Mit Hilf vo drReed het mä dr Zuehöörer von ereUssaag welle überzüüge oder iin überreede, öbbis bestimmts z mache. D Rhetorik het asKunst vo dr Reed d Middel für das gliifertet und asTheorii vo dr Überzüügig analüsiert si die. D Rhetorik het also immer e dobbleti Ufgoob und sottKunst undWüsseschaft si.
Scho bevor drAristoteles die ersti usdrückligi Theorii vo dr Überzüügig usgarbäitet het, het s d Braxis vo de Rhetorikleerer gee und entsprächendi Handbüecher. D Rhetoriker häi zum Däil zur Beweegig vo deSofiste ghöört und häi s Überreede mit dr Aasicht grächtfertigt, assäi Woorhet nit wurd existiere oder wenn doch, ass mä das nid chönn wüsse. ImMiddelalter het d Rhetorik zämme mit dr Logik und dr Grammatik sTrivium usgmacht und het zum Kanon vo deSiibe freie Künst ghöört, wo in dr Antike entstande isch.
In drUfkläärig isch d Rhetorik mee und mee us em Alldaag, us de Wüsseschafte und us em Dänke verdrängt worde, wil män ere vorgworfe het, ass si vo dr razionale Erkenntnis wurd ablänke. Sithär verstoot mä under Rhetorik mäistens nume no d Technik vo dr Reed und vo dr Teggstanalüüse bzw. d Theorii und d Braxis vom Reede und vom Gsprööch. E groossi politischi Bedütig het si wider im sogenannteRealsozialismus assozialistischi Rhetorik mit ere spezielle gsellschaftspolitische Wortwaal bechoo. Si het die politische Verheltniss im Sinn vo dr Staatsideologii dütet und het d Argumentazioon vo sine Verdräter und deeren iiri Überzüügigschraft gsterkt.
Wüsseschaftligi Aarbäite zur Rhetorik beschäftige sich – vor allem sit dr Middi vom 20. Joorhundert – vor Allem mit em Gsprööch und mit Frooge vo dr Reed- und Gsprööchspedagogik; iiri Forschige chömme under anderen us drSprächwüsseschaft, drSproochwüsseschaft (vor allem emSproochgebruuch in drSprooch vo dr Wärbig), drPsüchologii, drPedagogik und drSoziologii.
