Kiribati[kiri:ba:s] isch enInselstaat imPazifik. Zum Staatsterritorium ghören e Hufe Insle inMikronesie undPolynesie, wo verstreut über e wiits Gebiet nördlig und südlig vomÄquator lige.
Dr Nationalfiierdig isch dr 12. Juli, dr Johresdag vo dr Unabhängigkeit 1979.
S Territorium het e West-Ost-Usdehnig vo öbbe 4.835 km (Luftlinie vo dr westligste InsleBanaba bis zur östligste Insle imCaroline-Atoll) und e Nord-Süd-Usdehnig vo öbbe 1.973 km (Luftlinie vo dr nördligste InsleTeraina (Washington Island) bis zur südligste InsleFlint Island) in eme Meeresgebiet vo rund 5,2 Mio. km².
S Staatsgebiet lit – ganz allgemein gsait – halbwägs zwüscheHawaii undAustralie in dr Mikronesische Region vomSüdpazifik. Zwüsche de Gilbert- und Phoenixinsle verläuft dr 180. Längegrad und drmit, bis Ändi 1994, dieinternationali Datumgränze. So dass mä im ganze Staatsgebiet s gliiche Datum gha het, isch am 1. Januar 1995 d Datumsgränze so gänderet worde, dass ganz Kiribati westlig drvo lit. Die östligsti vo deLine Islands,Caroline Island, heisst sit em 1. Januar 2000Millennium Island, wil uf dere Insle dr ersti Sunnenufgang vom Johr 2000 beobachtet worden isch.
Dr Inselstaat bestoht us 32Atoll, wo mä cha in drei Inselgruppen zsämmefasse, und d Insle Banaba:
Dr Grossdeil vom Land befindet sich weniger as zwei Meter über em Meeresspiegel. En Usnahm isch d Vulkaninsle Banaba, wo mit 81 m über NN die höggsti Erhebig im Inselstaat isch. Lut eme Bricht vo deVereinte Natione us em Johr 1989 wird Kiribati eins vo de erste Länder si, wo im 21. Johrhundert as Folg vom Klimawandel zum Grossdeil überfluetet wurd. Middi 1999 isch bekannt gee worde, ass zwei unbewohnti Koralleriff überfluetet worde si.
- Übersicht über die wichtigste Insle und Atoll
 | Kiritimati
(Christmas Island
Wiehnachtsinsle) | 375 km² | 5.200 Iiwohner | Kiritimati het vo allne Koralleninsle uf dr Wält die grössti Landflechi. |
 | Tabuaeran
(Fanning Island) | 33,7 km² | ca. 2.500 Iiwohner | Dr änglisch Name vo däm Atoll chunnt vom US-amerikanische Entdecker Edmund Fanning. |
 | Teraina
(Washington Island) | 14,2 km² | 1.150 Iiwohner | Das Atoll isch au vom Fanning entdeckt worde, won es noch em US-PresidäntGeorge Washington benennt het. |
 | Banaba
(Ocean Island) | 6 km² | 301 Iiwohner | Im Johr 1900 het mä entdeckt, ass alle Felse us versteineretem Vogeldräck (Guano) bestoht. Banaba isch näbeNauru die zweiti Insle im Westpazifik, wo grossiPhosphatlager het. |
 | Tarawa | 32 km² | ca. 50.000 Iiwohner | Das Atoll isch s Hauptatoll vo dr ehemolige britische Kolonii vo de Gilbertinsle gsi und isch hüte s Hauptatoll vo dr Republik Kiribati. |
 | Abariringa
(Canton Island) | 9 km² | 41 Iiwohner | Dr änglischi Name vom Atoll wird druf zruggfüehrt, ass 1854 dr WalfängerCanton vor dr Insle uf Grund gloffen isch. |
D Bevölkerig vo Kiribati isch ethnisch sehr homogen. Fast 99 % siMikronesier. Usserdäm läben 0,8 % Polynesier und 0,2 % Europäer uf Kiribati.
D Iiwohner nenne sich im Singular wie im PluralI-Kiribati. S Adjektiv vo dr Nationalitet und dr Landessprooch wird asKiribati ohni Prefix 'I' bezeichnet.
- ↑International Monetary Fund, World Economic Outlook Database, April 2008.
-3.3666666666667-168.73333333333Koordinate:3° S,169° W
