " ى" فى "فين؟" مش زى ال "ـيـ" اللى ف "مين؟"، يعنى بيتنطق [eː] فالIPA.الاسم "كمت km.t" جى م الجدر المصرى القديم "كم km" و الته "ت t." اللى ف الاخر دى بتاعت التأنيث، بيقابلها ف العربى الته المربوطه "ة" بتاعت التأنيث. ف المرحله القبطى م اللغه (و ف المرحلهالديموتيكى برضه الته بتاعت التأنيث دى مكانتش بتتنطق، زى بالظبط ما الته بتاعت التأنيث مش بتتنطق فى المصرى، عشان كده لما بنكتب "ⲕⲏⲙⲉ" ب الحروف العربى بنكتبها "كيمه" عشان ننطقها زى ما بننطق بالمصرى، و دا النطق الصح، و بشكل عمومى دا النطق الصح لال "ⲉ" ف القبطى الصعيدى و ال "ⲓ" ف القبطى البحيرى لما بييجو ف اخر الكلمه. و بردو المصريين الريفيين (الفلاحين) نطقهم زى نطق القبطى بشكل عمومى. الخطالهيروجليفى (والهيراتيكى و الديموتيكى بردو) مكانش فيه رموز لالحروف المتحركه، بس "كمت km.t" ف الغالب كات بتتنطق "كومَت [kuːmat]" ف المراحل الاولانيه م اللغه المصرى القديمه، عشان حرف ال "و" الطويل دا بيتحول ل"ـيـ ⲏ" طويله ف المرحله القبطى و ف المصرى المتاخر عمومى، و عشان كده الاسم ف القبطى بقا "كيمه ⲕⲏⲙⲉ"، و ف المصرى المتاخر عمومى بيتنطق زى ف القبطى بردو.اسامى تانى بتتقال علا مصر:الاسامى اللى مصر معروفه بيها ف اللغات الاوروبيه متاخده من اسمها ف اللغه اللاتينى "ايجيپتوس Aegyptus" اللى هوا كمان متاخد م اليونانى القديم "ايجيپتوسἈριστοτέλης
ΑἴγυπτοςAígyptos
اليونانيين القدام لما اتعاملو مع مصر وصفوها بنفس الصفة، يعنى الأرض الخصبة أو السوداء، وسموها "ايجيپتوس"، وده الاسم اللى اتشق منه اسم مصر الحالى فى اللغات الاوروبية، زى Egypt. واسم "ايجيپتوس" عند اللغويين باتقال إنو متاخد من "حوت كا بتححوتكابتاحḥwt kꜣ ptḥ"، يعنى "بيت روح الإله بتاح"، اللى هو اسم معبد الإله بتاح فى منف، اللى هيا العاصمة القديمة لمصر.
الاسم اليونانى لمصر "ايجيپتوس" منه الصفة "ايجيپتيوس" اللى اتنقلت وقت المرحلة القبطية من اللغة وبقت "جيپتيوس" أو "كيپتيوس"، اللى هو أصل كلمة "قبط" بالعربى. كلمة قبط كانت بتتقال على المصريين كلهم سواء كانو مسلمين أو مسيحيين، يعنى بالأدلة التاريخية كلمة قبط كانت بتتقال على المصريين المسلمين فى العصور الوسطانيه كلها، خصوص فى العصر المملوكى ولحد بدايات العصر العثمانى.[13] (شوف التفاصيل فى سكشنالاسامى بتاع المصريين فى صفحةالمصريين).
