 | Dä Artikel behandlet dr Staat Australie. Für e Kontinänt Australie luegdo |
Australie (engl. und lat.Australia, abgleitet vo lat. terra australis ‚südligs Land‘; offizielle Name Commonwealth of Australia) isch vo dr Flechi us dr sächstgrössti Staat uf dr Wält. Er lit uf dä Südhalbchuglä vo dä Erde, uf em KontinäntAustralie.
Anderi, inoffizielli Näme für Australie si Down Under oder Oz, Bezeichnige, wo vor allem vo de Australier sälber bruucht wärde.
S Land umfasst die kontinentali Landmasse, d InsleTasmanie und e baar chliineri Insle in dr Nööchi vom Kontinänt. Es het no Bsitz imPazifische Ozean, dNorfolkinsle, dKokosinsle, dWienachtsinsle und imIndische Ozean dAshmore- und Cartierinsle und au die subantarktische InsleMacquarieinsle und dHeard und McDonaldinsle si Ussegebiet vo Australie. Dr australischen Staat erhebt sit 1933 Aaspruch uf sAustralische Antarktis-Territorium und betrachdet au daas as Ussegebiet.
Dur s Northern Territory goht de südlich Wendekreis. Drum sind döt d Trope z finde.
Eis vo de bekanntischte Wohrzeiche vo Australie isch deUluru, bekannt au under em NameAyers Rock.
D Hauptstadt vo Australie ischCanberra und het 356'100 Iiwooner. D Wirschaftszentre sind aber d MillionestädtSydney (4,1 Millione Iiwooner) undMelbourne (3,6 Millione Iiwooner). Die grössti Stadt in Westaustralie ischPerth (1,4 Millione Iiwooner), im Nordoste in Queensland Brisbane (1,8 Millione Iiwooner) und Adelaide (1,1 Millione Iiwooner) in Südaustralie. 80% vo de rund 20,6 Millione Aussis (Australier) wohned in de Nööchi vo de Küste. 92 % vo dr Bevölkerig lääbe in Stedt. Im Zentrum vo de Insle isch Wüeschti und nur sehr wenig menschlichs Läbä.
410'000 Australier (Stand 2001), also 2,4 % vo dr Bevölkerig, gseen sich as Däil vo de Uriiwooner, 92 % stamme vo Öiropäer ab und 7 % vo Asiate. Mee as e Viertel vo dr Bevölkerig isch nit im Land uf d Wält choo. Die australisch Geburteroote isch 1,8 Chinder bro Frau. D Lääbenserwartig isch 75 Joor für Manne, 81 Joor für Fraue, bi de Aborigines si s 20 Joor weniger (WHO, 1999). D Chinderstärblikäit isch 4,7 pro 1000 Geburte.
-25135Koordinate:25° S,135° O
