رسمة ديال عبيد من مدكرات ديال ديڤيد ليڤينستون على لعبودية ف إفريقيا
العبودية هي حالة جتماعية و قتصادية فيها الناس كيكونو تحت سيطرة تامة لشخص خور، سيرتو من ناحية لقدرة د لخدمة. هاد الناس اللي كيتسماوعبيد ما عندهمش حرية ولا حقوق، وكيتعتبرو ممتلكات ديال الآخرين. الشخص اللي كيتعرض للعبودية ما كيقدرش يقرر مصير ديالو، ولا يختار شنو يبغي، و كيتعرض للستيغلال و لقهر.[1]
العبودية كانت منتاشرة بزاف في التاريخ، و ف مجموعة ديال الحضارات والثقافات. مثلاً، في العصور لقديمة، كانو العبيد كيعطيوهم مهام شاقة بحال الخدمة في لفلاحة،البني، و حتى كـ عساكريا. حتى ف لفترة لعصرية، العبودية القانونية راه محظورة في أغلب دول العالم، ولكن مازال كاينين أشكال جديدة ديال الإستغلال بحال لخدمة د بسّيف، لبيع و الشرا فبنادم، و لإستغلال الأطفال، و هادشي كيخلي الناس يعيشو تحت ظروف قاسية بلا حقوق.