اما بقا بالنسبه لاسم "مصر"، دا من اصل سامى و مرتبط بشكل كبير بالاسم العبرانى "مصرايم" اللى مذكور ف التوراه و اللى معناه الحرفى "الارضين"، و المقصود مصر العليا و مصر السفلا، و كمان ليه معانى ف اللغات الساميّه التانيه، زى الدوله او البلد او الحد، و اقدم ذكر لالاسم دا "مصر" موجود ف اللغه الاكاديه بتاع ميسوپوتاميا. و بيتقال كمان ان المصريين ليهم جد "اسطورى" اسمه مصرايم اللى هوا واحد من ولاد حام ابن النبى نوح زى ما سفر التكوين ما بيذكر، بس دا كلام مش تاريخى و مفيش عليه اى دلايل اركيولوچيه. و فى احتمال كبير بردو يكون اسم "مصر" جى م المصرى القديم عن طريق القبطى من "ماس-رىⲘⲁⲣⲓⲁ
ⲙⲁⲥ-ⲣⲏ
و معناها بالتقريب المكان اللى الشمس بتتولد فيه (مَولَد/والدة الشمس).[14]
اسامى المصريين:شوف التفاصيل بتاع اسامى المصريين ف سكشنالاسامى بتاع المصريين ف صفحةالمصريين.الاسم اللى المصريين كانو مسميين نفسهم بيه ف اللغه المصرى القديمه هوا "رمت ن كمتrmṯ n km.t"، و المعنا الحرفى بتاع الاسم دا هوا "الناس بتاع كمت\مصر". ف المرحله القبطى م اللغه الاسم بقا "انرِمِنكيمهⲛ̄ⲣⲙ̄ⲛ̄ⲕⲏⲙⲉ" ف اللهجه الصعيدى، و "نيرِمِنكهيمه\نيرِمِنكيمهⲛⲓⲣⲉⲙⲛ̀ⲭⲏⲙⲓ" ف اللهجه البحيرى، و بردو المعنا الحرفى بتاعو هوا "الناس بتاع كيمه\مصر".[10]
كمت km.t ب الخط الهيروجليفى (م الشمال لاليمين):
قبطى:كيمه ⲕⲏⲙⲉ
رمت ن كمت rmṯ n km.t ب الخط الهيروجليفى (م الشمال لاليمين):
قبطى:انرِمِنكيمه ⲛ̄ⲣⲙ̄ⲛ̄ⲕⲏⲙⲉ
حوت كا بتححوتكابتاحḥwt kꜣ ptḥ ب الخط الهيروجليفى (م الشمال لاليمين):
مصر هيا اقدم دوله موجوده ف العالم المعاصر. الدوله بمفهومها القانونى يعنى ارض و شعب و حكومه مركزيه. علا مدى اكتر من 5000 سنه و مصر موجوده بحدودها الچيوجرافيه المعروفه دلوقت و عاشت و استمرت و شعبها عايش علا ارضها من الاف السنين و طول الوقت ليها حكومه من مش انقطاع ف اى حقبه من حقب التاريخ. جايز كان فى شعوب و قبايل قديمه عاشت من الاف السنين ف اماكن تانيه لكن مش ممكن تسميتهم دول، و و لو بعدين بقا ليهم دوله فماعاشتش زى الدوله المصريه و ماسابتش حاجه تثبت وجودها كحضاره. الحضاره المصريه القديمه اخبارها وصلتنا عن طريق نصوص موثقه مكتوبه ع البرديات و حيطان المعابد، عشان المصريين بعد ما اخترعو الكتابه عشقو اختراعهم دا و كانو بيسجلو كل كبيره و زغيره. طول التاريخ الدوله المصريه حاجه مميزه عن كل الدول التانيه و صعب تعريفها عشان ماهياش الحاكم، الفرعون او السلطان او الملك او الريس، ولا هيا الجيش ولا هيا الشعب، لكن مجموعة نظم متشابكه و متداخله مالهاش مثيل ف دول تانيه، و مجموعه م الروح و الاراده و المؤسسات و الهويه و حاجات تانى كتير خلقت الشخصيه المصريه و بتميز المصريين و دولتهم و بتديهم طابع معين مميز عن كل شعوب الدنيا و دولهم.فى ادله عن ان الانسان سكن وادى النيل م العصر الحجرى ف شكل اعمال فنيه و منحوتات صخريه علا طول نهر النيل و الواحات ف الصحرا. ف الالفيه العاشره قبل الميلاد، ابتدت ف مصر ثقافه الصيادين و صيادين السمك و طحن الحبوب. التغيرات المناخيه و/او الافراط ف الرعى حوالى 8000 قبل الميلاد ابتدا يجفف الاراضى الرعويه و مصر، و اتشكلت الصحرا. حصلت هجرات لنهر النيل و استقر وضع الاقتصاد الزراعى و المجتمع المركزى.