الهومو فلوريسينسيس (باللاتينى:Homo floresiensis يعنى انسان فلوريس) هو نوع جديد من جنس البشر (Homo) اللى انقرضو و اكتشفوه فىاندونيسيا سنة 2003 فى جزيره اسمهافلوريس (و منها خد النوع الجديد دا الاسم بتاعه: فلوريسينسيس).بيعتقد العلما انه عاش لحد قريب بشدة و مانقرضش الا من 18,000 سنه بس لحق البشر المعاصرينالهومو سابينس.فى هيكل عظمى شبه كامل يخص انثى بالغه و اجزاء من هياكل عظمية تخص افراد اخرى اكتشفهم فريق متكون من علماانثروبولوجيين مناوستراليا و اندونيسيا فى كهف اسمهليانج بوا فى اندونيسيا.
الكهف اللى لقو فيه بقايا انسان الفلوريس
الدراسات اللى اتعملت على العضم و الجماجم اللى اتلقت ادت للعلما معلومات كثيرة عن انسان الفلوريسينسيس منها مثلا انه كان طوله حوالى 100 سنتى و ان دراعاته كانت طويله و جمجمته بتساع 380 سنتى مكعب (خصايص قريبه من خصايصالشامبانزى بتاع دلوقتى.) ، بس فى خصايص تانيه بتقربه اكتر لجنس البشر زى مثلا عضمه الدقيق و الوش المبطط و عدد السنان الصغير.العلما اللى اكتشفو الهياكل العضميه صنفوه على انه نوع لوحده ضمن انواع الجنس البشرى و بيفترضو انه نظريا منحدر منالهومو ايريكتوس اللى كان اكبر منه فى الحجم و اقدم منه بكتير على وش الارض و ممكن كمان يكون الجد الاكبر بتاعالانسان العاقل بتاع دلوقتى.الحجم الصغير بتاع الهومو فلوريسينسيس بيفسره العلما بانه نتيجه لظاهره اسمها التقزم (Dwarfing) و اللى بتقول ان بعض الكائنات لما بتتحبس فى مكان محدود زى جزيره منعزله مثلا بيحصلها تقزم على مدى السنين و بتصغر فى الحجم.
