DieUilnewel (ook bekend asMessier 97 ofNGC 3587) is ’nplanetêre newel in diesterrebeeldGroot Beer. Dit is in 1781 deurPierre Méchain ontdek enCharles Messier het dit in sykatalogus vankomeetagtige voorwerpe opgeneem.
M97 word beskou as een van die mees ingewikkelde planetêre newels. Die sentrale ster, met ’n skynbare helderheid van 16 mag, het ’n massa van sowat 0,7 keer dié van dieSon en die newel self se massa is sowat 0,15sonmassa. Die newel is sowat 6 000 jaar oud.
Die naam van die newel kom van sy uilagtige "oë" wanneer dit op ’n donker nag deur ’n grootteleskoop gesien word. Die oë kan ook duidelik op foto's van die newel gesien word.
