MitErneuerbari Energiä bezeichnet me alliEnergii-Forme, wo praktisch unerschöpflich zur Deckig vom Energiibedarf von der Menschheit zur Verfüegig schtöhnd und in Zuekunft zämme mitEnergiieffiziänz sehr düütlich mehr müesse zur Anwendig cho, um der schädlichKlimawandel durch dTriibhuusgas von de fossille Energieä (v. a. Erdöl und Chohle) z unterbinde.
En traditionelle erneuerbare Energiiträger isch dWasserchraft, si schtoht schon länger als 100 Jahr zur Verfüegig. SogenanntiNeui erneuerbari Energieä sind dSolarenergii, dWindenergii und dGeothermii. Die letschteri wird hützutags noch eher weniger in Form vonChraftwärch gnutzt, sondern individueller mitWermipumpe, wo d Energii näbscht der Luft oder em Wasser auch em Bode entzieh. Kein erneuerbare Energieträger isch dKernenergii, wo der Brennschtoff Uran en relativ knapp vorhandene Gschteins-Rohschtoff isch. Auch d Wermipumpe darf nur insofern als voll eneuerbar gälte, als der Schtrom für ihri Pumpe nit uus fossiler oder Kernenergii gwunne wird.
Bi der Awendig von de neue erneuerbare Energieä isch Dütschland unter de grössere Länder wältwit füehrend, während d Schwiiz s Glück het, siit Jahrzähnte ihre riich vorhandene Wasser-Rohschtoff chönne z nutze. Der Verbruuch von Erdöl-Produkt isch allerdings einewäg auch in der Schwiz noch vil z hoch, um die gschteckte Klimaziil chönne z erreiche.
