A palabratecnolochía[1] data d'osieglo XVIII, cuan atecnica, historicament empirica, empecipia a vinclar-se con aciencia y s'empecipian a sistematizar osmetodos de producción. A tecnolochía surte cuan s'enfocan determinatos problemas tecnicos socials con una concepción cientifica y dintro d'una cierta bastida economica y sociocultural; ye intimament vinclada con a ciencia y a complementariedat entre as dos se incrementa cada vegada mas. A tecnolochía emplega ometodo cientifico, comprende o saber sistematizato y en o suyo accionar se manulla tanto a ran practico como conceptual, ye dicir, que abraca lo fer y a suya reflexión teorica. A tecnolochía ye o conchunto ordenato deconoiximientos y os correspondients enantos que tienen como obchectivo la producción de cabals y servicios, tenendo en cuenta la tecnica, a ciencia y os aspectos economicos, socials y culturals embrecatos. L'alcance d'o termin se estendilla a los produtos resultants d'ixos enantos que deben responder a necesidaz u deseyos d'a sociedat y tener como preposito contrebuir a amillorar a calidat de vida. Cuan a tecnolochía busca una solución a los problemas que se planteyan en a sociedat, lo fa relacionando a tecnica (os suyos conoiximientos, trastes y capacidat inventiva), con a ciencia (o campo d'os conoiximientos cientificos) y con o tarabidau economico y sociocultural d'o medio (as relacions socials, as formas organizativas, os modos de producción, os aspectos economicos, a bastida cultural, entre atros aspectos). Resumindo, se puede dicir que la ciencia ye ligada a lo deseyo de l'hombre de conoixer, mientres que la tecnica y a tecnolochía lo son a la voluntat de l'hombre de fer, ta satisfer os suyos deseyos y necesidaz.
- Ciapuscio, Héctor;Nosotros y la tecnología; Edit. Agora; Buenos Aires (Argentina); 1999;ISBN 987-96235-5-X.
