| Aescheblatz | |
|---|---|
 | |
 | |
| Blick uf en Aescheblatz mit de Geböid vo drBaasler Zitig und dr PAX | |
| Basisdaate | |
| Ort | Basel |
| Aagläit | 1885 |
| Stroosse, wo in Blatz iinechömme | Aeschegraabe Dalbe-Aalaag Joggeli-Strooss Malzgass Brünnligass Dufour-Strooss Aeschevorstadt |
| Bauwärk | Bank für en Internazional Zaaligsusgliich (vom Mario Botta entworfe), s klassizistische Geböid vo drBaasler Zitig |
| Nutzig | |
| Nutzergrubbe | Verkeer |
| Dialäkt: Baaseldütsch |
DrAescheblatz lit im Zentrum vo drSchwizer StadtBaasel.
Dr Aescheblatz lit zwüschen emBasler Hauptbaanhoof und em Rhii. Er drennt dr Aeschegraabe und d Dalbe-Aalaag, en Aggse, wo vom Hauptbaanhoof gege Nordoste goot. In Blatz iine chömme d Joggeli-Strooss, d Malzgass, d Brünnligass, d Dufour-Strooss und dAeschevorstadt.
Wo die üsseriStadtmuure im 14. Joorhundert baut worden isch, het mä dört, wo dr hütig Blatz isch, eWeerdoor mit eme quadratische Grundriss baut. Bis zum Aafang vom 19. Joorhundert isch sAeschedoor äins vo de bäide Stadtdoor gsi, wo au in Zite vo Chrieg offe bliibe si.
1858 het d Stadt beschlosse, uf em Aescheblatz drCentralbaanhoof z baue. Mä het s Zollhuus und dr Durm abgrisse und nume s Stadtdoor lo sii. Aber drei Joor spööter het au im Aeschedoor si letschti Stund gschlaage, wil es sich zum ene Noodleöör im stedtische Verkeer entwigglet het. Der Baanhoof het mä denn allerdings e baar hundert Meter witer gege Weste baut.[1]
1895 het mä eDramlinie über e Blatz baut. In de Joor druf isch dr Aescheblatz zu äim vo de Verkeersknootepünggt vo dr Stadt worde. In de 1950er Joor het mä sich afo überleege, öb mä dr Verkeer über en Aescheblatz in zwäi Ebene sött abwiggle, und s Drämli weer denn underirdisch gfaare.[2] Die Blään si denn aber verworfe worde.
Am 24. April 1947 isch uf em Aescheblatz dr schweersti Dramumfall in dr Baasler Gschicht bis jetz bassiert. Vom Baanhoof isch e Drämli ooni z brämse in e Kurve im Beriich vo de Haltstelle iinegraast. Dr Motorwaage isch mit eme Drämli, won em entgeegechoo isch, zämmebutscht und däm si Aahänger isch us de Schiine kippt. Dr zwäit Aahänger vom Drämli, wo dr Unfall verursacht het, isch entgläist, quer über d Haltestelle grutscht in e Zug wo dört gstande isch, iine. Säggs Lüt si bim Umfall um s Lääbe choo.[2]
Hüte isch dr Aescheblatz äine vo de wichdigste Verkeersknootepünggt in dr Stadt. Uf em Blatz befindet sich e groossi Haltstell vomDram. Do halte d Linie 3, 8, 14 und 15 vo deBaasler Verkeersbetriib aa und d Linie 10, 11 und E11 vo dr Baaselland Dransport AG. Es het au non e baar Haltstelle vo Buslinie. Drzue chunnt, ass au dr Autiverkeer über e Blatz goot.
In dr Middi vom Blatz isch e Kiosk, en andere isch am östlige Ändi vom Blatz. S markantiste Geböid am Blatz isch dBank für en Internazional Zaaligsusgliich, wo dr Mario Botta entworfe het. Am nordöstlige Rand vom Blatz isch dr modärni Bau vo dr Schwizerische Lääbensversicherig PAX und s klassizistische Geböid vo drBaasler Zitig. Usserdäm het dBank Coop iire Hauptsitz am Blatz.
S chliine Dramhüüsli vor em Hauptgeböid vo drMigrosbank isch 1991 iigweiht worde und isch e Gschänk vo dr Bank gsi.[2]
 | Dä Artikel basiert uff ere fräie Übersetzig vum Artikel „Aeschenplatz“ vu de dütsche Wikipedia. E Liste vu de Autore un Versione ischdo z finde. |
47.5511111111117.5952777777778Koordinate:47° 33′ 4″ N,7° 35′ 43″ O; CH1903: 611792 / 266722