الحضاره المصريه عمومى ابتدت كمجتمع م الفلاحين المصريين اللى مهنة الزراعه الراقيه خلتهم يرتبطو ب الارض و خلقت روح التعاون بينهم و خلتهم يطورو نظم رى و خلتهم يخترعو الحساب و الرياضيات و يخترعو تقويم و يهتمو بعلوم الفلك، و خلتهم يهتمو ب التسجيل و التوثيق و ده خلاهم يخترعو الكتابه و الكتابه خلتهم يخترعو الادب و يطورو اشكال جديده م الاعمال الادبيه، و طلع منهم اول دكتور ف التاريخ و طلع منهم المهندسين اللى طورو فنون المعمار اللى نسختها كل الحضارات اللى جت بعدهم، و سابو لمصر اعظم اثار ف العالم زى الاهرامات و المعابد و المسلات، و الفنانين اللى كتبو و رسمو ع الحيطان بتاع المعابد و اللى عملو تماثيل منحوته بمهاره مفيش زيها؛ و حاجات تانى كتير. عشان مجتمع الفلاحين المصريين ده ارتبط ب الارض ده خلاهم يكونو اول شعب حقيقى ف التاريخ و اول حكومه مركزيه و خلاهم يعملو ثقافتهم و هويتهم الخاصه بيهم و طلع منهم الفراعنه ملوك مصر القديمه العظما، يعنى باختصار عملو واحده من اقدم و اعظم الحضارات بتاع التاريخ.تاريخ مصر المكتوب بيرجع لسنة 3200 قبل الميلاد بس كمان فى ادله كتير بتاكد وجود حضاره و مدنيه ف وادى النيل قبل التاريخ المكتوب و اللى اتطورت ف شمال و جنوب مصر بشكل مستقل (بس مش منفصل تماما) لحد ما الملكمينا\نارمر وحد الشمال و الجنوب و اسس دوله مركزيه ملوك مصر حكموها لمدة تلات-ت-الاف سنه تقريباً. المصريين سمو الدوله الجديده ب اسم "تا-وى" و معناهاالارضين و الحضاره المصريه ازدهرت و فضلت شايله خصايصها المصريه البحته ف الفنون و المعمار و الثقافه بشكل سنة طول المده الطويله دى.بعد لمااحموس طردالهكسوس من مصر و طاردهم لغاية حدود منطقة سوريا الشماليه مصر دخلت ف طور حربى كبير و ابتدا ملوكها يوجهو نظرهم لالبلادالاسيويه ففتحو مناطقفلسطين وسوريا و وصلو لغاية نهر الفرات و اتوسعو ف الجنوب لغاية ما وصلو للشلال الرابع فالسودان الحالى و كانو اعظمهم ف الفتوحاتتحوتمس التالت اللى اسس امبراطوريه مصريه شاسعه. م الوقت ده دى بقت حدود مصر لما يحكمها حاكم قوى، كان بيوصل بفتوحاته شمال لمنطقة سوريا و شرقلميسوبوتاميا و جنوب لاواسط السودان الحالى و ساعات كان بيتجه غرب و بيضم منطقةليبيا و فالبحر المتوسط كان بيضم لمصر جزر زىقبرص وكريت و ده كلو ب لاعتماد علا قدرات مصر الاقتصاديه و قوة جيشها. م الحكام اللى ضمو الشام و الحجاز و النوبه لمصر كاناحمد بن طولون اللى قضا ع الحكم العربى و من بعدوالاخشيد، والدوله الفاطميه ضمت الشام و الحجاز و النوبه و اليمن لمصر، و فالعصر الايوبى فى جزر ف البحر المتوسط اتضمت لمصر، و ف عصرالدوله المملوكيه سلاطين مصر ضمو الشام و منطقة فلسطين و الحجاز و غيرها لمصر. اخر مره مصر اتوسعت فيها ب الفتوحات كان ف عهدمحمد على اللى ف ايامو مصر كات ليها جيش مصرى قوى قدر بيه انه يسيطر علا كل الدول الافريقيه المطله علا نهرالنيل و منها السودان الحالى و الحبشه (اثيوبيا الحاليه) واوجندا والصومال و ف الشرق و الشمال منطقة فلسطين و الشام و الحجاز و جزر ف البحر المتوسط و هدد عاصمة الاتراكالعثمانليه فتركيا يعنى ف قلب بيتهم.من ناحيه تانيه، مصر هيا اكتر بلد ف العالم اتعاقب علا حكمها اكبر عدد م الملوك و السلاطين، و بالنسبه لطول تاريخها بتعتبر من اكتر بلاد العالم اللى اتمتعت ب استقلال. فى خمس فترات احتلال اتخللو استقلال مصر و كات فيهم مش مستقله (فارسى،رومانى،عربى،عثمانى،انجليزى). ف عصور لاستقلال مصر كانت بتتقدم و تسود و ف عصور لاحتلال كانت بتتخلف، فالعصر البطلمى مصر سادت منطقة البحر المتوسط و حصلت فيها نهضه ثقافيه كبيرهمكتبة اسكندريه لعبت فيها دور كبير. بعد احتلال الرومان لمصر سنة 30 