Iste articlo ye en proceso de cambio enta laortografía oficial de Biquipedia (laOrtografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Unmedico[1][2] (d'olatín< medĭcus) ye un profesional que practica amedicina y que mira de mantener y recuperar a salut humana a traviés d'o estudio, o diagnostico y o tractamiento d'a malautía u lesión d'o pacient. De forma coloquial, se denomina tamién doctor a istos profesionals, encara que no haigan obteniu o grau de doctorau.[3] O medico ye un profesional altament qualificau en materia sanitaria, que ye capable de dar respuestas por un regular encertadas y rapidas a problemas de salut, a traviés de decisions presas habitualment en condicions de gran incerteza, y que amenista una formación contina a o largo de toda a suya vida laboral.[4]
O prencipal obchectivo d'o medico, y por extensión, d'a Medicina, ye "parar cuenta d'a salut d'o pacient y aliviar o suyo sofimiento".[5] "O medico pocas vegadas cura, a vegadas alivia, pero siempre ha d'aconortar".[6]
