De Persische Golf isch e relativ flachs Gwässer mit arrer greeschde Tiif vo ca. 100 m. Sin Volume bträgt ca. 6000 km³. Iwer d Strooß vo Hormus isch er mit m Golf vo Oman un emArabische Meer bzw. emIndische Ozean verbunde. In de Persische Golf mindet de Zsammefluss vom Euphrat un em Tigris, de Schatt al-Arab. Durch de geringe Siißwasserzufluss un d hohe Verdunschtungsrate isch de Salzgehalt mit ca. 4 % überdurchschnittlich hoch.
Wäärend em letschde glaziale Maximum, wo weltwit de Meeresspiigel um ca. 120 m niidriger gsinn isch, isch de Grund vum Persische Golf e flaches Dool gsinn, durch des d Fliss Euphrat, Tigris un Karun emme gmeinsame Abfluss zu de Strooß vo Hormus gfunde hän. Mit em Insetze vo de Flandrische Transgression vor ca. 11.000 Jahren isch de Spiigel uf etwa heutigi Verhältniss aagschtiige.[3]
Vo denni acht Stoote sin siwe Mitgliider vo de Arabische Liga, s achte – un säll mit dr längschte Kischteandail – isch de Iran. Mit de Usnoom vum Iran un em Irak bilde d andere sechs Stoote de Golfkooperationsrat. Iran, Irak, Kuwait un Saudi-Arabie sin sit 1960 Grindungsmitgliider vo de Organisation erdölexportierender Länder (OPEC). Katar (1961) un d VAE (1967) sin etwas später äwefalls de Organisation bigeträtte.
D Region um de Persische Golf isch wäggem Erdeel- un Erdgasriichtum vo großergeopolitischer Beditung. Nooch Aagobe vo de Bundesaastalt fir Geowissenschafte un Rohstoffe (BGR) sin 2007 Saudi-Arabie (35,9 Milliarde Tonne), de Iran (18,8 Milliarde Tonne), de Irak (15,6 Milliarden Tonnen), Kuwait (13,8 Milliarde Tonne) und d VAE (13,3 Milliarde Tonne) d fünf Länder mit de weltwit greeschde Eelreserve gsinn. D ferderfähige Reserve hän se uf weltwit 163,5 Milliarde Tonne gschätzt. Dovo sin 22,0 % uf Saudi-Arabien, 11,5 % uf de Iran un 9,6 % uf de Irak gfalle.[4] De Iran (15,2 Prozent) un Katar (14,0 Prozent) bsitze ussadäm, noochRussland (26,1 Prozent), d greeschde weltwite Reserve an Erdgas.
Wägge sinnare wirtschaftliche un geopolitische Beditung isch de Persische Golf Schauplatz vo de drei so gnonnte Golfkraije gsinn. Donäwe isch s un kommt s immer widder zu Grenzstritigkite vo de Anrinerstoote.
Nooch Informatione vo de United States Energy Information Administration (EIA) passiire täglich durchschnittlich 14 Tanker mit arre Gsamtfracht vo etwa 17 Millione BarrelRoheel d Strooß vo Hormus. Des sin umgrechnet ca. 35 % vum Erdeel, wo weltwit uf See transportiert wird, un etwa 20 % vum weltwite Erdeelhandel.[5]
E Besonderhit laijt bi de Navigation um d iranische Tunb-Insle un durch d Strooß vo Hormus vor. Därte wärre Schiff als Verkehrstrennungsgebiet in infaarend un usfaarend ufgtailt, um d Gefoor vo Kollisione entlong vo de Strooß vo Hormus zu reduziire. D betroffene Linie isch ca. 10 km brait un bstäät us zwai 3 km braite Boone, wo jewails eine inwärts un d ander uswärts isch. D baide Boone wärre durch e dritti, äwefalls ca. 3 km braiti Medianboon vonenander trennt.
Ains vo de bisher schwärschde Schiffsunglück im Persische Golf hät sich am 8. Abril 1961 eraignet, wänn s britische KombischiffDara vorDubai nooch arre Explosion a Bord in Flamme ufgange, usgbrannt un untergange isch. 238 Passaschiire un Bsatzungsmitgliider sin dobii gschtorwe.
D Kischteregion vum Persische Golf gilt als e Wiig vo de Zivilisation. Do sin d greeschde Zivilisatione vo Sumer,Elam,Akkad un Babylon, sowie d Weltraich vo de Perser entstande.
Hans Krech:Von der Dhau zur Stealth-Fregatte: Zur Geschichte und aktuellen Situation der Seestreitkräfte am Persischen Golf. Berlin 2003,ISBN 3-89574-495-6.
Heinrich Lieser, Lukas Rölli-Alkemper:Wirtschaftsraum Arabischer Golf: Neue Möglichkeiten für deutsche Unternehmen in den Golfstaaten. 1995,ISBN 3-925925-74-0.
Michaela Wimmer, Stefan Braun, Hannes Enzmann:Brennpunkt Golf: Hintergründe, Geschichte, Analysen. München 1991,ISBN 3-453-05201-3.
↑Bundesanstalt für Geowissenschaften und Rohstoffe (Hrsg.):Reserven, Ressourcen und Verfügbarkeit von Energierohstoffen 2007. Kurzstudie. 2008 (online. Archiviert vom Original am 6. März 2009; abgruefen am 3. September 2017. [abgerufen am 13. Mai 2009]).Fehler inVorlage:Literatur – *** Parameterkonflikt: Unbekannte Parameter: archiv-bot, offline, archiv-datum, archiv-url; Zitationsvorlage rekursiv eingebunden
Dä Artikel basiert uff ere fräie Übersetzig vudere Version vum Artikel „Persischer_Golf“ vu de dütsche Wikipedia. E Liste vu de Autore un Versione ischdo z finde.
26.90472222222251.5475Koordinate:26° 54′ 17″ N,51° 32′ 51″ O
