دوشانبي (بالطادجيكية والروسية:Душанбе -بلفارسية:دوشنبه)، هي لعاصيما دطادجيكيستان و أكبر مدينة فيها. جات ف لغرب د لبلاد، ف وسط الجبال د هيسار و تيدوز منها لواد د ڤارزوب.
تيسكنو ف دوشانبي تقريبا 1.2 مليون د الناس. فيها محطة ديال الطران تاتلاقيها مع لجنوب د لبلاد، و مع طرانات تيمشيولؤزباكستان وتركمانستان وكازاخستان وروسيا. فيها تا مطار دولي، اللي هو أكبر مطار ف لبلاد.
السمية د دوشانبي تاتعني نهار التنين ب لفارسية، حيت لمدينا كان فيها سوق تيكون كل تنين، و تيجيو ليه الناس د لمدينا و الدواور لقراب ليها. لكلمة د دوشانبي ب لفارسية فيها جوج كلمات: "دو" هي رقم جوج، و "شانبي" هو السبت، زعما يوماين مورا السبت، اللي هو نهار التنين.
من 1929 ل 1961، ف لوقت دلإتحاد السوڤياتي، تسمّات لمدينا سطالين أباد (لمدينا دسطالين)، و لكن عاود رجّعات سميتها من بعد.[1]
