كلوڤيس الاول Clovis I (اتولد 466 و مات 511) كان اول ملكللفرانكس , بعد ما وحد قبايل الفرانكس التانيه تحت سلطته , و اول ملككاثوليكى يحكمفرنسا. بقى ملك قبيلةالسليان الفرانكس, و هوه عنده خمستاشر سنه بعد ما ابوهشيلديريك الاول ما مات فى 481. فى سنه 486 قدر يهزم الرومان و يقلل نفوذهم عليه و ابتدى نفوذه يزيد على منطقة الغال اللى قدر يحكم اجزاء كبيره منها. بيعتبر المؤسس الحقيقى لسلالةالميروڤينجيين اللى حكمت فرنسا من نصالقرن الخامس لنصالقرن التامن و بيعتبر من اوئل ملوكفرانكيا.
لماالامبراطوريه الرومانيه ابتدت تضعف ابتدت تسمح لقبائل الجرمانية انها تخش اراضيهم و استخدموهم كمرتزقة فى مقابل انهم يخدوا فلوس و اراضى . و فى سنه 358 سمحالامبراطور چوليانللفرانكس السليان انهم استقروا فى منطقة اسمهاتاكسوندريا ( جزء منبلجيكا ,نيديرلاند دلوقتى) بشرط انهم يبقوا مجنديين فى الجيش و يحاربوا مع الجيش لما يحتاجهم.
فى سنه 486 قدر كلوڤيس يعمل حلف مع ملوك قبايل فرانكيين تانيين و هاجم مدينةسواسون اللى كانت مقر حكم الرومان لمنطقةالغال و قدر يهزم الجيش الرومانى اللى كان بقيادةسياجريس ,اللى كان اخر حكام الرومان لمنطقة الغال, فىمعركة سواسون. و قدر انه يسيطر على المناطق شمال نهر لوار و يضمها ليه. بعد الانتصار ده عمل تحالف معثيودوريك العظيم اللى كان ملك قبيلةاوستروجوث و اتجوز اخته أودوفليدا. من اهم التحالفات اللى عملها كلوڤيس كان تحالفه معسيجابرت ,اللى كان من اقوى الملوك الفرانكيين التانيين , الاتنين مع بعض كونوا شبه مملكة فرانكيه موحدة و قدروا يسيطروا على الجزء الشرقى و الغربى من نهر الراين و يزودوا نفوذهم.كلوڤيس ابتدى يعمل تحالفات مع قبايل تانيه حوالين مملكته و اتجوز مراته التانيهكلوتيدا اللى كانت بنت ملك قبيلة البرجنديز و اللى كانتمسيحية.
كلوڤيس لما اتجوز كلوتيدا كان وثنى و حسب رواية المؤرخ Gregory of Tours ( جيورجى اوف تورز) ان كلوتيدا كانت بتحاول تخالى جوزها يعتنق المسيحية و اللى كان عايز اثبات على قوة اله مراته اقوى من آلهته عن طريق معجزة, فى 496 هاجم ألامانيين , اللى كانو قبيلة جرمانيه, على مملكة الفرانكس و قابلهم الجيش الفرانكى اللى بقيادة كلوڤيس و حليفهسيجابرت فىمعركة تولبيك (Battle of Tolbiac)و كانت المعركة فى صالح قبايل ألامانيين و اتصابسيجابرت فى المعركة و فى لحظة يأس اقسم باله مراته انه لو انتصر حيعتنق المسيحية على طول و ده اللى حصل فعلا و قدر يهزم ألامانيين و ينقذ حليفهسيجابرت . فى كريسماس سنه 496 اتعمد فى كتدرائيه ريميز و بقى على المذهب الكاثوليكى بعكس ملوك قبايل تانيه زىالڤيسيجوث , و اللى كانو بيحكموا معظم منطقةالغال , اللى كانو مسيحيين بس على مذهب الآريوسية. اعتناق كلوڤيس للمسيحية خلى عدد كبير من الفرانكس يتحول للمسيحية و اتحسنت علاقتهبالامراطوريه الرومانيه اللى كانت على نفس المذهب و اتحول لحليف مهم ليهم.
نفوذ و سيطرة كلوڤيس ابتدت تزيد و ده اللى خوف ملكالڤيسيجوثالاريك التانى منه و حب يتقى شره فعمل معاه معاهدة سلام فى سنه 502 بس المعاهدة اتلغت و حصلتمعركة ڤويليه (Bataille de Vouillé) فى 506 و اللى خلصت بموت الاريك التانى و سيطرة الفرانكس على منطقة الغال كلها.بعد انتصاره على الڤيسيجوثالامبراطور البيزنطىاناستاسيوس الاول اداله لقب قنصل الامبراطوريه و بقى حليف ليهم و ده اداله شرعية اكبر فى حكمه بعد ما الامبراطوريه الرومانيه الغربيه كانت بتحكم منطقة الغال.فى 507 نفوذ كلوڤيس زاد جامد و شاف ان اكبر خصم ليه عشان يبقى الحاكم الوحيد لمنطقة الغال هوه حليفه القديم سيجابرت, كلوڤيس اللى كان معروف بالدهاء قدر انه يتخلص من حليفهسيجابرت اللى شافه بينافسه فى قوته و نفوذه و ابنهكلودريك اللى حيبقى ولى عهده بضربة واحده.كلوڤيس مكنش عايز تتلوث ايده بدم حليفه القديم عشان حيئثر على سمعته و كمان عشان محتاج ولاء الجيش بتاعسيجابرت و و ولاء اهل مملكته , فقرر يستغل جشع و استعجال ابن سيجابرت " كلودريك " فى الحكم بدل من ابوه و شجعه على انه يغتال ابوه و وعده بدعمه عشان يبقى ملك بدل ابوه و فعلا كلودريك وقع فى الفخ اللى كلوڤيس عملهوله و قتل ابوه و بعد ما قتل ابوه كلوڤيس قتله و اعلن استنكاره على خيانة كلودريك لوالده و انه انتقم لحليفه بقتل كلودريك و ضم جيش و مملكة سيجابرت ليه. بعد كده كلوڤيس خلص على باقى ملوك القبايل الفرانكس اللى كانو بيشكلوا منافسه و خطورة عليه و كوندولة موحدة للفرانكس بدل ما كانت ممالك متفرقة لملوك قبايل فرانكيه و فى 508 خلى عاصمة مملكتهباريس.
_-_Clovis_roi_des_Francs_(465-511).jpg)
