DerTomasee, wo ufRätoromanischLag da Toma oder auLai da Tuma heisst, isch en See i deSchwiizerAlpe. Er ligt ganz im Weschte vomBünderland imGotthardmassiiv uf de Höchi vo 2345 Meter und het e Flechi vo zwöiehalb Hektaare. Dä Oort ghört zu de Bündner GmeindTavetsch.
Der See isch nume ei Kilometer vo der Kantonsgränze vom Bünderland zumKanton Uri wäg. Er ligt inere Mulde uf der öschdleche Flanke unden a de Bärgchetti mid em Badus, wo uf RomanischSix Madun heisst, und em Tumaspitz(Piz Tuma) und em Rossbodestock. Noch bim See isch d Badus-Hütte, wo dZürcher Sekzion Manegg vomSAC ane 1967 bout het.[1] Das Piet i däm höche Sytetaal heisst Tomaalp(Alp Tuma). Die isch oben a der Milezalp ganz z hinderscht im Bärgtaal, wo der Tomarhy(Rein da Tuma) us vil verschidene Kwelle a de Bärge ringsume entspringt.
Drü Kilometer nördlech vom See goot der Oberalpbass vo Sedrun i der Gmeind Tavetsch ufAndermatt im Urner Urscheretaal übere.
Öpen anderthalb Kilometer oben am See foot bi de Martschallücke uf 2620 Meter Höchi als eine vo dene Kwellbech der Tomarhy a, wo in See flüsst und denn dur nes steils Tobel uf d Alp Pllidutscha abe ruuschet. Dört chunt der Sytebach vom Urlaunsee in Tomarhy, und zwei Kilometer wyter unde, näbe der Bassstrooss vom Oberalp, flüsse biCrest Darvun uf 1690 Meter der Bach vo der Basshöchi und di andere Bech vo der Milezalp in Tomarhy, und erscht vo doo a het derFluss der NameVorderrhy.
Es gilt bi deGeograafe als Konvänzioon, de Tomasee als di äigetlechi Kwelle vom Vorderrhy aazluege, wil der Tomabach im oberschte Abschnidd vom Taal vo deSurselva ligt. DerSytebach us em nögschde Taal, wo bi Tschamut undedra an Vorderhy abe chunt, der Maigelsrhy(Rein da Maighels), isch zwar a dere Stell scho lenger als der Oberlouf vom Vorderrhy sälber, er chunt aber ebe us emene Sytetaal und gilt drum nid als erschte Kwellfluss vom Rhy.
D Gägend vom Tomasee isch eini vo de Landschafte vom BLN, em Inväntaar vo de Schwiiz über d Landschafte und Naturobjekt, wo nazionale Bedütig hend.
Commons: Tomasee – Sammlig vo Multimediadateie