قبل الميلاد مصر فقدت استقلالها و اتحولتلولايه رومانيه، الرومان استنزفوها و نهبوها و فرضو ع المصريين ضرايب الراس، و ف سنة 641 غزاالعرب مصر و احتلوها و بقت ولايه تابعه لالخليفه العربى ولاته بيحكموها و كانو بيجمعولو الضرايب و المكوس، و استنزفوها و نهبوها بردو، و استمر الوضع علا كده لغاية لمااحمد بن طولون استقل بحكمها سنة 868 و اسسالدوله الطولونيه و خرجت م الحكم العربى و حصلت فيها نهضه كبيره، و رجعت ليها سيادتها و استقلالها ب الكامل فالعصر الفاطمى والعصر المملوكى اللى المماليك قدرو فيه انهم يكسرو شوكة شوية العرب اللى كانو لسه موجودين ف مصر و يقضو علا طموحاتهم و تمرداتهم و غالبيتهم اضطرو انهم يخرجو من مصر و حصلت فيها نهضه كبيره، و مصر بقت قوه اقتصاديه و عسكريه بيتعمل ليها الف حساب, لكن ف سنة 1517 استولىالاتراكالعثمانيين عليها و بقتولايه عثمانليه و انحدرت فيها الثقافه بعد ما نهب العثمانليه تراثها و نقلوه علااستانبول. ف عهدمحمد على باشا حصلت نهضه جديده لكن انتكستبالاحتلال البريطانى لغاية ما قامتثورة 23 يوليه سنة 1952 و رجعت مصر للمصريين.رغم طول تاريخ مصر و التحولات و التغييرات اللى حصلت علا امتداده، التاريخ ده اتميز بالاستمراريه و الدوام و مصر فضلت قوه ثقافيه و عسكريه كبرى ف منطقةالشرق الوسطانى؛ ورغم التغييرات، لسه بردو ملامح الشخصيه المصريه هيا هيا نفس ملامحها من الاف السنين.
النشيد الوطنى
بلادى بلادى بلادى هوا اسمالنشيد الوطنى بتاع مصر من تاليفيونس القاضى و تلحينسيد درويش و بيتقال ان بعض ابيات النشيد متاخده من خطاب مشهور للزعيممصطفى كامل. اول نشيد وطنى لمصر اتعمل سنة 1869 و كان "مارش الانتصار" مناوبرا عايده من تلحينجوزيبيه فيردى و استمر السلام الملكى دا لحد ماجمال عبد الناصر بعدثورة 23 يوليه بدله باناشيد تانيه ماعاشتش كتير زىنشيد الحريه و نشيدوالله زمان يا سلاحى. الريسمحمد انور السادات هوا اللى اختار بلادى بلادى سنة 1979 و خلاه النشيد الوطنى بتاع مصر، و هوا كمان اللى رجع اسم مصر لاسم الدوله الحالى بعد ما كان اسمهاالجمهوريه العربيه المتحده، و ده اسم مكملش تلات سنين، و غيّرو لجمهورية مصر العربيه؛ بس فى مصريين كتير بيطالبو ب الرجوع لاسم مصر بس من غير اى اضافات
كلمات نشيد بلادى بلادى بلادى
«
بلادى بلادى بلادى — لكِ حبى و فؤادى
بلادى بلادى بلادى — لك حبى و فؤادىمصر يا ام البلاد — انت غايتى و المرادو علا كل العباد — كم لنيلك من ايادىبلادى بلادى بلادى — لك حبى و فؤادىبلادى بلادى بلادى — لك حبى و فؤادىمصر انتى اغلا دره — فوق جبين الدهر غرهيا بلادى عيشى حره — و اسلمى رغم الاعادىبلادى بلادى بلادى — لك حبى و فؤادىبلادى بلادى بلادى — لك حبى و فؤادىمصر يا ارض النعيم — سدت بالمجد القديممقصدى دفع الغريم — و علا الله اعتمادىبلادى بلادى بلادى — لك حبى و فؤادىبلادى بلادى بلادى — لك حبى و فؤادىمصر اولادك كرام — اوفياء يرعو الزمامسوف تاخد بالمرام — باتحادهم و اتحادىبلادى بلادى بلادى — لك حبى و فؤادىبلادى بلادى بلادى — لك حبى و فؤادى
»
الحكومه
مصر دولة شبه رئاسيه، اخر انتخابات كانت ف 2014 والى كسب فيهاعبد الفتاح السيسى ب%96 م الاصوات ضدحمدين صباحى ب%4. يوم 3 يوليه 2013، اعلن المشير (وقتها) عبد الفتاح السيسى ان تم عزلمحمد مرسى من منصبو و تعليق الدستور و تم تشكيل لجنه متكونه من 50 عضو عشان تعديل الدستور المصرى و تم عرضو ف استفتا، و بقا هوا الدستور بتاع الدوله يوم 18 يناير 2014.
