كراكوڤ (بلپولونيةKraków) تاني أكبر مدينة، ؤ وحدة من أقدم لمدون فپولونيا ؤ لعاصيمة لقديمة ديالها تال 1596. لمدينة جات علىواد ڤيستولا، ؤ تأسسات فلقرن 7 لميلادي. كراكوڤ كانت مركز إشعاع تقافي ؤ فني كبير ف پولونيا، ؤ كاتّعتابر من أجمل لمدون فؤروپا.لمدينة لقديمة د كراكوڤ كانت أول موضع دخل ل لّيستة د ليونيسكو د تّرات لعالمي. دابا ساكنين فيها علاين 780,000 واحد.
سّكنة ف كراكوڤ بدات منلفترة د لحجر، ؤ ف جوايه عام 985 ميلادية دكرها واحد لبيّاعأندلسي سميتو إبراهيم بن يعقوب، ل لمرة لّولة ف تّاريخ، كا مركز تيجاري موهيم.[1] ف لبدية دلقرن 20، فاش بانت لجمهورية لپولونية تّانية، تّبناو فيها جامعات ؤ مراكز تقافية، شّي لي زاد كرّس لمكانة تّقافية ديالها. فلحرب لعالمية جّاوجة كان فيها لملّاح د ليهود لي منّو كانو كيتسيفطو نّاس ل لموعتقلات د لإبادة بحالأوشڤيتس وپلاشوڤ. لمدينة وخا داكشي ماتعرّضاتش ل تدمير كبير.
.jpg)
