مالاوي، رسميا لجمهورية د مالاوي (ب شيشيوا: Dziko la Malaŵi -بلينݣليزية: Republic of Malawi) هي بلاد ماكاطلش على لبحر جات ف لجنوب الشرقي د إفريقيا. تاتحدّهازامبيا من الشمال،طنزانيا من الشمال الشرقي، وموزامبيق من الشرق و لجنوب و لغرب. السمية ديال لبلاد جاية من "ماراڤي"، اللي هي السمية د واحد الشعب قديم كان كيسكن ف لمنطقة. لبلاد كاتسمّا تا "لقلب الدافي ديال إفريقيا"، حيت الناس ديالها معروفين بالضرافة ديالهم.[1]
ف لقرن لعاشر، سكنو الشعوب د لبانتو ف لبلاصة اللي فيها مالاوي دابا. ف 1891، ستعمراتهم بريطانيا و سمّات هاديك لأرض "نياسالاند". ف 1953، دخلات هي و روديزيا (زامبيا و زيمبابوي) ف مستعمرة وحدا، اللي تفككات ف 1963. ف 1964 ستاقلات مالاوي رسميا. ف اللول كانت تابعة للملكة إيليزابيط، و لكن مورا عاماين ولاّت جمهورية. من 1970 ل 1994، كانت بلاد فيها حزب واحد، ولكن من بعد ولاو فيها بزاف د لأحزاب و نتيخابات ديموقراطية. مالاوي من أكتر لبلدان لفقيرة ف لعالم، و من لبلدان اللي فيها النسبة د السيدا طالعة.
تيسكنو ف مالاوي تقريبا 19.1 مليون د الناس، لعاصمة ديالها هيليلونݣوي، و أكبر مدينة فيها هيبلونطاير. اللغات الرسمية د لبلاد هوما شيشيوا و لينݣليزية، و لفلوس اللي كاتخدّم هي كواشا. مالاوي داخلة مع بزاف د لمنضمات الدولية بحاللأمم لمتحدة ولكومنويلت ولإتحاد لإفريقي و مجموعة التنمية د جنوب إفريقيا، و لمارشي لمجموع د شرق و جنوب إفريقيا.