القانون
النظام القانونى ف مصر مبنى علا اساس القانون المدنى والشريعه الاسلاميه. ف 2012الاخوان المسلمين ف دستورهم الجديد حطو قوانين جديده بتميل اكتر لناحية الشريعه الاسلاميه، اما بالنسبه لقانون 2014 الحكومه المؤقته نجحت ف انها تعمل قانون علمانى متحضر اكتر. الدستور الجديد بيقول ان من 2018 ريس الدوله مدة رئاستو 6 سنين و يقدر يفضل مدتين.
مساحة مصر 1,021,580 كيلو متر مربع (بمثلث حلايب و شلاتين المصريين) يعنى اد مساحةفرنسا مرتين و ادبريطانيا اربع مرات، بس عشان اغلب المساحه دى صحرا ف السكان بيتركز معظمهم ف وادى النيل (99% م المصريين عايشين علا 5.5 من مساحة بلدهم). من اكبر المدن المصريهالقاهره واسكندريه والجيزه والمحله الكبرى والزقازيق واسيوط والمنيا. مصر جوها جاف معظم السنه، ماعدا ف شهور الشتا اكتوبر-مارس و بتنزل المطره اكتر حاجه ع المدن اللى بتطل ع البحر المتوسط و بتقل شويه شويه كل ما اتجهنا ناحية الجنوب. متوسط درجة الحراره ف الصيف بين 27 و 31 درجه مئويه، و بتبرد ف الشتا و بيوصل المتوسط 13 و 21 درجه مئويه.
مصر هيه تانى اكبر دوله ف افريقيا ف عدد السكان بعد نيجيريا, و اكبر دوله ف منطقة الشرق الاوسط. و حسب تقدير سنة 2007 وصل عدد سكان مصر لحوالى 78,733,641 شخص (فى تقديرات تانيه بتقول انهم وصلو 81,713,517 ف يوليه 2008) و حسب تقدير 29 سبتمبر 2012 وصل عدد سكان مصر 82,620,000 شخص و ف نهاية 2015 وصل عدد سكان مصر اكتر من 90,000,000.[15] و دلوقت عددهم اكتر من 100 مليون (ف سنة 2021).اغلب سكان مصر متركزين ف وادى النيل و خصوصى فالقاهره الكبرى (ربع السكان). الزياده السكانيه ف مصر بين 1.3 % و 1.6% ف السنه.المصريين بيشكلو نسبة 98% من عدد سكان مصر. و باقى الاقليات العرقيه ف مصر ى اما بدو فسينا و نوبيين و سيويين و بيجاويين و امازيغيين (1%) ى اما جريك (يونانيين) و ارمن و طليان و فرنساويين (1%).[15]المصريين اكترهم م المسلمين السنه 80-90% و الباقى مسيحيين اغلبهم بيتبعو المسيحيه القبطيه الاورتودوكسيه[16] و حوالى 200 م اليهود. بسبب عدم اعتراف الدوله الرسميه ف مصر ب اى ديانات او مذاهب تانيه، فى نسب مش معروفه م المصريين اللى بينتمو للدين البهائى و المذهب الشيعى الاثناعشرى، و زى اى بلد (الفاتيكان مثلا)، فى مصريينملحدين و مصريينلا-دينيين كتير.
