صربيا، رسميا لجمهورية د صربيا (بالصربية: Srbija ولاّ Србија) هي بلاد ماكاطلش على لبحر جات ما بين لوسط و الشرق دأوروپا، ف لمنطقة ديال لبلقان. تاتحدّهاهنݣاريا من الشمال،رومانيا من الشمال الشرقي،بلغاريا من لجنوب الشرقي،مقدونيا الشمالية من لجنوب،كرواتيا ولبوصنا ؤلهرسك من لغرب، ومونطينيݣرو من لجنوب لغربي. صربيا تاتقول باللي عندها حدود تا معألبانيا من جيهتكوسوڤو (اللي ما كاتعتارفش بيها صربيا).[1]
صربيا عندها تاريخ طويل وكانت بلاد معتارفة بيها من 1217، و وصلات تا باللي كانت إمبراطورية ف 1346. ف لقرن 16، حكماتالدولة لعتمانية لمنطقة، و بقات فيها تال لقرن 19، ملي بدات التورة الصربية اللي ولات فيها صربيا عاود بلاد مستاقلة. من مورا لخسارة دلحرب لعالمية اللولا، أسسات صربيايوݣوسلاڤيا مع بلدان سلاڤية آخرا جات ف لبلقان، و بقات فيها تال 2006، اللي كان هو لعام الرسمي اللي تفككات فيه يوݣوسلاڤيا، و خرجو منها بزاف د لبلدان، منهم لجمهورية د صربيا اللي كانعرفو دابا.
تيسكنو ف صربيا تقريبا 7 د لمليون د الناس، و لعاصمة ديالها هيبلݣراد. اللغة الرسمية د لبلاد هي الصربية، و تاتكتب بلحرف اللاتيني و السيريليك بجوج. من غير الصربية كان لغات بزاف معتارفة بيها الدولة باللي بغات د لأقليات، بحال لهنݣارية و لبوصنية و لألبانية و لغات آخرين. لفلوس اللي كاتخدّم ف لبلاد هي الدينار الصربي. صربيا داخلة مع بزاف د لمنضمات الدولية بحاللأمم لمتحدة ومنضمة التجارة لعالمية ولمجلس ديال أوروپا و كاتفاوض معلإتحاد لأوروپي اللي باغا تدخل ليه قبل من عام 2025.[2]
