| شم النسيم | |
|---|---|
 | |
| البلد |   |
| يحتفل به | المصريين |
| نوعه | ثقافي |
| تاريخه | اليوم اللى بعد كدهلعيد الفصح المسيحى الشرقى |
| الاحتفالات | زيارة الأماكن العامة الذهاب فىنزهه |
| متعلق بـ | عيد الفصح |
شم النسيم او عيد شم النسيم عيدمصرى قديم من حوالى 2700 قبل الميلاد، يعنى عيد عمره اكتر من 4700 سنه. اسم شم النسيم جاى من كلمة شمو وهيا كلمههيروجليفى.
عيد شم النسيم عندالمصريين القدام بيعلن بداية الحياه لان المصريين القدام شافو انالربيع بداية الحياه (لان الزهور بتتفتح فى الربيع و كمان الزرع بيخرج من الارض).[1]
المصريين القدام كانو بيحتفلوا بشم النسيم بنفس الطريقه اللى لسه موجوده لغاية النهارده[2]، فكانو بياكلو البيض الملون والفسيخ و السردين والبصل والخس، وكل حاجه منهم بترمز لرمز. زى البيض اللى هوا رمز خروج الحياه، لان الكتكوت بيخرج من جماد. و الفسيخ او السمك المملح عموما كان تعبير من المصرى القديم عن حبه للنيل (لان السمك بييجى منالنيل). و البصل اللى كان رمز للحياه عند المصريين القدام، وكانو بيعلقوه على الجدران بتاعة بيوتهم (زى ما بيحصل لغاية دلوقتى ).والخس اللى كان اسمه (عيب) بالهيروجليفى كان بيعتبر من النباتات المقدسه، و كان معروف منالاسره الرابعه.
الاحتفال بشم النسيم عند المصرى القديم كان مهرجان شعبى بيبتدى مع طلوع شمس اليوم ، و كان بيقضيه المصريين فى الفسح فى الجناين و على شط النيل و الاماكن اللى فيها زرع. وبيكون شم النسيم يوم الاتنين اللى بعدعيد الفصح و اللى بيكون يوم حد.
شم النسيم، اقدم عيد شعبى فى الدنيا، بيفتخر بيه المصريين باعتباره عيد خاص بيهم و بمصر بغض النظر عن عقائدهم الدينيه. اتنقلت مظاهر كتيره من احتفال المصريين بعيد شم النسيم لمناطق تانيه فى العالم و لحداوروبا.
شم النسيم مالهوش علاقه بعيد النيروز المصرى اللى هو عيد السنه القبطيه فى اولشهر توت و اللى كان بيتعمل فيه كرنفال فى القاهره.
| بالتقويم الهجرى | رأس السنه الهجريه(1 محرم) · المولد النبوى الشريف(12 ربيع أول) · عيد الفطر(1 شوال) · يوم عرفة(9 ذي الحجة) · عيد الاضحى(10 ذي الحجة) |
|---|---|
| بالتقويم الميلادى | عيد الميلاد للشرقيين(7 يناير) · عيد الشرطه/ثورة 25 يناير(25 يناير) · ذكرى تحرير سيناء(25 أبريل) · عيد العمال(1 مايو) · ثورة 23 يوليو(23 يوليو) ·  ذكرى العبور/عيد القوات المسلحه(6 أكتوبر) |
| بالتقويم القبطى | شم النسيم(1 برمودة) |