المسيحيه: الريپورتات بتختلف كتير عن بعض، كمثال فى مصادر بتقول ان مؤمن بيها 10%[23][24][25][26] من سكان مصر؛ اغلبهم اورتودوكس، كمان فى منهم كاتوليك و پروتستانت. فى مصادر تانيه بتقول من 15% ل20%.[22][27][28]
يهوديه: معظم اليهود المصريين هاجرو علافرنسا وامريكا ف ال50ات و ال60ات, بس فى منهم فضّلو الق رجع ف مصر بدل ما يهاجرو, و هما حوالى 300 يهودى فالفيوم والقاهره.
البهائيه: الريپورتات الرسميه بتقول ان فى 2000 بهائى مصرى؛ و دى ديانه م الديانات الموجوده ف مصر لكن الازهر و مجمع البحوث الاسلاميه مش عايز يعترف بيها لانها دين جه بعد الاسلام و الاسلام مش بيعترف ب اى دين بعدو. بس حكومة مصر اعترفت ب الديانه البهائيه بعد صدور حكم محكمة القضاء الادارى يوم الخميس 6-4-2006 ب ان طايفة البهائيه ليها حق الاعتراف بيها رسمى. و كمان سمحت الدوله بكتابه (—) ف خانه الديانه ف البطاقه الشخصيه.
الالحاد و اللادينيه
الالحاد واللادينيه: زى اى مجتمع ف العالم، مش كل الناس اللى فيه بيبقو مؤمنين بالاديان اللى منتشره ف مجتمعها. المصريين الملحدين و المصريين اللادينيين عمومى ليهم تواجد ملحوظ اوى ع الانترنت، بس لاسباب اجتماعيه صعب اوى احصائهم او معرفة عددهم علا ارض الواقع، و ف الاحصاءات بيبقو محطوطين ى من ضمن المسلمين ى من ضمن المسيحيين، علا حسب، بس التقارير بتشير ان عدد المصريين الملحدين و المصريين اللادينيين زاد و بيزيد بشكل ملحوظ اوى الكام سنه اللى فاتو، و عددالبلوجات و السايتات الالحاديه بيتضاعف. م المصريين الملحدين اللى ليهم تواجد كبير ع اليوتيوب هوا "مصرى ملحد" اللى ڤيديوهاتو ليها تاثير ملحوظ. وكريم عامر من اشهر المصريين اللادينيين اللى اتسجنو فى مصر بسبب عدم ايمانهم ب الاسلام و بسبب انو انتقد الاسلام و الاسلاميين و تحريضهم ع الارهاب، و دا كان ف 2006. بس ف الفتره الاخيره الريسعبدالفتاح السيسى اكد ف كلمه من بتوعو ان كل المصريين ليهم حرية الايمان او عدم-الايمان؛ الحرب علا حرية التفكير بتبقا جايه م المؤسسات الدينيه زى الازهر، و رغم كلمة الريس عبدالفتاح السيسى، الدوله بتدعم الازهر و المؤسسات الدينيه بشكل ولّا التانى.
المصريين كانو بيتكلمواللغه المصرى القديمه، و اللى كانو بيسموها "ر ن كمت r n km.t" ف اللغه المصرى القديمه، و ف المرحلهالقبطى اسمها بقا "تمِنترِمِنكيمه ⲧⲙⲛ̄ⲧⲣⲙ̄ⲛ̄ⲕⲏⲙⲉ" ف القبطى الصعيدى، و "تيمِترِمِنكيمه ϯⲙⲉⲧⲣⲉⲙⲛ̀ⲭⲏⲙⲓ" ف القبطى البحيرى.مع ان لغة الدوله الرسميه ف مصر دلوقت هياالعربى، بس مفيش حد ف مصراتولد بيتكلمها من- مش ما يتعلمها، و لحد اللى بيتعلموها مبيتكلموهاش و يادوب بيستخدموها ف القرايه. استعمال العربى محدود بس ف التعاملات الاداريه و الصحافه المكتوبه. المصريين بيتكلمومصرى (68%)،صعيدى (29%)،بدوى (1.6%)،سودانى (0.6%)،نوبى (0.3%)،دومارى (0.3%)،بيچا (0.1%)،سيوى. طول تاريخهم المصريين بيتكلمو لغات م العيلهالافرو-اسيويه زىاللغه المصريه القديمه (اللى اتكتبت بالرموز الهيروجليفى و الهيراتيكى و بعدين اتطورت و بقت الديموتيكى و بعدينقبطى)، و دلوقتاللغه المصرى الحديثه هيا لغه قوميه لالمصريين، و لما بتتكتب ف الغالب بيكون بالحروف العربى، بس فى كتير بيكتبوها ب الحروف اللاتينى. ف القرن العشرين، بعد استقلال مصر منبريطانيا سنة 1922، كان فى ناس بتطلب لاعتراف ب اللغه المصرى، زىقاسم امين،احمد لطفى السيد، وسلامه موسى. بعدين ظهر ف ال40-ات ناس زىاحمد لطفى السيد نادو بكتابة اللغه المصرى الحديثه بالحروف اللاتينى، و لسه فى ناس النهارده بتنادى ب لاعتراف باللغه المصرى ك لغه رسميه عشان ده حق كل المصريين ف بلدهم.