DrFriedrich Oehlkers (*6. Mai1890 z Dassel, Ortsdail Sievershausen; †24. Novämber1971 zFryburg) isch edytscheBotaaniker gsii. Sy offiziäll botaanisch Autoorechiirzel isch „Oehlkers“.
Dr Friedrich Oehlkers isch as Suun vum Bfaarer Paul Oehlkers un däm syre Frau, ere gebooreni Seiler, z Sievershausen (Dassel) im Solling uf d Wält chuu.[1][2] Noch em Abitur het er ab 1910 an drUniwersiteet Fryburg im BrysgauBiology studiert. En yyflussryyche Leerer isch dr BotaanikerFriedrich Oltmanns gsii. Anne 1914 isch er as Soldaat yyzooge un 1916 in deArgonne schwäär verletzt woore. Ai Hand isch fir allizyt gläämt bliibe. In dr Zyt vu sym Gneesigsuurlaub het er sy Stuudium bimKarl Ritter von Goebel wider ufgnuu un het s 1917 mit ere Dissertazioon zum Teema „Beitrag zur Geschichte und Kritik des Lamarckismus in der Botanik“ abgschlosse. Anne 1918 hat er s Staatsexaame in Botaanik,Zoology unChemy an dr UniwersiteetGöttingen gmacht. Ab 1918 isch dr Oehlkers zeerscht Braktikant am Botaanische Inschtitut vu drUniwersiteet Minche gsii, ab 1920 Assischtent am Jääsigsfisioloogische Laboratoorium z Weihenstephan un ab 1922 schließli Assischtänt am Botaanische Inschtitut vu drUniwersitet Dibenga bimErnst Lehmann.
In dääne Joor het dr Oehlkers an verschiidene Teeme wie dr Chäärndailig vu dr Characeae, dr poschtflorale Chrimmige, dr Spoorebildig bi Saccharomyces oder dr Entwickligsgschiicht vu Monophyllea gschafft. Scho anne 1921 het er unter em Yyfluss vum Otto Renner, wu sällemool am botaanische Inschtitut z Minche gfoorscht het, Vereerbigsversuech an Oenothera, sällere Bflanzenaartm wu ner d Joorzeet drufg als draa gfoorscht het.
Im Novämber 1922 het si dr Oehlkers an dr Uniwersiteet Dibengahabilitiert, wun er druf bis 1925 as Brivaadozänt gschafft het. Vu 1928 bis 1932 isch er Ordinarius an dr Tächnische HoochschuelDarmstadt gsii.
Im April 1932 isch dr Oehlkers em Ruef uf dr Leerstuel vu dr Botaanik an d Uniwersiteet Fryburg as Noofolger vu sym eerschte akadeemische Leerer Friedrich Oltmanns noogange.
Anne 1922 het er d Frances Ida Schwarzschild ghyroote.[3][4] Wels ii jiidischer Härchumft gsii isch, isch au är ab 1933 ständige Schikaane uusgsetzt gsii, wäge däm het er syni Foorschigsaarbet in ere „innere Emigrazioon“ mieße uusiebe. Ainewääg stamme syni wiichtigschte Chänntnis us dääre Zyt: Ab 1934 het er an dr Fisiology vu drMeiosis gschafft un 1942/43 hän är uns y Aarbetsgruppe zum eerschte Mool chenne noowyyse, ass Chemikaalie reegelmääßig chenneMutazioone uusleese. In de USA het me sy Inschtitut um di Zyt as „Black Forest School of Oehlkers“ gchännt.
Noch em Chrieg un em Änd vumnazionaalsozialistische Reschiim het dr Oehlkers wäg syre bolitische Yystellig in dr Zyt vum „Dritte Ryych“ e wiichtigi Roll bim Neiufböu vu dr Uniwersiteet ghaa. Är isch 1945 näb emConstantin von Dietze, emGerhard Ritter, emAdolf Lampe un emArthur Allgeier Mitgliid im „Berainigungsuusschuss“ vu dr Uniwersiteet gsii. Drotz ass sy Frau verfolgt wooren isch, är het sii mit Miei chenne vor dr Deportazioon in e Verniichtigslaage rette un au wänn sy ainzige Suun wäg dr Verfolgig im Chrieg dr Freidood gweelt het, ich er in däm Uusschuss au fir belaschteti Hoochschuelaagheerigi yydrätte, zum Byschpel fir drMartin Heidegger.
In dääre Ufböuzyt het dr Oehlkers au no anderi Ämter an dr Uniwersiteet Fryburg ghaa: Dekaan vu dr Natuurwisseschaftlige Fakulteet, Räkter vu dr Uniwersiteet, Grindigsmitgliid vu dr Vorlaiferorganisazioon vu drDytsche Foorschigsgmainschaft (DFG).
Beleeg fir sy didaktisch Chenne sin unter anderem sy Leerbuech „Das Leben der Gewächse“, sy Byydraag zue Feschtschrift zu 70. Gebuurtsdaag vu sym FryndKarl Jaspers 1953 oder sy Feschtvordraag zur 500-Jahr-Fyyr vu dr Uniwersiteet Fryburg 1957.
Dr Oehlkers isch anne 1958 emeritiert woore, syni Foorschigsaarbet het er anStreptocarpus un an Laubmiesch in dr Joor druf bis 1967 an dr geneetische Abdailig vum botaanische Inschtitut wytergfiert.
Drotz dr schwääre Schicksalsschleeg, wu dr Oehlkers mit syre Verletzig im Eerschte Wältchrieg oder dr Verfolgig vu syre Frau no 1933 hert mieße hiinee, drotz dr schwiirige Bedingige in dr Ufböujoor no 1945, het si dr Oehlkers e rusraagende internazionaale Ruef as Botaaniker un Cytogeneetiker erwoorbe. Är isch Voorbild fir mänki us dr Foorschigsgenerazionn noo iim, wu ir Inschtitut in dr Zyt noo 1960 mit ere ryyche materiälle Uusstattig un ooni Steerige dur dr Gang vu dr Zytgschiichte hän derfe uusböue.
Aini vu syne Schuelerne, wun är ab 1936 bis zur Habilitazioon (1948) gfiert het, isch dCornelia Harte gsii, speeter di eerscht Brofässeri an dr Uniwersiteet zKöln, wu iin as ain vu irre Feerderer eso karakterisiert het: „...ein Professor, der als hervorragender Gelehrter Frauen in der Wissenschaft nicht als Bedrohung seiner Existenz betrachtete.“[5]
 | Dä Artikel basiert uff ere fräie Übersetzig vudere Version vum Artikel „Friedrich_Oehlkers“ vu de dütsche Wikipedia. E Liste vu de Autore un Versione ischdo z finde. |