سييرا ليون، رسميا لجمهورية د سييرا ليون (بلينݣليزية: Republic of Sierra Leone) هي بلاد جات ف لغرب ديالإفريقيا. تاتحدّهاليبيريا من لجنوب،غينيا من الشمال و من الشرق، ولمحيط لأطلسي من لغرب. تقريبا 71% د السكان ديالها مسلمين و 27% مسيحيين.[1] لعطل لمسلمة و لمسيحية بجوج عطل رسمية ف لبلاد.
على حساب لآتار ديال التاريخ، سكن بنادم ف لبلاصة اللي فيها سييرا ليون هادي علأقل 2500 عام. تخلطو فيها بزاف ديال التقافات مع لبيع و الشرا، و هاكاك دخلها لإسلام. ف لقرن 15 بداو تيوصلو ليها لأوروپيين، و ولاّو تيخدّموها ف لبيع و الشرا د لعبيد. ف 1808 ستعمرات بريطانيا لمنطقة، و بقات محتلاّها تال 27 أبريل 1961، اللي هو التاريخ الرسمي ديال لإستقلال ديال لجمهورية ديال سييرا ليون. من مورا لإستقلال وقعو بزاف ديال لمشاكل و لإنقلابات، و كانت فيها حرب أهلية من 1991 ل 2002.[2] من 2014 ل 2016 تأترات لبلاد بلمرض ديال إيبولا.
تيسكنو ف سييرا ليون تقريبا 8 د لمليون د الناس، و لعاصمة ديالها هيفريطاون. اللغة الرسمية د لبلاد هي لينݣليزية، و كاينة اللغة د لكريو (كيهضروها 97% د الناس) اللي معتارفة بيها الدولة ولكن ماعندها تا وضع رسمي. لفلوس اللي كاتخدّم ف لبلاد هي ليوني. سييرا ليون فيها بزاف د التروات طبيعية بزاف بحال لألماس و الدهب و لأليمينيوم. لبلاد داخلة ف بزاف د لمنضمات دولية بحاللأمم لمتحدة ولإتحاد لإفريقي و لكومنويلت و إيكوواس ولمنضمة د التعاون لإسلامي.
