Movatterモバイル変換

[0]ホーム
URL:

Jump to content
Wìkìpedia
Iweweek

Lesoto

Ònan̄a me Wìkìpedia

Lesoto (òrereKingdom of Lesotho me usem uket-chieen̄, mè ireNaha ea Lesotho me usem Sotho) ìreido emen ido eyiAfirika Osiki otapbe ikana. Îre ido ogoon̄ ogoon̄ òkup meOgoon̄ Maloti. Ogoon̄ òbebene ichit meAfirika Agan̄ Osiki ìkup me emen kan̄.[1] Okike ijọn̄ ido Lesoto obenbe ìsa sọntiik inu imin iraka 30,000 km². Otu-ifuk ebi ìkup me emen mîso efie iba. Ama-ibot kan̄ mè ama òmimin ichit ìreMaseru. Usem ekitumu me emen do ya ìre Sesoto mè Uket-chieen̄.

Egop Lesoto
Iman̄ Ido Lesoto
Okwa Ido
Ogugo-ijọn̄ Lesoto (ere îkupbe me linyọn̄)

Me adasi mgbọ, Lesoto ìkup me irak mkpulu-usun̄ Biriten; ekekigwen ido ya Basutolan [Basutoland], ire, ema etutumu isibi me òso usen ini me Ọkitoba 1966 ibe ke ema mîkaan̄ lek isibi itele mkpulu-usun̄ Yuu-kè. Mgbọ keyi, îre ido òkikpulu lek kan̄, mè ire si ge me lek ido ìkup me Yuu-en, Commonwealth,Ntitiin̄ Afirika mè Southern African Development Community (SADC). Erieen̄ yaLesoto ìsibiIjọn̄ ebi Soto.[2][3]

Adasi ebi ìluluk me ere ya ìre Ebi San. Mêkọt imun̄ ubọk ikwaan̄ ewuuk kiban̄ ochonbe ikana otutuuk agan̄ ya.[4]

Otoko mè Usem

[nen̄e ge |nen̄e me ebon]

Ìsik inen morebe otutuuk ebi ido ya ere ebi Basoto [Basotho]. Akọp irek onaan̄ge mè onaan̄ge mè okpọkọ jaaba (99.7%) ìre etumu ibe ke ema ìre ebi Basoto. Me ikeya, Lesoto ìre ge me lek ido inen mè inen me Afirika ìrere <nation state>, eyi ebi otoko ge gaalek ewabe ichit, mè ikaan̄ si usem ge. Owuwa okike ijọn̄ ìkup me etete ido mè ido mgbọ keyi ìre ebi ibot mkpulu-usun̄ esun̄, eya orọ, owuwa okike ijọn̄ cha kpeje itat mèlek okike òkup me oka mgbọ me etete otoko mè otoko sabum ebi mkpulu-usun̄ enube.[5] Ebi kè ofifi asabọn otoko ìkup me Basoto ìre ebi Bafokeng, Batloung, Baphuthi, Bakuena, Bataung, Batšoeneng, mè Matebele. Usem Sesoto [Sesotho] ore usem mkpulu mè usem ebi ido ya ekitumu me uwu.

Erumfaka

[nen̄e ge |nen̄e me ebon]

Ebi ìkgọọk erumfaka Kiristien me ido yi mîwa iraka akọp irek onaan̄ge mè go me efit (95%).[6] Me etete keya, ebi Purọtesitan ìre akọp mè irek jeeta mè nchọi iba me efit me lek ebi ido ya; ebi Pentikọs ìre akọp mè irek go mè nchọi ini me efit (15.4%); ebi Angilikan ìre irek go mè nchọi ita me efit (5.3%), sà ofifi ebi Kiristien ere irek ge mè nchọi jeeta me efit (1.8%).[7] Ebi Katọlik ìre akọp irek ini mè onaan̄ge mè nchọi ini me efit (49.4%) me lek ebi ido ya. Ebi ìkigọọk erumfaka echi ekarege Kiristien ìre gaalek irek onaan̄ge mè nchọi gweregwen me efit (9.6%) me lek ebi ido ya, sà ebi kpekigọọk erumfaka geege ire irek ofok mè nchọi iba me efit (0.2%) me lek ebi ìluk me ido ya.[8]


Nrọnnye

[nen̄e me ebon]
  1. ↑Maloti Mountains, Britannica
  2. ↑Nicole Itano (2007).No Place Left to Bury the Dead. Simon and Schuster. p. 314.ISBN 978-0-7432-7095-3.
  3. ↑Roman Adrian Cybriwsky (2013).Capital Cities around the World: An Encyclopedia of Geography, History, and Culture. ABC-CLIO. p. 182.ISBN 9781610692489.Archived from the original on 8 Mêe 2018. Retrieved 4 Mâchi 2018.
  4. ↑Walsham How, Marion (1962). The Mountain Bushmen of Basutoland. Pretoria: J. L. Van Schaik Ltd.
  5. ↑Boyd, J. Barron (December 1979). "African Boundary Conflict: An Empirical Study". African Studies Review. 22 (3): 1–14. doi:10.2307/523892. ISSN 0002-0206. JSTOR 523892. S2CID 145722128.
  6. ↑ "Table: Christian Population as Percentages of Total Population by Country". Pew Research Center. 19 December 2011. Archived from the original on 11 May 2017. Retrieved 21 April 2018.
  7. ↑"Lesotho". Association of Religion Data Archives. 2015. Retrieved 18 May 2020.
  8. ↑"Lesotho". Association of Religion Data Archives. 2015. Retrieved 18 May 2020.
Ebọkọ me "https://ann.wikipedia.org/w/index.php?title=Lesoto&oldid=3803"
Ọgbọn̄:
[8]ページ先頭
©2009-2025 Movatter.jp