بيومى قنديل كان واحد من اشرس اللى دافعو عن اللغه المصرى الحديثه ب ادله علميه و لغويه، و هوا اول واحد يسميها اللغه المصرى الحديثه (اللمح، زى هوا ما سماها). بيومى قنديل صنف اللغه المصرى الحديثه علا انها المرحله الرابعه من تطور اللغه المصرى القديمه، يعنى بنت القبطى و حفيدة الديموتيكى، و عمل التصنيف دا علا اساسات لغويه، و طالب المصريين انهم يكتبو زى ما بيتكلمو.[11][12]
الاقتصاد
اقتصاد مصر بيعتبر م لاقتصادات القليله المتنوعه ف الشرق الاوسط، و اللى مش معتمده ع البترول بس زى دول الخليج والعراق. حيس انه بيعتمد ع الخدمات بنسبة 51% و الزراعه بنسبة 32% و الصناعه بنسبة 17% والسياحه و دخل قناة السويس و البترول.
البورصة
كان فيه محاولة اولى لانشاء بورصة فى اسكندرية سنة 1861 و كانت معمولة للقطن وبعدين اول محاولة لانشاء بورصة للفلوس كانت سنة 1890 و كان فيه بعديها محاولة تانى سنة 1898 لكن الشركة فلست بعديها ب 3 شهور. بدات نشاة بورصة مصر الفعلية سنة 1903 وساعتها اتكونت الشركة من شوية ناس اغنياء و كام سمسار.[29]
الجيش
الجيش المصرى (القوات المسلحه المصريه) هوا اقدم جيش فى العالم[30] و دلوقتى هو اكبر جيش ف افريقيا و التانى فالشرق الوسطانى، و هوا متكون من 468,000 عسكرى نظامى و بيوصل لمليون فرد لو ضفنا قوات الاحتياط و فى اكتر من 41 مليون واحد يقدر يشيل سلاح، الجيش بيتكون منالقوات الجويه،القوات البحريه،القوات البريه، والدفاع الجوى. مصر عندها قمر صناعى لالتجسس و اسم القمر الصناعىاجيبت سات-2 و اطلقته مصر ف ابريل 2014 و كان فى قبلواجيبت سات-1 و كان قمر عشان التجسس برضو، بس خدمتو خلصت و اسلحة الجيش صناعه وطنيه مع اسلحه منامريكا والصين وروسيا وفرنسا وايطاليا وانجلترا.القائد العام للقوات المسلحه هوا الفريق اولصدقى صبحى و القائد الاعلى هوا الريسعبد الفتاح السيسى ب حكمالدستور المصرى.
تاسيس الجيش المصرى
اتاسس الجيش المصرى من اكتر من 5200 سنة بعد توحيدالملك نارمر (مينا) لمصر اللى هو كان سنة 3200 ق.م. ,قبل كده كان لكل اقليم مصرى جيش بيحميه لكن بعد حرب التوحيد بقى لمصر جيش موحد.
↑[1].The Washington Post. "Estimates of the size of Egypt's Christian population vary from the low government figures of 6 to 7 million to the 12 million reported by some Christian leaders. The actual numbers may be in the 9 to 9.5 million range, out of an Egyptian population of more than 60 million." Retrieved 10-10-2008
↑[sis.gov.eg/Story/131693/الجيش-المصري-امجاد-وبطولات?lang=ar "الجيش المصرى امجاد وبطولات"].الهيئة العامة للاستعلامات. 28 نوفمبر 2016.{{استشهاد ويب}}:تحقق من قيمة|url= (مساعدة)
_(North_Africa_centered).svg)
.svg)
%2c_Flag_of_Syria_(1980%25E2%2580%25932024).svg)
