| Dialäkt: Mìlhüüserdiitsch |
D’Rebecca Marie Gomez (*2. März1997 z’ Inglewood,Kàlifornia), bass’r bekànnt unt’r ìhrem KìnschtlernàmmaBecky G, ìsch aUS-àmerikànischaSangera unSchàuischpììlera.
Sa ìsch z'äärscht ànna 2011 bekànnt worra, wu sa ìhra äärschta Müüsikvideos ìm Internet veräffentligt hàt. Sa ìsch vum Produzänt Dr. Luke bemärkt worra un hàt d’rnooh a gmainsààmer Vertrààg mìt daLäibel Kemosabe Records un RCA Records unterzaichent. Sa hàt mehrera Liader mìt da Sanger will.i.am, Cody Simpson un Cher Lloyd uffgnumma, un ànna 2013 ìsch ìhra äärschta SìnggelBecky from the Block üssagànga – d’ Sìnggel hàt positiiwa Kritik bikumma. Schpeeter ìm gliicha Joohr ìsch ìhra äärschta EPPlay It Again ärschììna. Ìhra zwaita SìnggelCan’t Get Enough (2014) hàt sa zamma mìt’m Pitbull uffgnumma; ’s ìsch bis uff Plàtz 1 vum Chart Latin Rhythm AirPlay ìn da USA glunga.
Ìm saalwa Joohr ìsch d’ Gomez mìt dr SìnggelShower vu’ma braitera Puplikum bekànnt worra. D’ Sìnggel ìsch bis ìm Top 20 vum Chart Billboard Hot 100 glunga un ìsch ìn Àmerikà àls mehrfàcha Plàtiin-Schàllplàtta üsszaichent worra, mìt mehr àss zwai Millioona Verkaif ìm Lànd. Schpeeter hàt d’ Gomez ànna 2014 un 2015 ìhra SìnggelsCan’t Stop Dancin’,Lovin’ So Hard unBreak a Sweat loo veräffentliga, wu Tail vin ìhrem äärschta Àlbum sìnn. Ìm Septamber un Oktoower 2015 hàt sa zamma mìt’m J. Balvin a gmainsààma Tournee ìn da Verainigta Schtààta gmàcht. Witterscht hàt sa ìn dr FarnsahseriaEmpire d’ Rolla vu dr Valentina Galindo gschpììlt un hàt zwai Liader fìr dr Soundtrack uffgnumma. Ìhr äärscht Liad vollschtandig uffSchpànisch,Sola, ìsch ìm Jüüni 2016 üssagànga. Ìm Jüüli 2018 hàt d' Gomez s’ LiadZooted loo veräffentliga, wo sa zamma mìt’m French Montana un em Farruko uffgnumma hàt. ’S ìsch ìhr äärscht Liad uff Anglisch zitter dräi Joohra gsìì. Ìm Septamber 2019 ìsch sa zamma mìt’m süüdkoreànischa Rapper un Tànzer J-Hope vu dr BandBTS ìm Cover-LiadChicken Noodle Soup z’ loosa gsìì.
Ìn dr Gomez ìhr äärscht SchtüdioàlbumMala Santa ìsch ànna 2019 ärschììna. ’S ìsch ìn Àmerikà ìn dr Kàtegorii „Latin“ àls Sììwafàcha Plàtiin-Schàllplàtta üsszaichent worra un ìsch bis uff Plàtz 3 vum Chart Top Latin Album glunga. Zwai Liader üss’m Àlbum,Mayores unSin Pijama, sìnn ìm Top 20 vum Billboard Hot Latin Songs ànakumma. Ìhr zwaita SchtüdioàlbumEsquemas ìsch Fìmft ìm Chart Top Latin Album worra; mìt dr drìtta Sìnggel vum Àlbum,Mamiii, hàt d’ Gomez ìhra heechschta Sìnggel-Plàtziarung ìn da USA ärziilt.
Dànk ìhrem Ärfolg hàt d’ Gomez wittera Liader zamma mìt àndra Kìnschtler uffgnumma, wia zem Biischpììl mìt’m Daddy Yankee, drChristina Aguilera, em David Guetta un dr Band OneRepublic. Sa hàt mehrera Üsszaichnunga bikumma, drunter zwai American Music Awards, dräi ASCAP Latin Awards, viar Latin American Music Awards un säcks Premios Juventud. Üsserdam ìsch sa viarmol bii da Latin Grammy Awards nominiart worra.
Commons: Becky G – Sammlig vo Multimediadateie | Dä Artikel basiert uff ere fräie Übersetzig vudere Version vum Artikel „Becky_G“ vu de änglische Wikipedia. E Liste vu de Autore un Versione ischdo z finde. |
