DrUlrich Bremi (*6. Novämber1929 zZüri, †17. Juni2021[1] inZolike) isch eSchwyzerUnternämer unBolitiker (FDP) gsii. Är isch 1990/91 Bresidänt vumNationalrot gsii.
Dr Bremi isch e Suhn vum Heinrich Bremi, em Chaufmann, un dr Johanna Sennhauser gsii. No dr Uusbildig an dr Metallarbaiterschuel zWinterthur un dr Mittelschuel het er vu 1950 bis 1954 Maschineböu an drETH Züri studiert. Erschti Beruefserfahrige het dr Ulrich Bremi vu 1955 bis 1961 bi drFirestone AG zBrattele gmacht. Vu 1962 bis 1990 het er dBauer Kaba Gruppe glaitet, ab 1968 as Delegierte un ab 1992 as Vizebresidänt vumVerwaltigsrot. Vu 1990 bis 1998 isch er Bresidänt vum Verwaltigsrot vu drGeorg Fischer AG zSchafuuse un vu 1992 bis 2000 vu drSwiss Re z Züri gsii.
Vu 1991 bis 2000 het er dr Verwaltigsrot vu drFlughafe-Immobilie-Gsellschaft zChloote bresidiert un vu 1988 bis 1999 dr Verwaltigsrot vu drZüri-Zytig. Vu 2005 bis 2008 isch er Bresidänt vu dr «ETH Zürich Foundation» gsii. Dr Bremi isch Mitglid vum Arbaitgeberverband vum Kanton Züri gsii, vu 1984 bis 1991 as Bresidänt, un au Mitglid vu dr Gsellschaft fir Hochschuel un Forschig (Bresidänt 1968-1976) un vum 1985 grindetet VerainTaten statt Worte. In dr Schwyzer Armee het er zletscht as Oberschtleutnant dient.[1]
Dr Bremi het z Zolike gläbt. Är isch vu 1964 bis zue irem Dod mit dr Anja Bremi-Forrer (1935-2018) ghyrote gsii.[2] Us dr Eh sin zwoo Dechtere firigange.
Vu 1963 bis 1975 het dr Bremi emZürcherKantonsrot aaghert, vu 1969 bis 1973 as Bresidänt vu dr FDP-Fraktion. In dr Amtsperiod 1973/74 isch er Kantonsrotsbresidänt gsii.
Anne 1975 isch dr Bremi inNationalrot gwehlt wore, är het dert vu 1986 bis 1989 di Freisinnig-Demokratisch Fraktion vu drBundesversammlig bresidiert. In sym letschte Amtsjohr 1990/91 isch er Nationalrotsbresidänt gsii.
Fir dNZZ isch dr Bremi en Verdrätter vum «alte Zürcher Wirtschaftsfreisinn» gsii, di fir dr Kanton karakteristisch äng Verbindig vum Unternämerdum mit dr FDP, wu langi Zyt dr bolitisch Ton aagee het,[1] un au vum SchwyzerMilizsischtem.[3] Är het wirtschaftsliberali, aber nit liberteri Positione verdrätte.[3]
 | Dä Artikel basiert uff ere fräie Übersetzig vudere Version vum Artikel „Ulrich_Bremi“ vu de dütsche Wikipedia. E Liste vu de Autore un Versione ischdo z finde. |